App herunterladen
87.05% Bringing the Nation's Husband Home (Tagalog) / Chapter 847: Ang Katapusan (8)

Kapitel 847: Ang Katapusan (8)

Redakteur: LiberReverieGroup

Nagkasundo ang magpinsan na wag ng pagusapan ang mga malulungkot na

nangyari kaya sa tuwing bumibisita si Qiao Anhao, palagi lang silang

nagkwekwentuhan ng masasaya mga bagay, kagaya ng ginagawa nila dati. At

noong minsang may nakakita sakanilang isang nurse, palihim nitong pinuri si

Auntie Qiao sa sobrang ganda ng samahan nila.

Sa totoo lang, wala naman talagang sinuman ang pwedeng magsabi kung

tama o mali ang isang bagay.

Dahil sa mundong ito, walang tao na maituturing na sobrang bait o sobrang

sama at kadalasan, kaya lang naman nagagawa ng tao na magpatawad ay

dahil sa pagmamahal.

-

Sa sobrang bilis ng paglipas ng mga araw, hindi nila namalayan na dumating

na araw na pinakahihintay nina Qiao Anhao at Lu Jinnian.

Hanggat maari, gusto sana ni Qiao Anhao na iatras ang petsa ng kasal nila

hanggang sa makalabas si Qiao Anxia ng ospital, pero dalawang buwan na

siyang buntis sa kasalukuyan….Unti-unti ng lumalaki ang tyan niya, at kung

iaatras nila ang petsa, siguradong mas lalaki pa ito…Kung magkakaganoon,

siguradong hindi papayag ang Auntie at Uncle niya na isuot niya ang kanyang

wedding gown ng malaki ang tyan at baka pilitin siya ng mga ito na ituloy

nalang pagkatapos niyang manganak… Isa pa, nakapagpadala na sila ng mga

invitation kaya kung bigla nilang papalitan ang petsa, mas magiging abala pa

ito dahil kailangan nilang isa-isahing abisuhan ang mga bisita nila…

Kaya matapos ang matagal na pagdidiskusyon, napagdesisyunan nilang lahat

na ituloy nalang ang kasal sa orihinal na petsa.

Hindi pa rin kayang bumangon ni Qiao Anxia hanggang ngayon kaya hindi siya

pwedeng maging bridesmaid, pero kung siya lang ang masuusunod, gustong

gusto niya talagang dumalo sa kasal ng pinaka mamahal niyang pinsan. Hindi

naman talaga siya pinagbabawalang lumabas, pero dahil masyadong

nagaalala si Chen Yang, nakipagugnayan ito sa isang doktor na pwedeng

sumama sakanila sa kasal para masolusyunan kaagad kung sakanila mang

may mangyari.

-

May ilang pulis na nakabantay sa police station noong dumating si Xu Jiamu

kaya para makapasok, binola-bola niya muna ang mga ito at binigyan ng tig-

iisang sigarilyo para payagan siyang pumasok sa interrogation room.

Sa loob, sumalubong sakanya ang iisang lampara, na patay-sindi, na

nakabukas sa isang gilid at ang umaalingasaw na mapanghing amoy.

Ang taong nakaupo sa likod ng seldang bakal ay si Han Ruchu… Nang marinig

niya ang pagkaluskos ng pintuan, bahagya niyang iniangat ang kanyang ulo

para sumilip. Halos isang linggo palang noong huling beses silang magkita ni

Xu Jiamu, pero kumpara noong araw na 'yun, sobrang laki na ng itinanda niya

na lalo pang nahalata dahil pumuti na ang halos lahat ng hibla ng mga buhok

niya.

Sobrang sama ng pagkakatingin niya kay Xu Jiamu, na hindi nagtagal ay agad

niya ring ibinaling.

Kaya napayuko nalang ito at mahinahong sinabi sa katabi nitong pulis, "Pwede

bang iwanan mo muna kami ng sandali?"

Tumungo naman ang kausap nito at dahan-dahang isinarado ang pintuan.

Sobrang tahimik sa loob ng interrogation room. Pagkalipas ng ilang minuto,

dahan-dahan at punong-puno ng pagdadalawang isip na lumapit si Xu Jiamu

sa selda, at biglang lumuhod.

Pero nang marinig ito ni Han Ruchu, wala pa ring nagbago sa reaksyon niya,

at muli, tinignan niya lang ito ng masama.

"Ma, alam kong ayaw mo akong makita ngayon, pero nandito pa rin ako para

bisitahin ka."

"Baka hindi na pwedeng magkaanak si Xia Xia dahil sa sobrang lala ng

pagkakasaksak mo sakanya.

"Alam ko na inutusan mo si Aunt Yun na maghanap ng abogado, kaya

pinigilan ko siya. Pinuwi ko na siya sa probinsya niya. Si papa naman…nasa

ibang bansa siya ngayon at sabi niya, hindi raw siya pwedeng umuwi ng

basta-basta. Binenta ko na rin yung bahay natin, Ma. At base sa

pagkakaintindi ko sa kaso mo, siguro lalabas na ang magiging hatol sayo sa

makalawa."

Punong-puno ng emosyon at medyo nanginginig ang boses ni Xu Jiamu

habang nagsasalita. "Siguradong mahirap jan sa loob. Matanda ka na, at may

sakit ka pa kaya alagaan mong maigi ang sarili mo ah?"

"Pangako, dadalawin kita ng madalas…Kahit pa ayaw mo akong makita.

"Sana mapagnilayan mo na yung mga ginawa mo. At…at kung pagkalipas ng

labindalawang taon, makalabas ka rito na napagsisihan mo na ang lahat,

tatanggapin kita ulit, Mama."


Kapitel 848: Ang Katapusan (9)

Redakteur: LiberReverieGroup

Sa pagkakataong ito, gusto sanang magsalita ni Han Ruchu pero walang

lumabas na salita mula sakanyang bibig.

Kung may pinaka malungkot na tao sa lahat ng mga nangyari, si Xu Jiamu yun

kaya habang nakaluhod, bigla siyang yumuko na abot hanggang sahig.

"Sorry, Ma."

Ang mga salitang iyon ay simpleng paghingi ng tawad ng isang anak.

Dahil alam niya na kahit anong sabihin niya ay tumatak na sa puso't isipan ni

Han Ruchu na isa siyang suwail na anak.

Muling nabalot ng katahimikan ang buong interrogation room at ilang minuto

rin siyang nanatili sakanyang posisyon, bago siya dahan-dahang tumayo.

Tinitigan niya ng diretso sa mga mata si Han Ruchu at bumulong, "Magingat

ka."

Pero pagkalipas ng ilang minuto, wala siyang nakuhang kahit anong sagot,

kaya bandang huli, tumalikod nalang siya at malungkot na naglakad palabas.

Samantalang si Han Ruchu ay nakatitig lang sa likuran ni Xu Jiamu habang

naglalakad.

Pero nang mahawakan na nito ang pintuan, hindi niya na napigilan ang sarili

niya at punong-puno ng emosyon na sinabi, "Jiamu, alagaan mo ang sarili

mo."

Napakasimpleng mga salita, pero sapat na ang mga ito para madurog

nanaman ang puso ni Xu Jiamu. Mangiyak-ngiyak siyang tumingin kay Han

Ruchu at nakangiting sinabi, "Ma, hihintayin kitang makalabas."

Habang sinasabi niya ito, nagdadasal din siya na sana pagkalipas ng

labindalawang taon ay pumabor sakanila ang tadhana at makalabas talaga

ang mama niya sa presinto. Sa panahon na yun, siguradong puro puti na ang

buhok nito, kaya sisiguraduhin niya na babawi siya at aalagaan niya ito

hanggang sa huli nitong hininga.

Pero hindi niya naman akalain na hindi na pala nito mahihintay ang

labindalawang taon….

-

Habang inihahanda ang lahat ng kakailanganin para sa 'big day' nina Qiao

Anhao at Lu Jinnian, sobrang daming ideya ang pinagsama-sama para maging

perpekto ito, pero noong mismong araw na ng kasal, lahat sila ay hindi

makapaniwala sa sobrang ganda ng kinalabasan dahil para silang literal na

nasa fairy tale.

Punong-puno ang paligid ng mga chandelier, may mga petals ng bulaklak na

walang tigil sa pagbuhos, shaig na salamin, mga lamesang magaganda ang

pagkakaayos, isang siyam na palapag na cake na kasing tangkad na ng

tao…at isang malaking screen na nagfaflash ng mga prenuptial pictures nina

Qiao Anhao at Lu Jinnian, na sinabayan pa ng mga nakakakilig na kanta.

Pagsapit ng alas dose impunto, nagsidatingan na ang mga bisita.

Kaya pagtungtong ng alas dose kinse, umakyat na ang assistant ni Lu Jinnian

sa stage para maumpisahan na ang programa.

Alas dose bente singko, pinaakyat na nito ang groom sa entablado at

nagsipalakpakan ang lahat.

Base sa astrology, alas dose trenta'y tres ang maswerteng oras para

magpakasal kaya ibig sabihin may walong minuto pa bago pumasok ang bride,

at bilang master of ceremonies, sinamantala ng assistant na usisain si Lu

Jinnian ng mga katanungang matagal ng bumabagabag sakanya habang

nagpapalipas ng oras.

"Narinig ko na nagkaroon kayo ng pekeng kasal ng bride noon, at ayon sa

isang mapagkakatiwalaang source, ayaw daw ng bride na malaman ng lahat

ang tungkol dun, kaya ang tanong ko ngayon, paano ka napapayag ng bride?"

'Hay nako… Halata namang sinusulit ng lalaking 'to ang pagkakataon na

mangusisa… Pero pasalamat ka dahil araw ng kasal ko ngayon…' Itinaas ni

Lu Jinnian ang microphone at walang pagdadalawang isip na sumagot, "Noong

gabi ng pekeng kasal naming, binigyan niya ako ng tatlong rule."

AHA! Dahil sa sagot ni Lu Jinnian, lalo pang naging interesado ang assistant.

"Ano naman ang tatlong rule na yun? Naalala pa kaya yun ng groom natin?"

Naalala? Paano niya naman kaya makakalimutan? HELLO? Lahat kaya ng

sinabi ni Qiao Anhao, masakit man o nakakakilig, ay tandang-tanda ni Lu

Jinnian.

Sa totoo lang, sobrang nasaktan siya ng tatlong rule na tinutukoy niya, pero

ngayon, isa na ito sa mga pinaka paborito niyang mga salita.

Muli, kalmado niyang itinapat ang microphone sakanyang bibig at sinabi,

"Hindi mo ako pwedeng hawakan sa publiko.

"Hindi mo pwedeng sabihin kahit kanino na misis mo ako.

"Hindi mo pwedeng sabihin kahit kanino na tumitira tayo sa iisang bubong."


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C847
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES