At siyempre, bilang 'girlfriend' ni Xu Jiamu, game na game naman si Yang
Sisi na makipag'inuman at sumagot sa mga tanong ng mga ito.
Sa totoo lang, ito ang kauna-unahang beses na naipit siya sa ganitong
klaseng sitwasyon, kaya medyo kinakabahan siya. Sa tuwing may
magtatanong sa kanya, sumisilip muna siya kay Xu Jiamu, bago siya sumagot
at makipag toast.
Alam ni Xu Jiamu na nakakailang ito para sa isnag normal na tao, kaya hindi
niya napigilang magsalita, "Guys, wag niyo na nga siyang pagtripan."
Kahit na walang emosyon ang tono ng boses niya, para sa lahat sobrang
protective niya sakanyang 'girlfriend'.
Pagkatapos, tinawag niya ang waiter para palitan ang basong hawak ni Yang
Sisi na may lamang wine ng isang mainit na corn juice, bago niya lagyan ng
pagkain ang bowl nito.
Dahil sa ginawa niya, napangiti ang lahat sa sobrang kilig…
Oo… Kasama si Song Xiangsi sa mga ngumiti….Pero kapansin-pansin na sa
tuwing may magpapainom sakanya, hindi siya tumatanggi kagaya ng lagi
niyang ginagawa noon at talagang iniinom ang kahit anong ipainom sakanya.
Hindi masyadong nagsasalita si Xu Jiamu, pero mahilig din talaga siyang
uminom kaya habang nagkwekwentuhan ang lahat, walang tigil din siya sa
paginom. Maya't-maya, sinisilip niya si Song Xiangsi, kaya tantsado niya
kung gaano na karami ang naiinom nito, at dahil dito, bigla siyang napakunot
ng noo.
"Jiamu… ang lakas palang uminom ni Song Xiangsi no," bulong ni Yang Sisi,
na nakatitig rin kay Song Xiangsi.
Ngumiti lang si Xu Jiamu kay Yang Sisi, at muli, nilagyan niya ng laman ang
bowl nito.
"Jiamu, nakalimutan mo na ba? Hindi ako kumakain ng mushrooms." Himutok
ni Yang Sisi habang ibinabalik sa bowl ni Xu Jiamu ang mushroom na inilagay
nito.
Maging si Xu Jiamu ay nagulat sa ginawa niya, kaya dali-dali siyang kumuha
ng isda na muli niyang inilagay sa bowl nito.
At doon lang ngumiti si Yang Sisi at nagpatuloy sa pagkain.
Tinitigan ni Xu Jiamu ang mushrooms na nasa plato niya, at pagkalipas ng
ilang segundo, muli niyang kinuha ang kanyang chopsticks at dahan-dahan
itong isinubo.
Si Song Xiangsi ang mahilig kumain ng muchrooms…
May isang private restaurant sa Second Ring Road ng Beijing na nagseserve
ng masasarap na putahe ng mushroom. Yun ang paboritong kainan ni Song
Xiangsi…Noong unang beses silang kumain sa labas ni Yang Sisi, dinala niya
ito doon, pero sa kasamaang palad, nalaman niya na hindi pala ito kumakain
ng mushrooms, kaya mula 'nun, naging maingat na siya sa tuwing magoorder
ng pagkain kapag tmagkasama sila. Pero ngayong gabi….halos eighty
percent ng mga inorder niyang ay may mushroom…
-
Dahil ayaw painumin ni Xu Jiamu si Yang Sisi, ang lahat ng atensyon ay
nabaling kay Song Xiangsi na ni isang beses ay hindi tumanggi.
Natural na malakas ang alcohol tolerance ni Song Xiangsi, pero matapos ang
sunod-sunod na paginom ng hindi niya na mabilang kung ilang baso na,
dumating na siya sa puntong hindi niya na kayang sundan pa .
Sa mata ng lahat, kalmado at walang pakielam si Xu Jiamu, pero sa
anggulong hindi nakikita ng kahit sino, maging ni Yang Sisi, pahigpit ng
pahigpit ang pagkakahawak niya sa chopsticks na nasa kanyang kamay
habang tinitignan si Song Xiangsi na halatang lasing na.
Tsk ang babaeng yan… halos siya na ang umubos ng isang litrong alak
ah….Isa pa, mula noong magumpisa ang dinner, hindi pa siya kumakain kahit
kaunti. Nagpapakamatay ba siya?
Ilang sandali pa ang lumipas, hindi na talaga kinaya ni Song Xiangsi kaya
bigla itong tumayo at nagpaalam na lalabas muna sandali.
Dahil dito, pakunot ng pakunot ang noo ni Xu Jiamu habang pinapanuod ang
mga nangyayari, at nang makita niyang pasuray-suray si Song Xiangsi, hindi
niya na natiis, kaya tuluyan niya ng inilapag ang hawak niyang chopsticks at
nagmamadaling lumabas para sundan ito. "Magsisigarilyo lang ako."
Mabilis siyang naglakad papuntang CR pero medyo malayo pa man din siya,
rinig na rinig niya ng may sumusuka sa loob at sigurado siya na si Song
Xiangsi 'yun.
Biglang natigilan si Xu Jiamu, at imbes na tumuloy ay tumalikod siya at
naglakad palayo.
-
Nagpatuloy si Song Xiangsi sa pagsusuka hanggang sa gumaan ang kanyang
pakiramdam. Pagkatapos, dali-dali siyang nagmumog at noong maghihilamos
sana siya, bigla siyang natigilan dahil may sumulpot na yogurt na may
nakatusok pang straw sa harapan niya.
Napatitig siya sa yogurt na nasa harapan niya ng ilang segundo sa sobrang
pagkagulat bago siya dahan-dahang tumingin sa salamin, kung saan nakita
niya si Xu Jiamu na nakatayo sa tabi niya, sa may bandang kanan.
Hindi ito nagsasalita at nang sandaling magkasalubong sila ng tingin, bigla
itong yumuko. Pero parang walang nangyari, nagpatuloy lang siya sa
paghihilamos at kumuha ng tissue na ipinampunas sa niya sakanyang mukha.
Pagkatapos, mabilisan niya itong tinapon sa basurahan, at walang tingin-
tingin sa yogurt na nakalapag sa may lababo, naglakad siya palabas.
Bagamat naisuka niya na ang lahat ng alak na nainom niya, sobrang nalalata
pa rin ang kanyang mga binti, kaya noong pakiramdam niyang matutumba na
siya, bigla siyang hinawakan ni Xu Jiamu para alalayan.
Dahil dito, biglang bumilis ang tibok ng puso niya, pero nang sandaling
mahimasmasan, buong pwersa siyang kumawala sa pagkakahawak nito, kaya
nadapa siya, pero agad din siyang tumayo at nagpatuloy sa paglalakad.
Pero noong palabas na siya ng CR, biglang nagring ang kanyang phone.
Kaya para alalayan ang kanyang sarili, sumandal siya sa pader at nanginginig
na kinuha ang kanyang phone mula sa bulsa niya sa likod para sagutin ang
tawag.
Hindi alam ni Xu Jiamu kung anong sinabi ng kausap nito sa kabilang linya,
pero base sa obserbasyon niya, biglang kumunot ang noo ni Song Xiangsi, at
hindi nagtagal, hindi mapakali itong nagsalita, "Papunta ako."
Pagkatapos, nagmamadali nitong binulsa ang phone nito, at kahit na pasuray-
suray, pinilit nitong maglakad ng mabilis papunta sa elevator.
Kaya siya na pinagmamasdan lang ito ay bigla ring napakunot ng noo, at
walang pagdadalawang isip na hinabol ito. "Anong nangyari?"
Pero parang wala itong narinig at paulit-ulit lang nitong pinindot ang 'open
button' ng elevator. Base sa pagkakakilala ni Xu Jiamu kay Song Xiangsi,
parati lang itong kalmado kaya ngayon na nakikita niya itong nagkakaganito,
sigurado siyang may nangyaring hindi maganda. Pagkalipas ng mahigit
limang segundo, nagbukas ang elevator, at kagaya ng inaasahan,
nagmamadali itong pumasok.
Sa sobrang pagmamadali, muntik pa itong sumubsob sa pader, pero buti
nalang at nakasunod siya kaagad kaya nahila niya ito. "Ano ba kasing
nangyari?"
Muli, hindi ito sumagot pero kitang-kita niyang namumutla na ang mukha nito
habang nakatitig sa pulang ilaw sa loob ng elevator hanggang sa makarating
sila sa ground floor, kung saan walang pagdadalawang isip itong tumakbo
palabas.
Pagkalabas ni Song Xiangsi ng building, dumiretso siya sa gilid ng kalsada
para pumara ng taxi.
Dalawang beses pa siyang tinanong ni Xu Jiamu kung anong nangyari, pero
dahil hindi siya sumagot, nainis na ito at hinila siya papunta sa parking lot.
"Ihahatid na kita."
"Hindi, magtataxi nalang ako..." Pero bago pa siya matapos sa pagsasalita,
bigla siyang binuhat nito.
At walang pagdadalawang isip, mabilis itong naglakad papunta sa sasakyan
nito sa parking lot.
Iniupo siya nito sa passenger's seat bago ito mabilis na sumakay sa driver's
seat. Habang iniistart ang makina, muli itong nagtanong, "Saan mo gustong
pumunta?"
Nakahawak si Song Xiangsi sakanyang tyan dahil nangangasim ito sa
sobrang dami ng alak na nainom niya. Nang marinig niya ang tanong ni Xu
Jiamu, umiling siya at sinabi, "Ibaba mo nalang ako sa pinaka malapit na
subway station."
Pero hindi pinakinggan ni Xu Jiamu ang sinabi ni Song Xiangsi, bagkus,
inapakan niya ng madiin ang accelator, at wala pang limang segundo,
nilampasan niya ang subway station na tinutukoy nito. "Saan mo gustong
pumunta?"
Magsasalita sana si Song Xiangsi, pero noong sandaling ibuka niya ang
kanyang bibig, walang lumabas dito, kaya nang makita ito ni Xu Jiamu sa rear
view mirror, muli itong nagsalita, "Kahit saan ihahatid kita."
Kaya sa pagkakataong ito, hindi na siya nagmatigas at yumuko nalang, "Sa
District Three Hospital."
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES