Kapitel 388: Meeting His Idol...

Si Mrs. Garcia ay nasa studio kasama ang mga trainee nang sila ay dumating. Namukhaan ng sekretarya ang mag asawa na nag hatid sa kanyang amo nuong umaga, kaya't hindi siya nag-atubiling papasukin sila sa loob ng opisina at doon hintayin si Mrs. Garcia. 

"Upo po, muna kayo. Pupuntahan ko lang at ipapaalam sa presidente na dumating na kayo." Paanyaya ng sekretarya habang hawak niya ang pinto na nakabukas.

Nanlaki ang mga mata ni Sato sa gulat at paghanga nang makita ang loob ng opisina ni Mrs. Garcia. Sa halip na umupo, nagtungo siya sa mga eskaparate ng parangal, kung saan ang lahat ng mga parangal na napanalunan ni Mrs. Garcia ay naka display para makita ng kalahatan.