App herunterladen
83.14% Bringing the Nation's Husband Home (Tagalog) / Chapter 809: Pagbabalik tanaw sa ating masasayang kahapon (10)

Kapitel 809: Pagbabalik tanaw sa ating masasayang kahapon (10)

Redakteur: LiberReverieGroup

"Ayaw na ayaw ko talaga sa math! Ang hirap namankasi!" Naiinis na reklamo ni

Qiao Anhao habang nakatitig sa mga formula na hindi niya maintindihan. Dahil

math na rin ang napagusapan, may bigla siyang naalala noong nagaaral pa sila

kaya masaya siyang tumingin kay Lu Jinnian para magkwento, "Speaking of

math, alam mo ba may magic na nangyari sa akin?"

Pinatong ni Lu Jinnian ang isa niyang kamay sa pasilyo ng bintana at tumingin

kay Qiao Anhao, "Ano?"

"Nangyari yun noong first half ng second year high school. Diba pareho lang

naman ang math teacher ng Class One at Class Three? Grabe talaga pag

naalala ko yung teacher na yun! Biruin mo ba naman lagi nalang nagpapaexam

every other month eh pinaka ayaw ko pa naman ng math! Buti na nga lang eh

may mga naiintindihan pa rin ako kahit papano…Bukod lang talaga sa parabola.

Hindi ko talaga kaya yun at tignan ko palang, nahihilo na ako.

"Eto na! Noong exam na sa parabola, Class Three yung unang nakaschedule

kaya sinabi ko kay Qiao Anxia na isulat niya yung mga sagot para sa

kinagabihan nun, pupunta ako kina Brother Jiamu at makipagcompare ng sagot,

para pagdating ng exam, may masasagot ako. Hulaan mo anong nangyari?

Habang nagkwekwento si Qiao Anhao, kitang-kita sa mukha niya ang

pagkamangha. "Bago yung math ko, nag PE muna kami. Pagbalik ko sa

classroom, tapos na ang klase kaya hindi ko na nakuha ang sagot kay Qiao

Anxia… Nalungkot talaga ako nun, pero parang may anghel na naawa sa akin

kasi may nakita akong test paper sa drawer ko! Tapos…punong puno pa ng

sagot… Sa tingin mo, sino kayang nakahula na kailangan ko ng sagot kaya

naglagay siya ng test paper sa drawer ko…"

Ilang sandaling natigilan si Qiao Anhao para alalahanin ang iba pang mga

detalye ng kwento niya, "Siguro may nagkakacrush sa akin sa Class Three no?

Pero kung may crush ang isang tao, diba dapat love letter, eh bakit test paper

ang binigay niya?! O kaya posible din na nagkamali siya ng drawer na

napaglagyan no? Aiya…Pero kahit ano pa mang dahilan niya, Lu Jinnian, alam

mo ba? Yun ang kauna-unahang beses na nakaperfect ako sa math!"

Kahit na nandaya siya, ganadong ganado pa rin si Qiao Anhao na ikwento na

nakaperfect siya sa topic na pinaka kinaayawan niya pa!

Tumingin si Lu Jinnian kay Qiao Anhao, na nagyayabang, at hindi niya

napigilang matawa. "Talaga ba? Ako naman, yun ang unang beses na nabokya

ako sa math."

"Eh?" Hindi makapaniwalang tumingin si Qiao Anhao kay Lu Jinnian dahil hindi

niya maintindihan kung anong ibig sabihin nito.

Kaya tinapik ni Lu Jinnian ang ulo ng asawa at nagpaliwanag, "Yung test paper

na sinasabi mo…Nakita kong walang tao sa classroom niyo dahil nga PE niyo,

kaya sinamantala ko yung pagkakataon na ilagay yun sa drawer mo…."

"Ah?" Literal na napasigaw si Qiao Anhao sa sobrang gulat. "Ikaw yung

naglagay nun?"

"En," mahinahong sagot ni Lu Jinnian.

"Eh paano naman nalaman na kailangan ko ng sagot?"

Habang magkahawak kamay silang naglalakad papunta sa hagdanan, masaya

nilang inalala ang mga masasayang nangyari sakanila noong kabataan nila.

At pagkalipas ng ilang minuto, muling nagsalita si Lu Jiinian, "Narinig ko kasi

yung sinabi mo kay Qiao Anxia."

Noong hapon na 'yun, bago pumasok ang magpinsan sa kanya-kanya nilang

mga classroom, hinila muna ni Qiao Anhao si Qiao Anxia at pabulong na sinabi,

"Wag mong kakalimutan na isulat yung mga sagot mo ha."

Sakto, si Lu Jinnian ang nakatokang magbura ng board kaya rinig na rinig niya

ang pagbubulungan ng dalawa.

Noong panahon na 'yun, siya ang pinaka magaling sa Class Three pagdating sa

math kaya tuwing natatapos silang magexam, siya ang laging taga kolekta ng

mga papel.

Kaya noong nalaman niya na kailangan ng crush niya ng sagot, tinapos niya

ang exam niya pero imbes na ipasa ang papel ay palihim niya itong isiniksik sa

drawer ni Qiao Anhao habang nagp'PE ang buong klase nito.


Kapitel 810: Pagbabalik tanaw sa ating masasayang kahapon (11)

Redakteur: LiberReverieGroup

Hindi binitawan ni Lu Jinnian ang kamay ni Qiao Anhao habang naglalakad sila

palabas ng Qinghua Building at paikot sa labas. Sa kalagitnaan ng school ay

may magandang garden at man-made lake na noong nadaanan nila ay biglang

tinuro ni Qiao Anhao ang upuan na gawa sa bato at sinabi, "May nakita akong

babae na nagbigay sayo ng love letter dun dati."

"Nakita mo?" Tanong ni Lu Jinnian. Habang patuloy na naglalakad ng

magkahawak kamay, tinuro niya naman ang puno na nasa tabi ng garden at

sinabi, "Eh dun naman, nakita ko na may lalaking nagbigay sayo ng

chocolates."

"Nakita mo?" Hindi makapaniwalang tanong ni Qiao Anhao kay Lu Jinnian

habang tinitignan ang tinuro nito. Hindi niya na masyadong naalala ang detalye

pero sigurado siya sa ginawa niya, "Hindi ko naman kinain yun! Binigay ko yun

kay Anxia."

"Same, ako naman, tinapon ko yung love letter nang hindi pa nabubuksan."

Napangiti nalang si Qiao Anhao sa sobrang kilig habang nagpapatuloy sila sa

paglalakad. Noong nasa kalagitnaan na sila, may sila nanaman siyang naalala

at muling nagsalita, "Alam mo ba, lagi akong dumadaan dito kasi dito kita laging

nakakasalubong."

Ang daan na tinutukoy ni Qiao Anhao ay ang daan papunta sa library at dahil

alam niyang mahilig magbasa si Lu Jinnian, lagi siyang gumagawa ng paraan

para dumaan dito.

Nakangiting nagpatuloy si Qiao Anhao, "Tandang tanda ko pa na kung hindi ka

palabas, papasok ka naman ng library sa tuwing magkakasalubong tayo at

mag'ha'Hi ako sayo.

Sa totoo lang, ayaw naman talaga ni Lu Jinnian na pumunta sa library at

kagaya ni Qiao Anhao, sinasadya niya lang din na dumaan dito dahil nga lagi

silang nagkakasalubong. Sa madaling salita, ginamit niyang palusot ang Library

para magkita sila.

Tunay na kakaiba ang mga nangyari sakanila noon…kahit musmos at wala pa

silang kamuwang muwang, hindi maitatanggi na napakaganda ng mga naipon

nilang alaala kaya hindi napigilang matawa ni Lu Jinnian sa sobrang saya,

"Kaya lang naman ako naglalakad dito kasi alam kong makakasalubong kita."

Magkahawak kamay silang naglakad paikot sa buong school at sa tuwing may

nadadanan silang partikular na lugar na tumatak sa mga isip nila,

nagkwekwento sila ng mga kanya-kanya nilang ginawa para lang mapansin ng

bawat isa.

May isang beses na iyak ng iyak si Qiao Anhao kay Lu Jinnian sa maliit na

kahuyan sa tabi ng school nila.

Kaya naman sa galit ni Lu Jinnian, inabangan niya talaga ang batang lalaki na

nangaway at kung anu-anong sinabing masasakit kay Qiao Anhao.

Para lang magpanggap na hindi nila sinasadyang magkasalubong, bumili si Lu

Jinnian ng lollipop sa canteen na sa tipo niya ay hindi naman mahilig kumain ng

matatamis, at si Qiao Anhao naman ay bumili ng Mai Dong na hindi niya rin

gustong inumin.

Maraming nangyari noong kabataan nila ang akala nila'y nakalimutan na nila.

Pero ngayon na binabalikan nila ang mga ito, para silang nag time travel at

tandang tanda nila ang bawat detalye na para bang ngayon lang nangyari ang

mga yun.

-

Pagkatapos nilang linutin ang bawat sulok ng school, bandang huli,

napagdesisyunan nilang pumasok sa library.

Sa totoo lang, si Qiao Anhao ang may ideya nito kasi noong nagaaral pa sila,

lagi niyang pinapangrap na isang araw, makasama niya si Lu Jinnian na

magbasa ng mga paborito nilang libro kagaya ng mga nakikita niyang mga

kaklase niyang magboyfriend at girlfriend.

Pero dahil Sabado sila bumisita, iilan lang ang tao sa loob ng library. Bukod sa

mga staff na nakaduty, dalawang estudyante lang na nakauniporme, na tutok

na tutok sa pagbabasa, ang mga kasama nila.

Noong naglakad sila sa hilera ng mga bookshelves, kumuha si Lu Jinnian ng

isang Chemistry Book, samantalang si Qiao Anhao naman ay parang isang

teenager na kumuha ng isang nakakailig na nobela, at pagkatapos, naghanap

sila ng pwesto na walang tao at umupo.

Tahimik silang nagbasa ng kanya-kanya nilang mga libro, at alinsunod sa

library rules, hindi sila gumagawa ng kahit anong ingay kahit pa simpleng

bulungan.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C809
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES