App herunterladen
80.16% Bringing the Nation's Husband Home (Tagalog) / Chapter 780: Buntis ako (1)

Kapitel 780: Buntis ako (1)

Redakteur: LiberReverieGroup

Noong nakita siya ni Han Ruchu, hindi ito makapaniwala at nagmamadaling

tumakbo papalapit sakanya para yakapin siya ng mahigpit. Sa sobrang

pananabik, hindi na nito napigilang umiiyak, "Jiamu, dumalaw ka na kay mama?

Diba pinapatawad mo na si mama?"

Sa pagkakataong ito, hindi siya nakipagtalo at hinayaan niya lang na yakapin

siya ng nanay niya. Higit sa pagbisita ang pakay niya kaya siya umuwi kaya

para hindi maalanganin sa oras, dumaan lang siya ng sandali sa study room

para kunin ang isang napaka halagang dokumento at nagpaalam na rin kaagad.

-

Si Qiao Anhao ang nakakuha ng pang walong pwesto noong nakaraang sabado,

kaya siya rin ang huling magpeperform ngayong gabi.

Apat lang ang make up artist sa back stage kaya pagkarating ni Qiao Anhao sa

make up room, naghintay pa sila ni Zhao Meng hanggang sa may mabakanteng

isa.

Pagkaupo niya sa tapat ng salamin, sasabihin niya na sana kaagad sa make up

artist kung anong kulay ng isusuot niya at kung anong plano niyang maging

itsura, pero bigla siyang natigilan nang makita niya si Lin Shiyi, na nakakuha ng

second place noong nakaraang round, na palabas ng dressing room.

Nakasuot ito ng isang sinaunang Chinese dance costume na kulay rosas, na

tugmang tugma sa pagkakamake up at pagkakaayos ng buhok nito.

Pero hindi siya natigilan dahil nagagandahan siya rito, kundi…. Dahil parehong

pareho sila ng costume.

"Qiao Qiao, bakit pareho kayo ng costume? Pano yan… Diba mauuna siyang

umakyat sa stage? Mabilis lang to kaya imposibleng makauwi ako para ikuha ka

ng bago. Tsk… sa mga ganitong klaseng competition, siguradong mababa ang

makukuha mong score dahil iisipin nilang nanggaya ka ng costume."

Ramdam niya ang pagaalala ni Zhao Meng kaya nginitian niya ito at sinabi sa

make up artist, "Natural look nalang na bagay sa suot ko ngayon."

Sa totoo lang… wala rin naman talaga siyang planong sumayaw ng drum dance

ni Zhao Feiyan, pero gusto niya sanang isuot ang inorder niyang costume

mamaya sa stage, kaya medyo nalungkot siya noong nakita niyang parehong

pareho sila ni Lin Shiyi…ang style… ang kulay… lahat…

Grabe namang coincidence to? Talagang pareho sila ng napiling costume?

Pagkaakyat ni Lin Shiyi sa stage, saktong katatapos lang din ni Qiao Anhao sa

pagpapamake up kaya sabay silang umupo ni Zhao Meng sa lounge. Wala

siyang pakielam sa performance ni Lin Shiyi, pero bigla siyang napakunot ng

noo nang marinig niya kung anong gagawin nito…

Drum dance ni Zhao Feiyan….

Pareho na nga sila ng costume, pareho pa sila ng performance?

Imposible…noong nalaman niyang nakapasok siya sa final round, sinigurado

niyang pasabog ang susunod niyang performance kaya sabay sila ni Lu Jinnian

na gumawa ng konsepto. Wala silang ibang pinagsabihan at kahit si Zhao Meng

o ang assistant ay wala ring alam, kaya paano malalaman ni Lin Shiyi?

Hindi niya alam kung anong hokus pokus nanaman ang ginawa ni Lin Shiyi, pero

isa lang ang malinaw: sinasabotahe siya nito at dahil siya ang huling

magpeperform, lalabas na siya ang nanggaya.

Kahit mabigat sa loob, natanggap niya pa na pareho sila ng susuotin pero

ngayon na malinaw na may umaatake nanaman sakanya, bigla siyang

nalungkot.

Magkaiba naman ang pagkakachoreograph ng mga sayaw nila at di hamak na

mas maganda ang kanya, pero dahil hindi talaga biro ang steps ng drum dance,

pagkatapos nitong magperform ay nagsipalakpakan ang lahat at binigyan ito ng

mataas na score ng mga hurado.

Pagkababa ni Lin Shiyi ng stage, tinignan siya nito ng masama, na halatang

naghahamon.

Maganda rin ang performance ng lima pang sumunod.

Pagkatapos magperform ng pang pitong contestant, naglakad na si Qiao Anhao

papunta sa stage. Habang binabaybay ang mahabang corridor, rinig na rinig

niya ang mga komento at score na binigay ng mga hurado sa huling nagperform.

Kumpara sa mga nauna niyang performance, dito siya pinaka kinabahan dahil

ang gagawin niya ay hindi na para sa show, kundi, para kay Lu Jinnian… Pero

noong handa siyang umakyat sa stage sa tawag ng host, biglang sumingit ang

special guest na si Song Xiangsi, "Sorry to interrupt for a moment."


Kapitel 781: Buntis Ako (2)

Redakteur: LiberReverieGroup

Biglang natigilan ang host, at nakangiting sinabi, "Sige, Xiangsi."

Lumapit si Song Xiangsi sa microphone at bumwelo bago siya magsalita,

"Masaya ako na ako ang napili niyong guest para sa gabing ito, kaya naman

may hinanda akong sorpresa para sainyong lahat. Ngayon na patapos na ang

competition na ito at iisa nalang ang natitirang magpeperform, gusto ko lang

hingin ang sampung minuto ninyo para saking sorpresa. Okay lang ba?"

Hindi naabisuhan ang host sa gagawin ni Song Xiangsi kaya bigla siyang

napatingin sa mga organizers na nakaupo sa gilid. Pero kagaya niya, halatang

wala ring kaalam alam ang mga ito sa nangyayari at naguguluhan nakatingin

kay Song Xiangsi.

Pero hindi pa man din pumapayag ang mga ito, muli siyang lumapit sa

microphone at kumaway sa mga manunuod, "Sa lahat ng nandito ngayong gabi,

may hinanda akong sorpresa para sainyong lahat. Handa na ba kayo?"

Noong una, naguguluhan din ang mga tao, pero noong pangalawang beses na

nagsalita si Song Xiangsi, masayang nagsigawan ang mga ito ng "Oo" na halos

magiba na ang venue sa sobrang lakas.

Hindi maintindihan ng mga organizer ang nangyayari kaya nagusap-usap muna

sila, pero noong nakita nila kung gaano kasaya ang mga nanunuod, alam nilang

maraming magagalit kung hindi nila pagbibigyan si Song Xiangsi kaya pare-

pareho silang nagkasundo at kinuha ng pinaka mataas ang microphone para

sabihin ang desisyon nila, "Sige."

Dali-daling ibinaba ng host ang binabasa nitong cue card at nagimprovise ng

magandang introduction, "Bago natin tawagin sa entablado ang huling kalahok,

sabay-sabay muna nating panuurin ang sorpresang inihanda ng babaeng

pinapangarap ng lahat ng mga lalaki… Miss Song Xiangsi!"

Masayang sinenyasan ng host si Song Xiangsi na umakyat sa entablado.

Nagpasalamat si Song Xiangsi sa host, pero hindi siya umalis sa kanyang

pwesto at umakyat sa entablado, kundi, tumingin siya sakanyang kaliwa't kanan

at biglang sinabi, "Please"

Ang mga manunuod, na naghihintay sa gagawin niya, ay gulong-gulo sa

nangyayari kaya biglang natahamik ang lahat.

Pagkalipas ng halos sampung segundo, may isang matangkad na lalaki ang

biglang tumayo mula sa pinaka dulo ng unang hilera ng mga upuan at kalmado

itong naglakad papunta sa entablado.

At isang napakagwapong lalaki, na nakasuot ng kulay asul na suit at

magandang necktie, ang biglang lumabas sa malaking screen na nasa stage.

Tumayo siya sa gitna at dahil wala siyang hawak na microphone, tumingin siya

sakanyang kaliwa't-kanan, at ang host na gulong gulo sa nangyayari ay biglang

nahimasmasan kaya dali-dali nitong inabot sakanya ang hawak nitong

microphone.

Tumungo siya bilang pasasalamat sa host bago siya muling humarap sa mga

manunuod at yumuko. Sampung minuto… sampung minuto lang ang pinangako

niya kay Song Xiangsi, at sa sampung minuto na ito, kailangan niyang masabi

ang lahat ng kailangan niyang sabihin, kaya hindi siya pwedeng magsayang ng

oras…"Magandang gabi sa inyong lahat, ako si Xu Jiamu, ang chairman ng Xu

Enterprise."

Xu Jiamu…. Nang marinig ng lahat ang pangalang ito, biglang nagbulungan ang

lahat na badang huli ay palakas na ng palakas hanggang sa magkagulo na.

"Xu Jiamu? Diba yun ang ex-husband ni Qiao Anhao?"

"Oo nga… Bakit siya nandito?"


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C780
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES