Sa utos ng gynecologist, ang parehong nurse na sumundo sakanila kanina, ay hinatid
din sila pabalik sa underground parking. Pagkasakay na pagkasakay nila sa loob, atat
na atat na inilabas ni Zhao Meng ang kanyang phone at tumingin kay Qiao Anhao,
"Qiao Qiao, noong nagbabayad ako kanina, may nadaanan akong TV at nakita ko na
may broadcast tungkol sayo at kay Lu Jinnian, at noong chineck ko sa internet, may
interview nga siya ngayon!"
Biglang kumunot ang noo ni Qiao Anhao at nagtatakang nagtanong, "Interview?
Anong klaseng interview?"
"Basta ang pamagat niya ay 'Appointment with Great God'... teka ito 'yun…"
Habang nagsasalita si Zhao Meng, hinahanap niya ang website ng live
broadcast na tunutukoy niya.
Pero dahil nasa underground parking lot sila, medyo mahina ang signal kaya
paputol-putol ang video, at dahil likas na mainipin si Zhao Meng, naiinis niyang
itinabi ang kanyang phone at nagmamadaling nagmaneho palabas. Noong nasa
kalsada na sila, humanap siya ng lugar na wala masyadong sasakyan at
huminto muna sa isang gilid para panuurin ang live stream ng interview ni Lu
Jinnian.
Pagkalipas ng kalahating minuto, sabay nilang narinig ang boses ng host,
"Okay, ngayon na tapos na nating pagusapan ang plano ni Mr. Lu sa Huan Ying
Entertainment, itanong naman natin ang plano niya bilang isang aktor. Mr. Lu,
may plano ka bang bumida sa isang bagong proyekto?"
Para mas maging maayos ang panunuod nila, inilagay ni Zhao Meng ang
kanyang phone sa phone stand ng sasakyan. Kitang-kita ni Qiao Anhao sa
screen si Lu Jinnian na nakasuot ng fitted at kulay itim na suit. Naka de-otso ito
habang nakaupo sa kaliwa at tamang-tama lang ang anggulo ng camera para
mahighlight ang napaka gwapo nitong mukha. Tipikal na Lu Jinnian... Hindi ito
ngumingiti habang kausap ang host kaya lalo pa itong nagmukhang misteryoso,
pero hindi naman mayabang.
Pagkatapos magtanong ng host, halos dalawang segundo itong natigilan bago
sumagot, "Sa ngayon, wala pa akong plano."
"Ohhh… Nakakalungkot naman yan, Mr. Lu! Ang dami pa namang local viewers
na umaasang mapapanuod ka ulit." Ramdam sa boses ng host ang sobrang
pagkadismaya, pero dahil bayad ang bawat minuto, hindi na rin nito masyadong
pinalaki ang usapan at muling nagtanong, "Alam ng lahat na halos kalahating
taon na simula noong ipamahala mo sa iba ang kumpanya. Ngayon ang tanong
ko naman sayo Mr. Lu ay, purong bakasyon ba ang ginawa mo sa lumipas na
anim na buwan o mayniluluto kang bagong proyekto?"
"Hindi naman bagong proyekto, pero naglalaro ako ngayon sa stock market."
Walang kayabang-yabang na sagot ni Lu Jinnian.
"Stock market? Balita ko medyo bagsak ang stock market ngayon ah? May ilan
kasi akong mga kaibigan na naglalaro din jan, pero ang huli kong balita sakanila
ay lagi silang natatalo. Eh ikaw Mr. Lu, madalas ka bang nanalo o may
pakakataon na natatalo ka rin?"
Isa sa pinaka minahal ng tao kay Lu Jinnian ay ang pagiging mababang loob
niya kahit pa totoo namang magaling siya. "Siguro maswerte ako kasi mula
noong nagumpisa ako, hindi pa ako natatalo."
"Mr. Lu, pwede ba kaming makitsismis kung magkano na ang napanalunan mo
sa ngayon?"
"Sa tingin ko, doble na."
"Doble na?" Hindi makapaniwalang tanong ng host. "Mr. Lu, pwede mo bang
ibahagi sa amin kung magkano yang nadoble mo?"
Walang plano si Lu Jinnian na magmayabang kaya yumuko nalang siya at hindi
sinagot ang tanong ng host.
Halatang beterano ang host sa larangan ng pagiinterview dahil imbes na
mailang ay nakahanap ito kaagad ng segway para hindi mabago ang awra. "Oo
nga naman, masyado ng personal ang tanong na 'to, pero hihirit lang ako ng isa,
Mr. Lu, saan mo ba planong gamitin ang mga iniipon mong pera?"
Sa totoo lang, patanong lang ang pagkakasabi ng host pero hindi naman talaga
siya umaasang sasagot si Lu Jinnian kaya pagkatapos niyang magsalita ay
ibinaba niya ang hawak niyang microphone para tignan ang susunod na tanong.
Kaya laking gulat niya nang biglang nagsalita si Lu Jinnian, na kilala ng lahat
bilang isang napaka personal na tao, "Para kay Qiao Qiao."
Noong tinanong ng host si Lu Jinnian kung magkano na ang kinita nito sa stock
market, dali-daling tumingin si Zhao Meng kay Qiao Anhao para makiusisa,
"Qiao Qiao, magkano ba talaga yung ininvest ng asawa mo sa stock market?"
Sa totoo lang, wala talagang alam si Qiao Anhao sa mga ginagawa ni Lu Jinnian
lalo na pag tungkol sa trabaho, kaya umiling siya bilang sagot sa tanong ni Zhao
Meng. Bagamat matagal na silang nagmamahalan, ngayon lang sila nabigyan ng
pagkakataon na makilala ng lubusan ang bawat isa kaya marami pa siyang hindi
alam tungkol dito kahit pa naging legal na silang mag-asawa. Ang alam niya
lang, palagi itong nasa study room at nagtatrabaho o di naman kaya may mga
kameeting sa ibang lugar, pero wala talaga siyang ideya kung gaano ito
kayaman.
"Qiao Qiao, anong klaseng asawa ka ba??!! Hindi mo man lang inaalam kung
magkano ba talaga ang pera ng asawa mo…" Habang nasa kalagitnaan ng
paglilitanya, biglang natigilan si Zhao Meng nang muli niyang marinig ang boses
ni Lu Jinnian mula kanyang phone. "Para suportahan si Qiao Qiao." Base sa
pagkakakilala niya kay Lu Jinnian, hindi ito basta-bastang nagsasalita sa publiko
kaya napanganga siya sa sobrang pagkagulat at imbes na magpatuloy sa
pagpapagalit kay Qiao Anhao ay kinikilig niya itong tinignan at sinabi, "Qiao
Qiao, grabe ka talaga! Ikaw na ang pinaka swerteng babae sa buong mundo!"
"…" Inirapan lang ni Qiao Anhao si Zhao Meng at muling tumingin sa screen
para magpatuloy sa panunuod. Oo…pinilit niya lang na magmukhang kalmado
sa harapan ng kaibigan niya, pero sa loob loob niya, halos mamatay na siya sa
sobrang kilig…
-
Hindi makapaniwala ang host sa ginawa ni Lu Jinnian kaya gulat na gulat itong
napatingin sakanya. "Mr. Lu, nagtatrabaho ka ng sobra para suportahan ang
asawa mo?"
Mula noong pumasok si Lu Jinnian sa entertainment industry, kilala ito bilang
misteryoso dahil walang sinuman ang nagkaroon ng pagkakataon na makakuha
ng impormasyon tungkol sa pribado nitong buhay, kaya ngayon nagkaroon ng
pagkakataon ang host na ungkatin ang kapiranggot na bahagi ng buhay nito,
sinamantala na rin ng organizer ng show na maghanda ng mga dagdag na
tanong. "Mr. Lu, pwede mo bang ikwento sa amin kung paano kayo nagumpisa
ni Miss Qiao?"
Mahinahong sumagot si Lu Jinnian, "Oo naman."
"Mr. Lu, kelan kayo nagkita ni Miss Qiao? At paano?"
Kahit na matagal na panahon na ang nakakalipas, nakatatak pa rin sa isip ni Lu
Jinnian ang bawat detalye ng mga pinagdaanan nila, na para bang kahapon lang
nangyari ang lahat, kaya noong sandaling magsalita siya, para nalang siyang
literal na nagkwekwento sa host.
"Noong first half ng third year ko sa junior middle school, lagi ko siyang
nakikitang nagbabike sa football field na pinaglalaruan namin ng mga kaibigan
ko. Doon ko siya unang nagustuhan."
Siguro dahil tungkol sa nakaraan nila ni Qiao Anhao ang pinaguuusapan, parang
bigla siyang naging interesado magkwento. "Pero first year high school palang
kami noong una ko siyang nakita."
"First year high school?" Hindi makapaniwala ang host sa mga rebelasyon ni Lu
Jinnian.
"Oo, first year high school," mahinahon na pag'ulit ni Lu Jinnian. "Pero sa
pagitan ng third year ng junior middle school at high school namin, yun yung
unang pagkakataon na nagkausap kami."
"Nagkausap?" Interesadong tanong ng host.
"Umuulan noong araw na 'yun at sakto, pareho kaming walang dalang payong
kaya sumilong muna kami sa iisang bubong."
"Ohhhh nakakakilig naman… Naalala ko tuloy yung lyrics sa kanta ni Jay
Chou… Ano nga ulit 'yun?" Masyado ng nadala ang host kaya marami pa sana
siyang isisingit, pero bigla niyang naalala na nasa live interview nga pala sila.
Si Lu Jinnian, na hindi mahilig makipagusap, ay sinakyan din ang host at muling
sumagot. "Hindi ang tag'ulan ang maganda, kundi, ang makasama ka na
palipasin ito sa ilalim ng iisang bubong."
"Yan nga. Mukhang kabisado mo yan, Mr. Lu ha! Ibig sabihin, tumatak talaga
yan sa puso mo." Masayang sagot ng host bago ito muling magtanong, "So.. Mr.
Lu, nainlove ka na sa tag'ulan mula noong nakasama mo si Miss Qiao na
magpatila sa ilalim ng iisang bubong?"
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES