App herunterladen
95.16% Bringing the Nation's Husband Home (Tagalog) / Chapter 926: Pagpapatuloy (7)

Kapitel 926: Pagpapatuloy (7)

Redakteur: LiberReverieGroup

Sina Xu Jiamu at Mr. Song ang nagsama sa isang kwarto, samantalang ang

kabila naman ay sinadyang ibigay kay Song Xiangsi para makapagpahinga ito

ng mabuti.

Isang puting pader lang ang naghihiwalay sa dalawang kwarto.

Kinabukasan, maagang nagising si Song Xiangsi at ang una niyang ginawa

pagkabangon niya ay kumatok kaagad sa kabilang kwarto. Ang papa niya ang

nagbukas ng pintuan, pero noong hinanap niya si Xu Jiamu, wala na ito.

Hindi na talaga maganda ang kundisyon ng papa niya… Bagsak na bagsak na

ang katawan nito at kahit kapiranggot lang ang nilakad nito, kapansin-pansin

na grabe ang hingal nito."

Kaya dali-daling lumapit si Song Xiangsi para akayin ang papa niya papasok at

iupo sa sofa. Bilang anak, siyempre sobrang nagaalala siya, pero bago pa man

din siya makapagtanong kung anong nararamdaman nito, bigla itong nagsalita,

"Hindi nakatulog yung batang yun buong magdamag."

"Kagabi, sobrang sakit ng tyan ko… ilang beses akong tumae… pero sa tuwing

gusto kong mag'CR, bubuhatin niya talaga ako. Bukod dun, nakaihi rin ako,

kaya siya rin ang nagpunas at nagbihis sa akin. Sabi niya ako nalang daw ang

matulog sa kama habang binabatayan niya ako… Nilabhan niya nga rin yung

madumi kong damit eh…"

Habang nagsasalita, tinuro ni Mr. Song ang mga damit na nakasampay sa may

bintana.

"Base sa mga ginawa niya para sa akin… masasabi kong mabuting tao at

mahal ka talaga niya… Anak, sobrang saya ni papa na alam niyang may

magaalaga sayo sa oras na mawala na ako…"

Marami pang sinabi ang papa niya, pero habang pinapakinggan ang mga ito,

nakatitig lang siya sa mga damit na nilabhan ni Xu Jiamu.

-

Bumalik si Xu Jiamu na may dalang maraming paper bag.

Dahil masyadong biglaan ang pag'alis nila kagabi, literal na wala silang dala

kundi ang mga sarili lang nila, kaya naman ngayong umaga, sinadya ni Xu

Jiamu na bumili ng tig'dalawang pares ng damit para kina Song Xiangsi at Mr.

Song, magrenta ng sasakyan, at bumili ng agahan.

Medyo hirap ng gumalaw si Mr. Song, kaya nagrepresinta si Xu Jiamu na

subuan ito ng lugaw.

Nakapwesto si Song Xiangsi sa harapan ni Xu Jiamu at ng papa niya, at

habang pinagmamasdan ang mga ito, hindi niya mapigilang maging

emosyunal…. Sa totoo lang, hanggang ngayon, gusto niyang labanan ang

sinasabi ng puso niya, pero sa bawat kilos ni Xu Jiamu, parang tinutunaw siya

nito…

Base sa pagkakakilala niya kay Xu Jiamu, lumaki itong sunod sa layaw, at

madalas hindi nito pinapahalagahan ang mga bagay na nasa paligid nito, pero

ngayon… ramdam na ramdam niya ang malaki nitong pagbabago… Kumpara

dati, mas nakikiramdam na at mas may pakielam na ito sa ibang tao ngayon….

Kung sa walong taon nilang pagsasama, nagpakita ito ng ganito ka'passionate

na ugali kahit isang beses lang, baka hindi siya lumayo…

Matagal niya ng mahal si Xu Jiamu, pero ang Xu Jiamu ngayon… ito ang

dream guy niya… isang lalaking mapagkakatiwalaan at maasahan… pero

kagaya nga ng sinabi nito, three years ago, wala na silang koneksyon sa isa't-

isa ngayon…

-

Pagsapit ng alas onse ng umaga, binayaran ni Xu Jiamu ang bill ng hotel at

minaneho ang sasakyang nirentahan niya papunta sa baryong tinirhan noon

nina Song Xiangsi.

Mula sa airport, halos apat na daang kilometro pa ang kailangan nilang

lakbayin, kaya kulang-kulang limang oras silang bumyahe bago sila nakarating.

Mula noong dumayo si Mr. Song sa Beijing para magpagamot, wala ng tumira

sa luma nilang bahay, kaya pagkarating nila, medyo maalikabok na ito.

Ngunit taliwas sa inaasahan, walang reklamong nakisama si Xu Jiamu.

Malinaw na hindi siya nakatulog ng maayos kagabi at ngayong araw naman ay

siguradong pagod siya sa kakamaneho, pero sa kabila nito, tumulong pa rin

siya sa gawaing bahay, at nang masiguradong maayos na ang lahat, muli

siyang lumabas para bumili naman ng mga lulutuin niya para sa gabihan.

Pero dahil wala ng panlasa si Mr. Song, kaunti lang din ang kinain nito. Sa

kanilang tatlo, ito ang pinaka napagod sa lahat kaya pagkatapos nitong

uminom ng gamot, dumiretso na ito kaagad sa kwarto para matulog.


Kapitel 927: Pagpapatuloy (8)

Redakteur: LiberReverieGroup

Pagkatapos mag'gabihan, hinugasan ni Xu Jiamu ang mga plato. Pagkalabas

niya ng kusina, naabutan niya si Song Xiangsi sa sala na naglalatag ng kumot.

Nang marinig ni Song Xiangsi na may papalapit, dali-dali siyang lumingon.

Inilapag niya ang hawak niyang unan sa sofa at naglakad papunta sa direksyon

ng dati niyang kwarto. "Pwede ka ng matulog dito. Pinalitan ko na ang bed

sheet niyan."

Sinilip ni Xu Jiamu ang kwarto na tinuturo ni Song Xiangsi bago siya muling

tumingin sa sofa. Malinaw sakanya ang ibig nitong sabihin… Gusto nitong

magkahiwalay silang matulog, kaya bilang lalaki, walang pagdadalawang isip

niyang sinabi, "Ako na ang matutulog sa sofa."

"Sigurado akong pagod ka kasi buong araw kang nagmaneho…"

Ayaw pa sanang magpatalo ni Song Xiangsi, pero habang nagsasalita siya,

mabilis na naglakad si Xu Jiamu papunta sa sofa at humiga.

Kaya hindi na siya nakapagsalita at napatitig nalang dito. "Salamat."

"Walang anuman."

Halos limang minuto pang nanatili si Song Xiangsi sakanyang kinatatayuan

bago siya magsabi ng 'Goodnight', at dahan-dahang isarado ang pintuan.

-

Kinaumagahan, ginising ni Song Xiangsi ng maaga ang papa niya, habang si

Xu Jiamu naman ay nagluluto ng umagahan nilang tatlo.

Mukhang maganda ang tulog ni Mr. Song kagabi, dahil kumpara sa mga

nakaraang araw, di hamak na mas mukha itong malakas at masigasig.

Pagkatapos nilang kumain, kagaya ng orihinal na kahilingan ng matanda, muli

nitong inulit na gusto nitong pumunta sa puntod ni Mrs. Song.

Pero bago sila umalis, pinahanap ni Mr. Song kay Song Xiangsi ang isang

Chinese tunic suit na tinahi mismo ni Mrs. Song para sakanya.

Nakahimlay si Mrs. Song sa ancestral field ng Song Family, at sa kasamaang

palad, kailangan nilang maglakad papasok dahil hindi pwedeng pumasok ang

mga sasakyan.

Kahit na mas maganda ang pakiramdam ni Mr. Song ngayong araw, hirap pa

rin siyang maglakad, kaya bandang huli, binuhat nalang siya ni Xu Jiamu.

Kumpara sa Beijing, mas mainit ang summer sa kinalkhan ni Song Xiangsi.

Sakto, tanghali pa sila lumabas kaya kahit kulang-kulang dalawang daang

metro lang ang kailangan nilang lakarin, halos maligo na si Xu Jiamu sa

sobrang pawis.

Nang mapansin ito ni Song Xiangsi, bigla siyang napahawak ng mahigpit sa

payong.

-

Mula noong nagkasakit si Mr. Song, wala ng ibang nagaasikaso sa ancestral

field ng Song Family, kaya ngayon, literal na hindi na makita ang puntod ni

Mrs. Song dahil natabunan na ito ng mga damo.

Pagkababa ni Mr. Song mula sa pagkakapasan kay Xu Jiamu, hinawakan siya

ni Song Xiangsi para alalayang maglakad papunta sa puntod, kung saan hirap

na hirap siyang umupo para bunutin ang mga damo.

Dala ng sobrang panghihina, kahit gaano pa subukan ni Mr. Song, wala talaga

siyang mabunot ni isang damo, kaya nang makita ito ni Xu Jiamu, dali-dali

siyang lumapit at tinulungan ang matandang tumayo, habang sinasabi sa

mag'ama na siya nalang ang bahala.

Medyo malalim na ang ugat ng mga damo at matataas na rin ang mga dahon

kaya kailangan talaga ng doble-dobleng lakas para mabunot ang mga ito. Base

sa pinanggalingan ni Xu Jiamu, malayo ito sa tipo ng tao na gumagawa ng

ganitong gawain, kaya kasabay ng sobrang tarik na araw, walang tigil sa

pagpatak ang pawis nito. Bandang huli, hindi na talaga natiis ni Song Xiangsi

kaya lumapit na siya para bigyan ito ng tubig at sabihing magpahinga muna ito.

Pero taliwas sa gustong mangyari ni Song Xiangsi, nilagok lang ni Xu Jiamu

ang binigay niyang tubig at umupo sa tabi ni Mr. Song ng halos labing limang

minuto, at muli na itong bumalik sa puntod ni Mrs. Song para magpatuloy sa

paglilinis.

Pagkalipas ng halos isang oras, sa wakas natapos na rin si Xu Jiamu, kaya

muli, hirap na hirap na tumayo si Mr. Song, at sa tulong ni Song Xiangsi,

mabagal siyang naglakad papunta sa puntod ng asawa. Pagkarating niya,

maingat siyang lumuhod at hinimas ito, habang sinesenyasan sina Xu Jiamu at

Song Xiangsi na umalis muna para masolo ang asawa.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C926
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES