Pagkababa niya, dumiretso siya sa dining room at noong bubuksan niya na ang
ref, biglang tumunog ang doorbell.
Wala sana siyang balak pansinin ang nagdoorbell pero naalala niya na nataboy
na nga pala ng property management ang mga reporter kaya binitawan niya ang
ref at naglakad papunta sa pintuan. Para makasiguro, sumilip muna siya sa
security monitor at noong nakita niya na may lalaking nakauniform, na nakasuot
ng baseball cap at mukang delivery boy, ang nakatayo sa labas ng gate,
kampante niyang pinindot ang speak button na agad din namang sinundan ng
boses ng lalaki, "Delivery."
Totoong may hinihintay siyang delivery at malinaw naman na magisa lang ang
lalaki kaya sa pagkakataong ito, naglakas loob na siyang magbukas ng pintuan
at lumabas.
Naglakad siya palabas at binuksan ang gate pero noong kukunin niya na ang
kanyang package, biglang nagsilabasan ang napakaraming tao na nagtago lang
pala sa likod ng pader. Walang awat na isinubsob ng mga ito sa mukha niya ang
napaka raming microphone kasabay ng walang katapusang mga flash habang
ginigisa siya ng mga sari-saring tanong.
"Miss Qiao Anhao, totoo ba ang mga pictures na kumakalat ngayon sa internet?"
"Totoo ba na nagdivorce kayo ni Mr. Xu Jiamu dahil kay Mr. Lu Jinnian?"
Wala siyang balak na sagutin ang mga ito kaya nagmamadali siyang umatras
para isarado ang gate, pero masyadong mabilis ang mga reporters na sumugod
sakanya kaya tuluyan na siyang napalibutan ng mga ito habang nakabara sa
mukha niya ang mga hawak nitong mga microphones.
"Miss Qiao Anhao, alam naming lahat na magkapatid sa ama sina Mr. Lu Jinnian
at Mr. Xu Jiamu. Sino bang mas mahal mo sakanilang dalawa?"
Hindi niya na maproseso ang mga sinasabi ng mga ito dahil halos maubusan na
siya ng hininga sa sobrang daming nakapalibot sakanya kaya gamit ang buo
niyang lakas, sinubukan niyang hawiin ang mga reporters pero sa kalagitnaan
ng riot, may tumulak sakanya kaya bigla siyang nadapa sa sahig.
Imbes na tulungan siyang tumayo, sinamantala pa ito ng reporters na kuhaan
siya ng picture habang nakasalampak sa sahig.
Dali-dali niyang tinakpan ang kanyang mukha gamit ang kanyang kamay habang
walang awat pa rin ang mga reporters sa katatanong sakanya.
"Miss Qiao Anhao, totoo ba na ikaw ang dahilan kung bakit nasira ang relasyon
ng magkapatid na Lu Jinnian at Xu Jiamu?"
"Miss Qiao Anhao…"
Habang pinagpipyestahan siya ng lahat, may isang reporter na biglang
sumigaw, "Sinong tumulak sa akin?"
Sa puntong ito, sobrang natatakot na siya dahil alam niyang wala na siyang
kawala pero siguro narinig ng langit ang dasal niya kaya kahit imposible, may
biglang lumuhod sa harapan niya para tulungan siyang tumayo. Naramdaman
niya na niyakap nito ang balikat niya at nagaalalang nagtanong, "Qiao Qiao,
ayos ka lang ba?"
Takot na takot siyang umiling at noong lumingon siya para malaman kung sino
ang tumulong sakanya, tumambad sakanya ang galit na galit na mukha ni Xu
Jiamu.
"Teka. Diba ikaw si Mr. Xu Jiamu na CEO ng Xu Eterprises?"
Dahil sa isang nagtanong, lalo pang naging interesado ang mga reporters kaya
muling itinutok ng mga ito ang mga microphone sa mukha ni Qiao Anhao at sa
pagkakataong ito, pati na rin kay Xu Jiamu.
"Mr. Xu Jiamu, bakit ka nandito?"
"Mr. Xu Jiamu, ang ibig bang sabihin nito ay mahal mo pa rin ang dati mong
asawa na si Miss Qiao Anhao?"
"Mr. Xu Jiamu, wala ka bang tinanim na galit pagkatapos kang pagtaksilan ni
Qiao Anhao?"
Walang pakielam si Xu Jiamu sa mga reporters kaya walang pagdadalawang
isip niyang inakay si Qiao Anhao papasok sa bahay ni Lu Jinnian.
Ngayon na abot kamay na sila ng mga reporters, malabo ng tigilan sila ng
mga ito kaya noong gumalaw sila, bigla silang dinumog.
Hindi nagpatinag si Xu Jiamu at nagpatuloy lang siya sa paglalakad ng
mabilis habang yakap-yakap ang balikat ni Qiao Anhao, sa takot na baka
maipit ito.
Noong nasa kalagitnaan na sila ng bakuran, biglang nagkatulakan kaya para
silang domino na nagsitumbahan paharap at siguro dahil na rin sa sobrang
lakas ng pwersa, may isang reporter ang nakabitaw ng malaking camera na
nakapatong sa balikat nito, na kung sakali ay saktong babagsak sa balikat ni
Qiao Anhao.
Nakita na ni Xu Jiamu ang mangyayari kaya dali-dali siyang sumigaw ng
"Magingat ka!" at hinarang ang balikat niya para hindi matamaan si Qiao
Anhao.
At saktong-sakto, biglang nalaglag ang camera sa braso ni Xu Jiamu bago ito
malaglag sa sahig, na sa sobrang lakas ng impact ay nagkabasag-basag ang
lens nito.
Hindi biro ang bigat ng camera na gamit ng mga reporters kaya biglang
napahinto si Xu Jiamu sa paglalakad. Sa pagkakataong ito, hindi na talaga
kayang magkimkim ni Xu Jiamu kaya halos isang minuto siyang napatigil sa
kinatatayuan niya bago niya ibaba ang kanyang braso.
At dahil dito, muli silang dinumog ng mga reporters.
At dinagsa ng mga tanong..
Pinilit ni Xu Jiamu na wag magpahatalang nasaktan at muli niyang
pwersadong hinawi ang mga reporters na nakaharang sakanila. Hinawakan
niya si Qiao Anhao gamit ang kabila niyang kamay at naglakad ng mas
mabilis papasok sa villa.
Dahil nakita ng mga reporter kung paano protektahan ni Xu Jiamu si Qiao
Anhao, lalong naintriga ang mga ito.
"Miss Qiao Anhao, hindi ba divorce na kayo ni Xu Jiamu? Eh bakit sobrang
bait niya pa rin sayo? May tinatago ba kayong relasyon? Ibig sabihin, kahit
magasawa na kayo ni Lu Jinnian, kayo pa rin ng ex-husband mo? Hindi
naman ba parang salawahan ka niyan?"
Hindi na nagustuhan ni Xu Jiamu ang tabas ng dila ng mga reporters kaya sa
sobrang sama ng loob, bigla niyang inagaw ang microphone ng isang reporter
at galit na galit na binato ito sa sahig, "Anong sabi mo? Anong mata ba ang
ginagamit mo para makita mong may tinatago kami?"
Sa sobrang inis niya, hindi niya na nakontrol ang mga lumabas sa bibig niya.
At dahil dito, biglang nanahimik ang mga reporters.
Pero hindi nagtagal, may isang biglang sumigaw, "Bakit mo ako tinulak
kanina?"
Biglang nahimasmasan ang mga reporters at parang mga asong ulol, muli
nanaman silang nagkagulo. "Oo nga, bakit ka naninigaw?"
"Kahit na galit na galit ka na, wala kang karapatan na manakit ng ibang tao!"
"Humingi ka ng tawad samin!!"
"P*tang*na, sinong sinaktan ko?"
Malinaw na wala ng kwenta ang mga sinasabi ng mga reporters kaya galit na
galit tinignan ni Xu Jiamu ang kanyang kaliwa't-kanan at nang mapansin niya
na masyado na silang ginigipit ng mga ito, walang pagdadalawang isip niyang
kinuha ang kanyang phone para tumawag. "Hello, 110 ba 'to? Nandito ako
ngayon sa pangalawang kanto sa loob ng Mian Xiu Garden, unit 106.
Irereport ko lang na may mga taong nangtetrespass ng private property."
Pagkatapos magsalita ni Xu Jiamu, biglang nahimasmasan ang mga reporters
at naalala kung nasaan sila.
Pagkaputol ng tawag, pasinghal na sinabi ni Xu Jiamu, "Gusto niyong
manggulo diba? Sige, magsawa kayo dahil tumawag na ako ng mga pulis!"
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES