App herunterladen
77.08% Bringing the Nation's Husband Home (Tagalog) / Chapter 750: Ang Desisyon ni Xu Jiamu (10)

Kapitel 750: Ang Desisyon ni Xu Jiamu (10)

Redakteur: LiberReverieGroup

Pero ngayon, nagising na siya sa katotohanan…Mula pagkabata, wala siyang

ibang ginawa kundi mahalin ang taong nagbigay sakanya ng buhay pero

nagbago ang lahat simula noong magising siya sa pagkacomatose…Doon niya

nakita ang tunay nitong kulay at noong nalaman niya ang kapasidad nitong

manakit ng ibang tao, hindi siya makapaniwala kaya pinili niyang umiwas muna

siya hindi dahil galit o nagtatampo siya rito, kundi dahil gusto niya itong bigyan

ng pagkakataon na magisip-isip habang magkalayo sila… Pero mukhang

masyadong mababaw ang pagkakakilala niya sa babaeng tinatawag niyang

'mama' dahil base sa mga ginagawa nito, mukhang wala naman itong

intensyong magbago at habang patagal ng patagal, palala rin ng palala ang

mga naiisip nitong gawin, lalo na noong plinano nitong patayin ang taong

minsan na rin nilang itinuring na pamilya.

Walang buhay siyang sumandal sa bakod at para siyang biglang namanhid na

hindi niya naramdaman ang mga tinik ng rosas na tumusok sa kanyang leeg.

Kanina… may isang taong nagplano na saktan si Qiao Qiao habang dinudumog

ito ng mga reporters.

Kanina…may isang taong nagplano na sadyaing ilaglag ang camera…isang

napaka bigat na camera na kung hindi siya umiwas ay siguradong babaldado

sa kaibigan niya…

Kung hindi pala siya umuwi sa Mian Xiu Garden kagabi at lumabas para

manigarilyo sa balcony kanina, hindi niya malalaman na kinukuyog si Qiao

Qiao ng mga reporters at malamang, nagaagaw buhay na ito ngayon sa

ospital, kagaya ng nangyari dito noong nakaraang Chinese Valentine's day.

Aksidente…May mga bagay na mukhang aksidente, pero sa totoo lang, may

isa palang napakasamang tao na punong puno ng galit puso ang gustong

maghiganti, kahit pa ang ibig sabihin nito ay kamatayan ng iba.

Sa sobrang lalim ng iniisip ni Xu Jiamu, hindi niya na namalayan kung gaano

na siya katagal na nakatulala hanggang sa may naramdaman siyang humihila

sa manggas ng kanyang damit kaya bigla siyang nahimasmasan at dali-daling

yumuko. Hindi niya inaasahan na isang batang lalaki na may edad lima

hanggang anim na taon na may hawak na isang tumpok ng pera ang

inosenteng nakatingin sakanya, "Kuya? Pera mo ba 'to? Ito oh! Pinulot ko na

para sayo."

Hinimas niya ang ulo ng bata at nagpasalamat pero imbes na kunin ang pinulot

nitong pera, iniwan niya ito at dumiretso siya sakanyang sasakyan.

Pagkapasok niya, nakita niya na lumapit ang bata sa isang umiiyak na batang

lalaki na halos kaedad lang din nito. "Kuya, tignan mo! May napulot akong

pera, ito yung sayo oh!"

Hindi niya inaasahan na ganun ang sunod niyang makikita…Hindi niya alam

kung bakit pero pakiramdam niya ay parang sinaksak ng madiin ang kanyang

puso… Masyado ng mabigat ang mga nangyari ngayong araw at habang

tinitignan niya ang eksena sa harapan niya, lalo lang siyang nalulungkot kaya

bigla niyang inapakan ang accelerator pero imbes na huminto sa tapat ng

bahay nila, kagaya ng una niyang plano, walang pagdadalawang isip siyang

humarurot ng takbo palayo.

Habang nagmamaneho, para siyang bumalik sa nakaraan at naalala niya

noong nakapulot siya dati ng wallet. Hindi niya ito binigay sa teacher niya o

kahit sa pulis, at kagaya ng ginawa ng batang lalaki, masaya niya itong binigay

sa kapatid niyang si Lu Jinnian.

Tinanong siya nito kung saan niya napulot ang wallet kaya sabay silang

bumalik kung saan niya ito nakita. Tandang-tanda niya na naghintay sila

hanggang magdilim para lang maibalik nila ito sa may-ari.

Hindi sila magkapareho ni Lu Jinnian… Lumaki siyang nakukuha ang lahat ng

gusto niya kaya hindi siya sanay na mahirapan. Noong araw na 'yun, gutom na

gutom na siya at ayaw niya ng maglakad kaya para makauwi, binuhat siya ng

kapatid niya hanggang sa makasakay sila ng bus.

-

Dumiretso si Xu Jiamu sa Su Yuan Apartments.

Naabutan niyang nanunuod ng TV si Song Xiangsi kaya pagkabukas niya ng

pintuan, sumalubong sakanya ang boses ng kumakang artista mula sa

pinapanuod nito.

Kabisado ni Song Xiangsi si Xu Jiamu kaya alam niyang hindi maganda ang

naging araw nito, pero hindi kagaya ng ginagawa niya noon, hindi siya

nagtanong kung anong nangyari at dumiretso lang siya sa pintuan para bigyan

ito ng tsinelas.

Pagkapasok ni Xu Jiamu, dali-dali niya itong ikinuha ng tubig. Sumilip siya sa

bintana at nang mapansin niyang madilim na, tinanong niya ito, "Kumain ka

na?"

Umiling si Xu Jiamu at humigop ng konting tubig bago nito ibalik sakanya ang

baso. Ilang araw palang simula noong nagkaayos sila kaya hindi naman siya

umaasa na magkwekwento ito kaya balak niya sanang hayaan nalang muna

itong magpahinga pero bigla nitong itinuro ang kwarto, na alam niyang may

ibig sabihin, at naglakad papasok dito.

Hindi niya alam kung anong nangyari pero sa tagal nilang nagsama, kabisado

niya na ang ugali nito kaya matapos ang ilang sandaling pagdadalawang isip,

inilapag niya ang basong hawak niya at sinundan ito sa kwarto.

Hindi niya makakalimutan ang araw na nalaman niyang wala pala itong balak

na magpakasal sakanya… Sobrang sama ng loob niya noon kaya hiniwalayan

at iniwasan niya ito…pero kahit gaano pa kabuo ang desisyon niya, pagdating

kay Xu Jiamu, handa niyang kalimutan ang lahat…


Kapitel 751: Ang Desisyon ni Xu Jiamu (11)

Redakteur: LiberReverieGroup

Noong gabing pinuntahan siya nito, paulit-ulit niyang sinabi sa sarili niya na

wag ng umasa dahil alam niya namang hindi rin sila ang magkakatuluyan sa

huli. Si Xu Jiamu, ang tanging lalaking minahal niya…Sa totoo lang, hindi siya

sigurado noon kung may patutunguhan ba ang relasyon nilang napaka labo

pero pinili niyang magpikit mata at ialay rito ang pitong taon ng kanyang

kabataan kaya ngayon na nagiging maayos na ang lahat sakanya, ayaw niya

na sanang hayaan ang sarili niya na sirain ulit ng isang tao… Alam ng Diyos

kung gaano siya kadesido na magmove on, pero bigla siyang naduwag noong

niyakap siya nito ng mahigpit at noong naramdaman niya na may tumulong

luha sa kanyang leeg…. at tuluyan na siyang bumigay noong nagmakawa ito

sakanya na wag munang umalis.

Sa pagkakatong ito, hindi niya alam kung happy ending na ba o isa nanamang

nakakadurog pusong pagpapaalam ang mangyayari sakanila.

Pero isa lang ang malinaw sakanya at yun ay yung sobrang nagaalala siya

para kay Xu Jiamu.

Dahan-dahan niyang binuksan ang pintuan para silipin si Xu Jiamu na

kasalukuyang nakaupo sa sofa habang nakatutok sa phone nito na may

kaharap na maraming papel.

Noong naramdaman nito na papalapit siya, bigla nitong kinuha ang mga papel

at binulsa bago ito tumingin sakanya.

Hindi maitatanggi na sobrang kampante nila sa isa't-isa at ngayong alam

niyang kailangan nito ng isang taong handang makinig, dahan-dahan siyang

umupo sa tabi nito at pasimpleng sumilip sa screen na tinitignan nito –

nagbabasa ito ng mga pambabash ng netizens sa Weibo profile ni Qiao Anhao.

"Wag mo ng tignan yan… Maniwala ka sa akin. Hindi mo mapagkakatiwalaan

ang internet."

Tumungo lang si Xu Jiamu at para sundin ang sinabi ni Song Xiangsi, ibinato

niya ang kanyang phone sa coffee table at sumandal sa sofa.

Nakapagtanggal na siya ng jacket kanina kaya nakasuot nalang siya ngayon ng

isang simpleng longsleves na kulay asul. Kumpara sa labas, di hamak na mas

mainit sa loob ng kwarto kaya nirolyo niya ang kanyang mga manggas

hanggang siko para mapreskuhan kahit papano. Sakto, biglang napatingin

sakanya si Song Xiangsi, na napansin kaagad ang malaki niyang pasa kaya

biglang kumunot ang noo nito at nagalalang hinatak ang kanyang braso, "Ano

to? Bakit ka nagkapasa ng ganito kalala? Nagpacheck up ka na ba?"

Siguro sa sobrang pagaalala ni Song Xiangsi, masyado itong naging agresibo

kaya napahinga nalang siya ng malalim nang mahawakan nito ang kanyang

sugat at dahil sa naging reaksyon niya, dali-dali siya nitong binitawan.

Nangingig ang kanyang boses na nagpaliwanag, "Ayos lang ako. Nabagsakan

lang ako ng video camera kaya hindi ko na kailangang magpacheck up."

"Pero mukhang seryoso yan ah… Tignan mo nga oh, sobrang itim. Hindi ba

masakit?" Naawang tanong ni Song Xiangsi. Base sa nakikita niya,

imposibleng totoo ang sinasabi ni Xu Jiamu na ayos lang ito kaya nagmamadali

siyang tumayo para kumuha ng first aid kit. "Gagamutin ko."

Hindi tumutol si Xu Jiamu. "Hmmm."

Habang ginagamot niya ito, hindi mapigilan ni Song Xiangsi ang sarili niya

pagalitan si Xu Jiamu sa sobrang pagaalala, "Kung natamaan ka ng camera,

bakit hindi ka niya pinacheck up o binayaran manlang?"

"Xu Jiamu, wag kang pasaway ha! Kapag lumala yan bukas, kailangan mo ng

magpacheck. Paano kung nabalian ka pala ng buto?"

"Sobrang bigat kaya ng mga video camera! Bakit ba sila nagdadala pa ng

ganun kung hindi naman pala nila kayang buhatin, TSK! Delikado na talaga

ang mundong 'to. Buti nalang braso lang ang natamaan sayo at hindi ulo kasi

kung minalas ka pa ng konti, nako.. baka nabagok ka!"

Pagkatapos maglitanya ni Song Xiangsi, biglang natigilan si Xu Jiamu.

"Bakit? Masakit ba? Sige, idadahan-dahan ko lang, konti nalang…."

"Xiangsi," Malungkot na tawag ni Xu Jiamu.

"Hmm? Bakit?" Nagaalalang tanong ni Song Xiangsi.

"Si Qiao Qiao at ang kapatid ko… Ano bang pinaka malalang pwedeng

mangyari sakanila?"


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C750
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES