App herunterladen
87.87% Bringing the Nation's Husband Home (Tagalog) / Chapter 855: Ang Katapusan (16)

Kapitel 855: Ang Katapusan (16)

Redakteur: LiberReverieGroup

Ang mga mata ni Qiao Anxia na kanina'y sobrang saya ay parang biglang

nawalan ng buhay.

Hindi niya maintindihan ang nangyayari… Awang awa siya sa kanyang sarili…

Bakit kailangan nitong mangyari…. Wala siyang karapatan na maging

nanay…. Ito ba ang parusa sakanya ng langit?

Bandang huli, hindi niya na kinayang kimkimin ang bigat na nararamdaman

niya at tuluyan na siyang umiyak ng umiyak.

Gaano nga ba siya katagal na umiyak? Hindi niya rin alam pero inilabas niya

lang ang lahat ng gusto niyang ilabas hanggang sa may narinig siyang katok,

kaya dali-daling nagtago sa ilalim ng kumot.

Bumalik ang nurse. Naramdaman niyang lumapit ito sakanya pero siguro dahil

akala nitong natutulog lang siya, hindi na siya inistorbo nito at umalis rin

kaagad.

Nang marinig niyang nagsarado na ang pintuan, dahan-dahan niyang ibinaba

ang kumot. Hanggang sa mga sandaling 'yun, wala pa ring awat ang kanyang

luha sa kapapatak. Nakatulala lang siya sa puting kisame at hindi niya na

alam kung ano ba eksakto ang dapat niyang nararamdaman.

Pagsapit ng alas siyete, muling bumalik ang nurse.

Natuyo na ang mga luha ni Qiao Anxia, pero namumugto pa rin ang kanyang

mga mata kaya halatang-halata na katatapos niya lang umiyak.

"Miss Qiao, gising ka na pala?" Nakangiting tanong ng nurse habang bitbit ang

tray na may lamang pagkain papunta sa harapan ni Qiao anxia. "Saktong

sakto po, oras na rin para sa gabihan niyo. Babalikan ko nalang po ang tray

mamaya."

Tumungo lang si Qiao Anxia pero hindi niya kinuha ang kanyang chopsticks,

kagaya ng nakasanayan sa tuwing dumarating ang pagkain niya.

Pagkalipas ng isang oras, kagaya ng pangako, bumalik ang nurse para kunin

ang tray. Hindi nito inaasahan na hindi pa pala kumakain si Qiao Anxia kaya

hindi nito napigilang magtanong sa sobrang pagaalala, "Miss Qiao, bakit hindi

ka pa kumakain? Masama ba ang pakiramdam mo?"

Bilang sagot, walang kabuhay-buhay na umiling si Qiao Anxia. Gusto niya

sanang sabihin sa nurse na ilabas nalang ang pagkain, pero noong

magsasalita na siya, sakto namang nagbukas ang pintuan at pumasok si Chen

Yang. na suot pa rin ang suit na ginamit nito kanina sa kasal bilang best man.

"Mr. Chen, nakabalik na po pala kayo?" Pagkatapos batiin ng nurse si Chen

Yang, muli itong nagpatuloy, "Hindi ko po alam kung anong nangyari… Ayaw

pong kumain ni Miss Qiao."

Biglang kumunot ang noo ni Chen Yang at naglakad papunta sa kama. Kinapa

niya ang tray at nang mapansin niyang medyo malamig na ang pagkain,

inutusan niya ang nurse na kumuha nalang ng bago. Dahan-dahan siyang

umupo sa kama para kapain ang noo ni Qiao Anxia. Kinakabahan siya na baka

nagkaroon ng kumplikasyon dahil napagod ito kanina, pero nang makumpirma

niyang normal naman ang temperature nito, kumalma na rin siya at malambing

na nagtanong, "Bakit ayaw mong kumain? Ayaw mo ban g pagkain mo o

masama ang pakiramdam mo?"

Dahil dito, lalong nasaktan si Qiao Anxia kaya muli nanaman siyang naiyak.

Hanggat maari, ayaw niyang ipakita kay Chen Yang na malungkot siya kaya

dali-dali siyang yumuko at pinilit ang sarili niya na magpanggap na walang

nangyari. "Hindi, siguro sobrang nabusog lang ako sa reception nina Qiao

Qiao. Hindi talaga ako gutom."

"Pero kailangan mong kumain kahit kaunti para gumaling kaagad."

Walang balak na makipagtalo si Qiao Anxia, kaya tumungo lang siya at

niyakap ng mahigpit ang braso ni Chen Yang.

Hindi nagtagal, bumalik ang nurse na may dalang bagong pagkain. Alam ni

Chen Yang na walang gana si Qiao Anxia, kaya nagrepresinta siya na subuan

ito. Pagkatapos, pinunasan niya rin ang gilid ng mga labi nito, pinainom ng

gamot, at maingat na ihiga sa kama.

Alam niya kung gaano ka mitikolosa si Qiao Anxia lalo na pagdating sa

mukha. Kahit sa mga araw na hindi ito nagmemake up, lagi talaga itong

naghihilamos, kaya ngayong hirap itong bumangon, siya na mismo ang

naglinis ng mukha nito gamit ang facial wipes.

Simula nang magising si Qiao Anxia, araw-araw na itong ginagawa ni Chen

Yang.

Noong una, magkahalong saya at kilig ang nararamdaman ni Qiao Anxia dahil

para silang mga batang naglalaro, pero ngayon, hindi niya maintindihan kung

bakit sobrang sakit…

Hindi dahil sa hindi sakanya sinabi ni Chen Yang ang totoo.... Hindi na siya

pwedeng magkaanak at masyado na rin siyang alagain, pero bakit sobrang

bait pa rin nito sakanya?


Kapitel 856: Ang Katapusan (17)

Redakteur: LiberReverieGroup

Habang tinatapon ni Chen Yang ang facial wipes, napansin niya na nakatitig

sakanya si Qiao Anxia kaya dahan-dahan siyang lumapit at hinaplos ang

mukha nito, "Anong iniisip mo?"

Dahil dito, biglang nahimasmasan si Qiao Anxia, pero hindi niya pa rin inalis

ang pagkakatitig niya kay Chen Yang.

Wala namang naiisip si Chen Yang na dapat niyang ipagaalala kaya natawa

nalang siya at tumayo para maglakad papunta sa sofa na punong-puno ng

gamit.

Alam ni Qiao Anxia na kukunin ni Chen Yang ang kanyang makeup bag kaya

sinundan niya ito ng tingin at hindi nagtagal, punong-puno ng pagdadalawang

isip siyang nagtanong, "Chen Yang, anong gusto mo? Babae o lalaki?"

Kahit na nakatalikod ito sakanya, kitang-kita niya na bigla itong natigilan, pero

siguro sa takot nitong makakutob siya, patay malisya itong humarap, "Bakit

mo naman yan biglang natanong?"

Kilalang kilala niya si Chen Yang, kaya sigurado siyang kinakabahan ito, na

para bang sobrang nagaalala. "Ngayong buntis na si Qiao Qiao, sa tingin ko

dapat pinaguusapan na rin natin ang bagay na 'to. Kaya ano ba talagang

gusto mo? Babae o Lalaki?"

Sa totoo lang, sobrang kinabahan si Chen Yang na baka may alam na si Qiao

Anxia at baka magalit ito sakanya dahil hindi niya sinabi, pero noong narinig

niya ang napaka inosente nitong paliwanag, medyo napanatag siya at

kalmadong sumagot, "Gusto mong marinig yung totoo?"

"Hmm… Siyempre naman."

Dala ang makeup bag, muling naglakad si Chen Yang pabalik sa kama.

Inilabas niya ang facial cream ni Qiao Anxia at parang expert, maingat niyang

pinahiran ang mukha nito. Ayaw niyang paasahin ito, pero mas lalong ayaw

niyang masaktan ito ng katotohanan lalo na ngayon na hindi pa ito masyadong

magaling kaya tinitigan niya ito ng diretso sa mga mata at seryosong sumagot,

"Masyadong makukulit ang mga bata, kaya sa totoo lang, mas gusto ko kung

tayong dalawa nalang sana hanggang pagtanda."

'Sinabi ba yun ni Chen Yang dahil alam nitong hindi na siya pwedeng

magbuntis?'

Eh dati naman sinasabi nito na kapag lalaki ang naging anak nila, dalawa na

ang magiging taga pagtanggol niya, at kung babae naman, sisiguraduhin

nitong magiging prinsesa silang dalawa ng magiging anak nila….

'Chen Yang… Bakit ka ganyan… Alam kong gusto mong magka'anak… Hindi

mo naman yun kailangang talikuran dahil sa akin…' Oo, alam ni Qiao Anxia na

sinasabi lang ito ni Chen Yang para hindi siya masaktan, pero alam niya rin

ang sakripisyong handa nitong akuin para sakanya, at dahil dito, hindi niya na

napigilang maging emosyunal sa harapan nito.

Inilapag ni Chen Yang ang bote ng cream sa lamesa na katabi ng kama at

hinawakan ang kamay ni Qiao Anxia. "Xia Xia, kapag nakalabas ka na ng

ospital, magpakasal na tayo kaagad ah."

Sa sandaling ito, hindi na kayang pigilan ni Qiao Anxia ang kanyang mga luha,

kaya para hindi makita ni Cheng Yang, dahan-dahan siyang yumuko, at

tumungo nalang bilang sagot.

Habang si Chen Yang naman ay masayang ngumiti at maingat na lumapit para

halikan ang kanyang noo. "Sige na, malalim na ang gabi. Kailangan mo ng

magpahinga."

Pinilit ni Qiao Anxia na ngumiti at magpanggap na normal, "Mhm, goodnight."

"Night." Hinaplos ni Chen Yang ang kanyang buhok, at kinumutan, bago ito

pumunta sa CR.

Noong narinig niyang bumukas na ang gripo, hindi niya na kayang pigilan ang

bigat na nararamdaman niya, kaya dali-dali siyang nagtalukbong ng kumot at

tuluyan ng umiyak.

Sinabi ni Chen Yang na gusto siyang pakasalan nito… Pero ano pa bang

karapatan niya para tawaging 'misis' nito?

Hindi niya pinagsisisihan na iniligtas niya si Qiao Anhao dahil mahal na mahal

niya ang pinsan niya kaya kahit pa sabihing wala siyang nagawang kasalanan

dito noon, handa pa rin siyang ibuwis ang buhay niya para lang mailigtas ito…

Kaya ngayon, wala siyang sinisisi sa mga nangyari.

Pero ayaw niya rin namang idamay si Chen Yang sa pagdurusang naghihintay

sakanyang pagtanda…

-

Ngayong araw, naguumapaw ang saya ni Lu Jinnian kaya sa kauna-unahang

pagkakataon, pinagbigyan niya ang lahat ng lumalapit sakanya para

magpainom ng alak. Bukod sa hindi siya mahilig uminom, natural talaga

sakanya na madaling malasing kaya bago pa man makaalis ang mga bisita

nila ay tumba na siya kaagad, at bandang huli, pinagtulungan nalang ni Xu

Jiamu at ng assistant na akayin siya paakyat sa kwarto nila ni Qiao Anhao.

Pagkababa ni Xu Jiamu, sinamahan niya pa sina Auntie at Uncle Qiao

hanggang alas siyete ng gabi para asikasuhin ang iba pang mga bisita. Bukod

sa mga nakaraang araw na wala silang ibang ginawa kundi maghanda para sa

kasal ng kuya at best friend niya, sobrang napagod din siya ngayong araw

dahil sa impluwensya ng alak, kaya pagkatapos niyang siguraduhing nakaalis

na ang mga bisita, balak niya na rin sanang umakyat sa kwartong nakareserve

para sakanya, pero bigla namang nagring ang kanyang phone…


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C855
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES