App herunterladen
89.2% Bringing the Nation's Husband Home (Tagalog) / Chapter 868: Ang Katapusan (29)

Kapitel 868: Ang Katapusan (29)

Redakteur: LiberReverieGroup

Noong nakaraang taon, nakipaghiwalay ito sakanya nang hindi niya alam kung

bakit.

Pagkagising niya mula sa coma, ilang beses niya itong sinubukang kausapin,

pero sa tuwing mangyayari yun, lagi lang silang magaaway, kaya bandang

huli, siya na mismo ang lumayo para matahimik na rin ang buhay nito. Oo,

matagal na silang hiwalay…. At kung hindi pa siguro siya pumunta sa Su Yuan

apartment at niyakap ito habang nagmamakaawang huwag siyang iwanan,

siguro matagal na talaga silang tapos….

Sa totoo lang, sa walong taon nilang pagsasama, kahit kailan hindi nila

napagusapan ang tungkol sa kasal, o kahit nga ang mga simpleng bagay na

pinaguusapan ng mga normal na magkasintahan. Ang alam niya lang…

masaya siya pag kasama niya si Song Xiangsi, kaya kahit ilang beses itong

nasangkot sa scandal ng iba't-ibang lalaki sa entertainment industry, ni

minsan hindi siya nagtanong.

Pareho silang walang pakielam sa ginagawa ng bawat isa, o siguro ang mas

tamang salita ay… pareho silang walang tiwala sa isa't-isa.

At sa totoo lang, negosyo lang naman talaga ang lahat. Pero ang negosyong

ito ay pinaikot ikot ang mundo niya.

Walong taon, ang walong taon nilang pagsasama, ay umabot na sa dulo.

Ang nakakalungkot lang, hindi sila kagaya nina Lu Jinnian at Qiao Anhao.

Na kahit gaano pa katagal silang paglaruan ng tadhana, hindi talaga sila

pwedeng magkatuluyan dahil hindi kagaya nung dalawa, wala silang mga

pusong handang magpakamartyr, maipaglaban lang ang mga pagmamahal

nila, at yun ay kung mayroon talagang pagmamahal…

Dahan-dahan niyang binitawan ang baba ni Song Xiangsi at umatras.

Pagkatalikod niya, tuluyan ng bumuhos ang kanyang mga luha, at ngayong

nasabi niya na ang linyang sa tingin niyang tutuldok sa lahat, walang

pagdadalawang isip siyang naglakad palabas ng apartment.

-

Pagkasaradong pagkasarado ng pintuan, ang kaninang sobrang tapang na

Song Xiangsi, ay hindi na rin kinaya at tuluyan na ring umiyak.

Tapos na… Sa wakas, tapos na talaga…

Walong taon. Ang napaka habang walong taon, sa wakas, natapos na rin…

Mula nang makilala niya si Xu Jiamu, alam niya naman na magkaiba ang

mundo nila.

Siya si Cinderella, at si Xu Jiamu naman si Prince Charles, pero hindi kagaya

ng nangyari sa paborito niyang fairy tale, wala silang happy ending.

Sa totoo lang, ilang beses niyang sinabi sa sarili niya na wag niyang mahalin

ang sarili niya, pero…. nagpatalo siya sa tukso at bandang huli, hulog na

hulog na siya, sa puntong hindi na siya makabangon.

Sinubukan niya talagang isuko nalang ang nararamdama niya, pero sa tuwing

ginagawa niya yun, nasasaktan lang siya.

Bandang huli, hindi niya na alam kung anong gagawin niya, kaya

napagdesisyunan niyang patayin nalang ang anak nito, para si Xu Jiamu

nalang ang magalit sakanya, kasi kung siya? Imposible… dahil kahit anong

gawin nito, hindi niya kayang magalit.

At kagaya ng gusto niyang mangyari, galit na galit nitong sinabi sakanya,

'Mula sa araw na 'to, wala ng namamagitan sa atin!'

Wala na siyang ibang maisip na paraan…. Mahigit kalahating taon niya ng

sinusubukang putulin ang namamagitan sakanila, at sa wakas, nagawa niya

na rin.

Hindi siya galit kay Xu Jiamu… Kasi alam niya na siya rin naman mismo

nagtulak sa sarili niya sa ganitong sitwasyon…

Sa totoo lang, kasalanan man ang ginawa niya, pero wala siyang

pinagsisisihan.

Kasi ito nalang ang pwede niyang iregalo sa sarili niya, dahil malinaw sakanya

na kahit buong buhay pa siyang magtiis, hindi talaga sila pwedeng maging

para sa isa't-isa.

Ni hindi nga sila naging official na magkasintahan… kahit patago lang…

Kaya ngayon, sarili niya naman ang pinipili niya…. Alam niyang si Xu Jiamu

ang kahinaan niya, kaya kailangan niyang magisip ng paraan para ito nalang

ang lumayo sakanya. Pero, bakit sobrang sakit?

Walong taon! Walong taon! Ngayong araw, pinutol niya lang naman ang lahat

ng ugnayan niya sa taong minahal niya ng walong taon.

Mula ngayon, hanggang sa mga natitirang araw ng buhay nila, hindi na sila

pwedeng magkaayos pa.

Sa pagkakataong ito, tuluyan ng humagulgol si Song Xiangsi at habang

nakahawak sakanyang tyan, walang tigil siyang umiyak hanggang sa mapagod

siya.

Pagtungtong ng alas nuebe ng gabi, lumabas siya ng Su Yuan apartment na

may dalang maleta. Pagkalabas, pumara siya ng taxi at dumiretso sa airport.

Pagtungtong ng alas onse, sumakay siya ng eroplano, pero bago ito, itinapon

niya muna ang kanyang phone sa isang basurahan.

Bandang pasado alas onse, tuluyan ng lumipad ang eroplano. Nakatitig lang

siya sa makukulay na ilaw ng Beijing.

Masyado ng malalim ang pagmamahal. Lumamig na ang kape. At natapos na

ang kwento.

Mula sa walang malisya, hanggang sa malalim na pagmamahal, na ngayon ay

dapat ng kalimutan…

Paalam, mahal ko. Paalam na sa taong nagtiyagang samahan ako ng walong

taon.


Kapitel 869: Ang Katapusan (30)

Redakteur: LiberReverieGroup

Habang paangat ng paangat ang eroplano, unti-unti ring lumalabo ang

makukulay na ilaw ng Beijing, at muli, bumuhos nanaman ang luha ni Song

Xiangsi.

Bigla niyang naalala ang Song Xiangsi, walong taon na ang nakakaraan.

Nakaputing bistida at nakatirintas ang buhok. Tandang tanda niya yung araw

na nakatayo siya sa harapan ng napaka gwapong Xu Jiamu. Nakatitig siya sa

hawak nitong credit card. Wala siyang magawa… kailangan niya ng pera, kaya

bandang huli, napakagat nalang siya ng kanyang labi at walang magawang

tumungo habang nakapikit pa ang mga mata. "Sige, payag na ako."

-

Noong araw na nakalabas si Qiao Anxia ng ospital, saktong sakto lang ang

klima.

Umagang umaga, nagtulungan sina Auntie Qiao at Chen Yang na magempake

ng gamit. Nangako si Qiao Anhao na sasamhan niya si Qiao Anxia sa paguwi,

pero dahil malaki na ang tyan niya, hindi pumayag si Lu Jinnian na hindi ito

kasama, kaya mula sa trabaho, dumiretso ito sa ospital para sunduin siya.

Alas dose na ng tanghali noong nakauwi sila sa bahay ng mga Qiao at

saktong sakto lang ang dating nila dahil katatapos lang ding maghanda ng

mga katulong ng pananghalian. Dahil hindi pa tuluyang magaling si Qiao Anxia

at buntis naman si Qiao Anhao, sinadya ni Auntie Qiao na magpaluto ng mga

masusutansyang pagkain na madali lang matunaw.

Pagkatapos nilang kumain, sinamahan nina Chen Yang at Lu Jinnian si Uncle

Qiao sa study room, habang ang tatlong babae naman ay naiwan sa sala na

nanunuod ng TV.

Dahil tatlong buwan ng buntis si Qiao Anhao, medyo mas naging antukin na

siya kaya habang nanunuod, hindi niya namalayan na nakatulog na siya sa

balikat ni Qiao Anxia.

Habang tumatagal, pabigat na pabigat ang ulo ni Qiao Anhao, kaya bandang

huli, hindi na kinaya ni Qiao Anxia at sinilip na ito. Nang makita niyang

nakatulog na ang pinsan niya, bigla niyang siniko si Auntie Qiao para

senyasan na kunin ang kumot, na nakatupi mula sa hindi kalayuan. "Kunin mo

yung kumot."

Pagktapos, maingat niyang tinakluban si Qiao Anhao. Pero habang inaayos

niya ang kumot, hindi niya namalayang natapik niya ang tyan nito. Bigla

siyang natigilan…. At hindi nagtagal, dahan-dahan niya itong hinimas. Pero,

siguro dahil sa sitwasyon niya, parang may kumurot sa puso niya, kaya

bandang huli, huminto nalang siya at napayuko.

Alas sais na ng gabi nang magising si Qiao Anhao, pero bago sila umuwi,

kumain muna sila ng gabihan na si Auntie Qiao mismoang nagluto.

Bumyahe sina Qiao Anhao at Lu Jinnian pabalik sa Mian Xiu Garden,

samantalang si Chen Yang naman ay inuwi na kaagad si Qiao Anxia sa

apartment nila. Siguro dala na rin ng pagod, nakapikit lang si Qiao Anxia sa

kabuuhan ng byahe.

Pagkarating nila sa apartment, binuksan ni Chen Yang ang pintuan at

hinarangan ang daan ni Qiao Anxia. "Pumikit ka muna."

Malinaw na hindi maintindihan ni Qiao Anxia ang ibig sabihin ni Chen Yang

kaya naguguluhan siyang nagtanong. "Ano?"

"Pumikit ka."

Pero dahil nakita ni Chen Yang na naiirita na si Qiao Anxia, at mukhang wala

itong balak na sumunod, gamit ang kanyang kamay, tinakpan niya ang mata

nito, at gamit naman ang isa niyang paa, sinipa niya ang pintuan at dahan-

dahang naglakad papasok.

"Chen Yang, ano bang ginagawa mo"

Sinubukang alisin ni Qiao Anxia ang kamay niya, pero imbes na pakawalan,

yumuko siya at bumulong ng 'shhh'. Sinarado niya ang pintuan at nagpatuloy

sa paglalakad ng mabagal hanggang sa makarating sila sa gitna ng sala, kung

saan dahan-dahan niyang inalis ang kanyang kamay mula sa mata nito.

"Chen Yang, ano bang pakulo mo…"

Habang sinasabi ito ni Qiao Anxia, naiinis siyang dumilat, at nang sandaling

mabuksan niya ang kanyang mga mata, sumalubong sakanya ang

napakaraming alitaptap, na nagpaliwanag sa napakadilim nilang apartment.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C868
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES