App herunterladen
89.1% Bringing the Nation's Husband Home (Tagalog) / Chapter 867: Ang Katapusan (28)

Kapitel 867: Ang Katapusan (28)

Redakteur: LiberReverieGroup

"Ilang beses ko bang kailangang ulit-ulitin para maniwala ka?" Muling tinitigan

ni Song Xiangsi si Xu Jiamu ng diretso sa mga mata, at nagpatuloy, "Oo,

pinalaglag ko ang anak mo…"

Pero sa pagkakataong ito, tuluyan ng nandilim ang paningin ni Xu Jiamu.

Galit na galit niyang hinablot ang balikat ni Song Xiangsi at walang

pagdadalawang isip itong binalibag sa lamesa.

Bukod sa pagkahilong naramdaman niya noong tumama ang ulo niya, tagos

sa puso ang sakit na naramdaman ni Song Xiangsi, pero wala siyang balak

na muling magpakababa para kay Xu Jiamu kaya imbes na indahin ang sakit,

nanitili siyang kalmado, na para bang walang nangyari.

Kaya lalong nagalit si Xu Jiamu at sinakal siya ng mahigpit. "Ibalik mo ang

anak ko! Ibalik mo ang anak ko! Sasakalin kita hanggang sa mamatay ka!

Papatayin kita!"

Hindi siya nagpumiglas, bagkus, pumikit lang siya at hinayaan si Xu Jiamu na

ilabas ang lahat ng galit nito habang sinasakal siya.

Habang tumatagal, pahigpit ng pahigpit ang kamay nito, kaya bandang huli,

halos hindi na siya makahinga, pero noong akala niyang mamatay na talaga

siya, bigla siyang binitawan ni Xu Jiamu. Ang buong akala niya ay tapos na,

pero hindi pa man din siya nakakabuwelo ay muli nanaman siyang hinawakan

nito sa braso kaladkarin papunta sa sala, at ibalibag sa sofa.

Kanina pa tumatama ang ulo niya, kaya sa oras na 'to, sobrang nahihilo na

siya. Wala siyang ideya sa kung ano ng nangyayari sa paligid niya, pero hindi

nagtagal, nakarinig nalang siya ng matining na tunog, kaya dali-dali niyang

hinawakan ang kanyang tyan.

Pagkasilip niya, kitang-kita niya si Xu Jiamu, na parang nababaliw na sa

sobrang galit. Ibinabato nito ang kahit anong gamit na madaanan ng mga

mata nito, at maging ang mga upuan at bumbilya ay hindi rin nito pinalampas.

Sobrang daming bubog na nagsitalsikan, kaya bandang huli, nagkanda sugat-

sugat na ang mukha nito, pero parang wala na itong nararamdaman.

Mahigit isang oras na nagwala si Xu Jiamu, at noong oras na huminto siya,

halos wala ng gamit na natira sa buong sala dahil nagkapira-piraso ang mga

ito sa sahig. Gamit ang kanyang buong lakas, dahan-dahan siyang tumayo at

mangiyak-ngiyak na tinitigan si Song Xiangsi ng sobrang tagal….Pagkalipas

ng ilang sandali, na walang nakakalam kung gaano katagal, naglakad siya

papalapit kay Song Xiangsi at hinawakan ang baba nito, na may nanlilisik na

mga mata. "Song Xiangsi, iba ka… iba ka talaga…

"Masahol ka pa sa hayop…Sabi ng iba, kahit gaano pa raw kabangis ang

tigre, hinding hindi nito kakainin ang sarili nitong anak… Wala kang puso,

pinatay mo yung sarili mong anak!"

"Anong karapatan mo para patayin ang anak ko? Tinanong mo ba ang

opinyon ko?"

"Huh huh…" Habang nagsasalita si Xu Jiamu, hindi niya mapigilang matawa

dahil hindi niya na alam kung paano niya ilalabas ang sama ng loob na

nararamdaman niya. Mangiyak-ngiyak ang kanyang mga mata, at tungo

nalang siya ng tungo habang nakatitig kay Song Xiangsi. At… bigla…ibinaling

niya ang kanyang tingin sa bintana, at emosyunal na sinabi, "Walong

taon….ngayon ang ikawalong taon na magkakilala tayo…"

Walong taon….sobrang habang panahon…kanina, sobrang sigurado na siya…

pero ngayon….

Ngayong gabi…desidido na sana siyang magpropose, pero ang napaka ganda

niyang plano ay biglang nasira ng abortion paper na ipinakita nito.

Kung anak nga nila mismo, hindi nito matanggap, eh paano pa siya?

Tama…Puro yung nararamdaman niya lang ang pinagtuunan niya ng pansin,

akala niya sapat na ang pagmamahal niya, pero oo nga pala... ni isang

beses, hindi siya nagtanong kung gusto rin ba siya nito.

Muli, natawa nalang si Xu Jiamu at tinitigan ang mangiyak-ngiyak na mga

mata ni Song Xiangsi. "Song Xiangsi, mula ngayong araw, wala ng

namamagitan sa atin!"


Kapitel 868: Ang Katapusan (29)

Redakteur: LiberReverieGroup

Noong nakaraang taon, nakipaghiwalay ito sakanya nang hindi niya alam kung

bakit.

Pagkagising niya mula sa coma, ilang beses niya itong sinubukang kausapin,

pero sa tuwing mangyayari yun, lagi lang silang magaaway, kaya bandang

huli, siya na mismo ang lumayo para matahimik na rin ang buhay nito. Oo,

matagal na silang hiwalay…. At kung hindi pa siguro siya pumunta sa Su Yuan

apartment at niyakap ito habang nagmamakaawang huwag siyang iwanan,

siguro matagal na talaga silang tapos….

Sa totoo lang, sa walong taon nilang pagsasama, kahit kailan hindi nila

napagusapan ang tungkol sa kasal, o kahit nga ang mga simpleng bagay na

pinaguusapan ng mga normal na magkasintahan. Ang alam niya lang…

masaya siya pag kasama niya si Song Xiangsi, kaya kahit ilang beses itong

nasangkot sa scandal ng iba't-ibang lalaki sa entertainment industry, ni

minsan hindi siya nagtanong.

Pareho silang walang pakielam sa ginagawa ng bawat isa, o siguro ang mas

tamang salita ay… pareho silang walang tiwala sa isa't-isa.

At sa totoo lang, negosyo lang naman talaga ang lahat. Pero ang negosyong

ito ay pinaikot ikot ang mundo niya.

Walong taon, ang walong taon nilang pagsasama, ay umabot na sa dulo.

Ang nakakalungkot lang, hindi sila kagaya nina Lu Jinnian at Qiao Anhao.

Na kahit gaano pa katagal silang paglaruan ng tadhana, hindi talaga sila

pwedeng magkatuluyan dahil hindi kagaya nung dalawa, wala silang mga

pusong handang magpakamartyr, maipaglaban lang ang mga pagmamahal

nila, at yun ay kung mayroon talagang pagmamahal…

Dahan-dahan niyang binitawan ang baba ni Song Xiangsi at umatras.

Pagkatalikod niya, tuluyan ng bumuhos ang kanyang mga luha, at ngayong

nasabi niya na ang linyang sa tingin niyang tutuldok sa lahat, walang

pagdadalawang isip siyang naglakad palabas ng apartment.

-

Pagkasaradong pagkasarado ng pintuan, ang kaninang sobrang tapang na

Song Xiangsi, ay hindi na rin kinaya at tuluyan na ring umiyak.

Tapos na… Sa wakas, tapos na talaga…

Walong taon. Ang napaka habang walong taon, sa wakas, natapos na rin…

Mula nang makilala niya si Xu Jiamu, alam niya naman na magkaiba ang

mundo nila.

Siya si Cinderella, at si Xu Jiamu naman si Prince Charles, pero hindi kagaya

ng nangyari sa paborito niyang fairy tale, wala silang happy ending.

Sa totoo lang, ilang beses niyang sinabi sa sarili niya na wag niyang mahalin

ang sarili niya, pero…. nagpatalo siya sa tukso at bandang huli, hulog na

hulog na siya, sa puntong hindi na siya makabangon.

Sinubukan niya talagang isuko nalang ang nararamdama niya, pero sa tuwing

ginagawa niya yun, nasasaktan lang siya.

Bandang huli, hindi niya na alam kung anong gagawin niya, kaya

napagdesisyunan niyang patayin nalang ang anak nito, para si Xu Jiamu

nalang ang magalit sakanya, kasi kung siya? Imposible… dahil kahit anong

gawin nito, hindi niya kayang magalit.

At kagaya ng gusto niyang mangyari, galit na galit nitong sinabi sakanya,

'Mula sa araw na 'to, wala ng namamagitan sa atin!'

Wala na siyang ibang maisip na paraan…. Mahigit kalahating taon niya ng

sinusubukang putulin ang namamagitan sakanila, at sa wakas, nagawa niya

na rin.

Hindi siya galit kay Xu Jiamu… Kasi alam niya na siya rin naman mismo

nagtulak sa sarili niya sa ganitong sitwasyon…

Sa totoo lang, kasalanan man ang ginawa niya, pero wala siyang

pinagsisisihan.

Kasi ito nalang ang pwede niyang iregalo sa sarili niya, dahil malinaw sakanya

na kahit buong buhay pa siyang magtiis, hindi talaga sila pwedeng maging

para sa isa't-isa.

Ni hindi nga sila naging official na magkasintahan… kahit patago lang…

Kaya ngayon, sarili niya naman ang pinipili niya…. Alam niyang si Xu Jiamu

ang kahinaan niya, kaya kailangan niyang magisip ng paraan para ito nalang

ang lumayo sakanya. Pero, bakit sobrang sakit?

Walong taon! Walong taon! Ngayong araw, pinutol niya lang naman ang lahat

ng ugnayan niya sa taong minahal niya ng walong taon.

Mula ngayon, hanggang sa mga natitirang araw ng buhay nila, hindi na sila

pwedeng magkaayos pa.

Sa pagkakataong ito, tuluyan ng humagulgol si Song Xiangsi at habang

nakahawak sakanyang tyan, walang tigil siyang umiyak hanggang sa mapagod

siya.

Pagtungtong ng alas nuebe ng gabi, lumabas siya ng Su Yuan apartment na

may dalang maleta. Pagkalabas, pumara siya ng taxi at dumiretso sa airport.

Pagtungtong ng alas onse, sumakay siya ng eroplano, pero bago ito, itinapon

niya muna ang kanyang phone sa isang basurahan.

Bandang pasado alas onse, tuluyan ng lumipad ang eroplano. Nakatitig lang

siya sa makukulay na ilaw ng Beijing.

Masyado ng malalim ang pagmamahal. Lumamig na ang kape. At natapos na

ang kwento.

Mula sa walang malisya, hanggang sa malalim na pagmamahal, na ngayon ay

dapat ng kalimutan…

Paalam, mahal ko. Paalam na sa taong nagtiyagang samahan ako ng walong

taon.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C867
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES