Kapitel 154: Bakasyon

"Noong lumabas ako, nakita ko sa labas ang pamilya ng pasyente na gumagawa ng eksena. Baka kapag nakita ka kanila ay sugurin at pagtangkaan ka nila. Mas ligtas siguro kung sa likod ka nalang dumaan pauwi."

Tumango si Huo Mian. "Sige, sa likod nalang ako dadaan. Salamat, Chief Han."

"Walang anuman, at huwag ka ng mag-isip masyado, sigurado akong gagawa ng paraan si Director tungkol dito. Wala silang makukuha sa paggawa ng eksena sa labas."

"Sige po."

Inayos ni Huo Mian ang kanyang gamit at umalis sa ospital kasama si Huang Yue sa likod.

Tama nga si Chief Han, mas tahimik dumaan sa likod.

Magulo ang isipan ni Huo Mian kaya napagdesisyunan niyang maglakad pauwi.

Inabot lamang siya ng labing limang minuto para makarating sa Imperial Park.

Maaga pa at wala pang tao sa kanilang condo. Hindi pa rin nakakauwi si Qin Chu.