Kapitel 915: Pagkatapos (32)
Redakteur: LiberReverieGroup
Siguro sa sobrang saya ni Yang Sisi na makita siya, walang keme nitong
ininom ang tubig, sa puntong hindi nito namalayang natuluan na ang damit
nito.
Muli niyang tinignan si Xu Jiamu. Kilala niya ito bilang metikulosong tao, pero
sa pagkakataong ito, walang kahit anong bakas ng inis siyang nabasa sa
mukha nito, bagkus, kumuha pa ito ng tissue para punasan ang mukha at damit
ni ni Yang Sisi…
Samantalang si Yang Sisi naman ay halatang hiyang hiya kaya napakagat
nalang ito ng labi at napangiti kay Xu Jiamu. Pagkatapos, inagaw nito ang
tissue at may mga sinabing hindi niya na narinig.
Sa layo niya sa dalawa, hindi nabasa ni Song Xiangsi kung anong sinabi nito,
pero nakita niyang umiling si Xu Jiamu bilang sagot, bago ito maglakad
papunta sa basurahan para itapon ang tissue.
Siguro gusto ng babaeng yun, na Yang Sisi raw ang pangalan, na itapon ang
tissue pero hindi pumayag si Xu Jiamu…
Mula noong mamatay si Han Ruchu, lalong gumaling si Xu Jiamu pagdating sa
negosyo. Dahil dito, normal nalang na makita ang pangalan nito sa mga
business news outlets. Sa totoo lang, noong una sinubukan ni Song Xiangsi na
umiwas sa kahit anong maguugnay sakanya kay Xu Jiamu, pero dahil ilang
beses niya na itong nakakasalubong mula noong umuwi siya ng Beijing,
bandang huli ay hindi niya na kinaya at araw-araw na itong iniistalk.
Kaya alam niya na sobrang bait nito kay Yang Sisi… Ayon sa article na nabasa
niya, sunud-sunuran daw ito sa 'girlfriend' nito, at sa totoo lang, masakit yun
para sakanya kasi hindi naman naging ganun si Xu Jiamu sakanya sa loob ng
walong taon nilamg pagsasama, kaya inisip niya na baka ineexaggerate lang
ng media ang balita, pero ngayon na kitang-kita niya gamit ang kanyang
dalawang mga mata, naniniwala na siya….
Mas masakit kaysa sa inaasahan niya, sa puntong hindi niya kayang tignan
ang mga ito, kaya pagkatapos niyang magretouch at habang nagshushoot,
pinilit niya ang kanyang sarili na iwasan ng tingin ang mga ito.
Parte ng pinirmahan niyang kontrata ay magsusuot siya ng sixteen centimeters
na heels at aakyat sa stage. Bago niya iwan ang Beijing, three years ago,
halos araw-araw siyang nagsusuot nito, pero mula noong nalaman niyang
buntis siya kay Little Red Bean, itinigil niya ito, kaya ngayon na kailangan ng
trabaho, medyo hirap at hindi siya komportable. Pagkaaykyat niya ng stage,
medyo nawawala siya sa balanse, buti nalang, mabilis na kumilos ang kanyang
assistant at iba pang mga staff members na nakasunod sakanya, kaya nasalo
siya agad ng mga ito.
At mula sa hindi kalayuan, si Xu Jiamu, na nanahimik na nakaupo, ay biglang
napatayo at alalang-alalang sumilip sa nangyari.
"Jiamu, bakit?" Naguguluhang tanong ni Yang Sisi.
Umiling lang si Xu Jiamu, at kalmadong umupo.
"Muntik nay un ha…" Maging si Yang Sisi ay napabuntong hininga rin sa
sobrang takot, at sa kalagitnaan ng komosyon, dali-dali niyang pinakita ang
picture nila ni Song Xiangsi kay Xu Jiamu, "Jiamu, tignan mo! Natupad na ang
pangarap ko. Sa wakas may picture na ako ng idol ko. Ang ganda niya
talaga…."
"Oo nga." Pampalubag loob, sumilip si Xu Jiamu sa phone ni Yang Sisi, bago
niya muling tignan ang nangyayari kay Song Xiangsi na hanggang ngayon ay
napapalibutan pa rin ng mga tao. Bilang isang super star, alalang alala ang
lahat kung nasaktan ba ito, pero matapos nitong kumpirmahin na ayos lang
ang lahat, sabay-sabay na umalis ang mga hindi kailanang tao sa stage at
base sa instruction ng direktor, nagpatuloy ang mga ito sa pagshushoot.
Geschenke
-- Geschenk
erhalten Wöchentlicher Energiestatus
-- Power-
Rangliste 
-- Power-
Stein