Masayang tumungo si Mr. Wei, "Sige Mr. Lu, nakikinig ako."
Bago magpatuloy, muling humigop si Lu Jinnian ng kape at inilapag ang
kanyang tasa sa platito, na gumawa ng matining na ingay sa napaka tahimik na
lounge. "Gusto ko sanang isunod sa pangalan ng Wei Enterprise ang magiging
pangalan ng lead company sa drama."
Hindi inaasahan ni Mr. Wei na may ganito kagandang plano si Lu Jinnian kaya
siyang nabuhayan noong narinig niya ang sinabi nito.
Wei Enterprise….Magandang pagkakataon ito para makilala ng lahat ang
pinaghirapan niyang kumpanya…
Muling nagpatuloy si Lu Jinnian, "Gusto ko rin sanang gawing Wei ang apelyido
ng bidang lalaki."
Dahil dito, lalo pang naging excited si Mr. Wei.
Kung mangyayari ang proposal ni Lu Jinnian, siguradong magiging malakas ang
impluwensya ng Wei Enterprise sa isip ng mga manunuod at magandang
pangenganyo ito para mas maintriga ang mga tao sa mga alahas na binebenta
nila.
Mukhang magandang deal ito…
Pero imposibleng wala itong kapalit…
"Mr. Lu, kung ang mga inooffer mo lang ang pagbabasehan ko, masasabi kong
wala talaga akong reklamo pero pwede ko bang malaman kung ano ang
minimum price na kakailanganin ng production? Kung kaya ng kumpanya
naming abutin, wala na tayong ibang paguusapan at ang kailangan mo lang
gawin ay pirmahan ang kontratang hinanda ko, pero kung medyo malaki,
ididiscuss ko muna ito sa board at saka tayo magusap ulit."
Hindi nagsalita si Lu Jinnian at itinaas niya lang ang kanyang hintuturo.
"Isang bilyon??!!" Hindi makapaniwalang tanong ni Mr. Wei. Bilang isang
negosyante, alam niya na hindi maliit na halaga ang isang bilyon pero mas
lalong hindi biro ang magiging epekto sa kumpanya niya kapag natupad ang
proposal ni Lu Jinnian...Pero marami rin siyang kailangang timbangin dahil
bukod sa hindi pa naguumpisa ang drama, hindi kaya masyado din itong
magarbo kung para lang sa isang advertisement? "Mr. Lu, wala naman akong
duda sa kikitain ng upcoming drama pero kahit gusto kong pumayag, hanggang
fifty million lang kasi ang budget namin sa ngayon. Kung ayos lang sayo,
dagdagan nalang natin ang kontrata ng isang kasunduan na nangangako ang
Wei Enterprise na maglalabas kami ng isa pang fifty million kapag kumita kami.
Kung pagtutulungan natin 'to, sigurado naman ako na madali naming kikitain
ang fifty million…"
"Mr. Wei, nagkakamali ka. Hindi isang bilyon ang tinutukoy ko kundi sampung
bilyon," mahinahong sabat ni Lu Jinnian.
Isang bilyon nga sobrang natatakot na siya tapos ngayon naging sampung
bilyon pa?! Biglang nanlaki ang mga mata ni Mr. Wei sa sobrang pagkagulat.
"Sampung bilyon?! Bakit ganun kalaki? Teka lang Mr. Lu, hindi ko ata kaya…"
"Ako ang magbibigay sayo ng sampung bilyon," pagpapatuloy ni Lu Jinnian.
Hindi maintindihan ni Mr. Wei ang nangyayari kaya sa pagkakataong ito,
napatulala nalang siya kay Lu Jinnian habang pinoproseso ang mga narinig
niya. Sa sobrang kaba, biglang nanginig ang kamay niya na may hawak na kape
kaya hindi niya na namalayan na natapon na siya nito.
At doon lang siya nahimamasan at dali-daling ngumiti, "Mr. Lu, nagbibiro ka
ba?"
Umiling si Lu Jinnian at tumingin ng diretso sakanyang mga mata, "Seyoso ako."
At sa pangalawang pagkakataon…muli siyang napatulala kay Lu Jinnian at base
sa itsura nito, mukhang hindi talaga ito nagbibiro…. Ito ang unang beses na
nagkaroon sila ng negosasyon pero bakit parang sobra-sobra naman ang
inaalok nito sa partido niya…"Ah teka lang Mr. Lu, hindi ko maintindihan. Diba
dapat kami yung maglalabas ng pera kasi tutulungan niyo kaming
magadvertise? Hindi ba kayo malulugi dahil dito?"
Hindi kagaya ni Mr. Wei, walang bakas ng kaba sa itsura ni Lu Jinnian na
naglabas ng cheke at iniabot dito.
Napatitig si Mr. Wei sa napakaraming zero na nakasulat sa cheke at noong
binilang niya ito, totoo ngang sampung bilyon ang hawak niya…
Matagal na rin siya sa mundo ng negosyo at alam niya na may dahilan si Lu
Jinnian kaya kahit natatakot siyang magtanong ay pinili niyang linawin ang
lahat, "Mr. Lu, gusto mo bang bilhin ang Wei Enterprise?"
"Hindi." Kalmadong umiling si Lu Jinnian at bago siya magpatuloy, muli niyang
kinuha ang kanyang kape para humigop, "Pero tama ka na imposibleng walang
kapalit ang mga inaalok ko sayo."
Hinayaan ni Mr. Wei na magpatuloy si Lu Jinnian.
"Ang kapalit na hinahanap ko ay isang bagay na ikaw, Mr. Wei, lang ang
mayroon."
Ngayon, naintindihan na ni Mr. Wei ang lahat... Mr. Lu, ang ibig mo bang sabihin
ay…"
Hindi na hinintay ni Lu Jinnian na matapos magsalita si Mr. Wei at tumungo,
"Tama ang iniisip mo. Ang gusto kong kapalit ay ang Eternal Heart."
Ang Eternal Heart ang isa sa sampung pinaka magandang diamond sa buong
mundo. Tatlumpung taon na ang nakakaraan noong napanalunan ito ng lolo ni
Mr. Wei sa isang auction sa England sa halagang isang bilyong RMB at mula
noon, hindi na ito naalis sa Wei Enterprise.
Hindi ito ang unang pagkakataon na may lumapit sakanya para sa Eternal Heart
pero si Lu Jinnian lang ang natatanging tao na nag'alok sakanya ng ganun
kalaki.
Bilang may-ari ng isang kinahuhumalingang bato, may karapatan siyang
malaman kung bakit ito interasado kaya kalmado siyang ngumiti at nagtanong,
"Mr. Lu, gusto lang malaman kung bakit handa kang maglabas ng malaking pera
para sa Eternal Heart."
Nanatiling kalmado si Lu Jinnian at determinadong sumagot, "Oo, kahit
magkano pa!"
Handa siyang pumayag sa kahit anong hingin ni Mr. Wei dahil desidido talaga
siyang makuha ang Eternal Heart!
"Mr. Lu, sigurado naman ako na alam mong hindi ko binebenta ang Eternal
Heart."
"Kung hindi pa sapat sayo ang mga proposals ko, pwede ko namang dagdagan."
Naglabas si Lu Jinnian ng isang kontrata galing sa dala niyang folder at ibinigay
ito kay Mr. Wei.
Pagkabukas ni Mr. Wei ng kontrata, laking gulat niya na bukod sa pirma ni Lu
Jinnian na nasa ilalim ng papel ay wala ng ibang nakasulat dito.
"Mr. Lu, binibigyan mo ako ng walang lamang kontrata? So big sabihin nito,
pwede akong maglagay ng sarili kong mga kundisyon?"
Walang pagdadalawang isip na tumungo si Lu Jinnian. "Mr. Wei, siguro naman
pwede na kitang mapapayag dahil sa kontratang yan at kung tungkol naman sa
mga kundisyon, handa akong maghintay hanggang sa maging handa ka na at
sisiguraduhin ko sayo na gagawin ko ang lahat."
Hindi makapaniwala si Mr. Wei dahil kagaya ng mga nauna, alam niyang
determinado talaga si Lu Jinnian na makuha ang Eternal Heart, pero hindi niya
naman naisip na handa itong umabot sa puntong parang nagkaroon na siya ng
instant genie na pwede niyang hingin ang kahit anong gusto niya, at hindi lang
tatlo kundi lahat ng maisip niya….
Hindi na talaga kapani-paniwala ang mga ginagawa ni Lu Jinnian…"Mr. Lu,
pwede ko bang malaman kung bakit gusto mong makuha ang Eternal Heart?"
Walang planong magsinungaling si Lu Jinnian kaya sumagot siya ng simple
ngunit punong-puno ng emosyon, "Kasi gusto yun ng asawa ko."
Totoong gusto talaga ni Qiao Anhao ng Eternal Heart.
Nalaman niya ito noong high school palang sila.
Noong panahong yun, nagorganize ang ang school nila ng isang dinner at
nakatoka na magperform sina Qiao Anhao, Qiao Anxia at Xu Jiamu, pero kulang
pa ng isang lalaki kaya niyaya siya ng mga ito.
Sa totoo lang, hindi siya pala-sali sa mga ganung klaseng event pero noong
nalaman niya na makakasama niya si Qiao Anhao, hindi na siya nagdalawang
isip at pumayag na siya kaagad.
Si Qiao Anhao ang scriptwriter at tandang-tanda niya na pinangalanan nitong
'Eternal Heart' ang event nila.
Sila ang magkapartner kaya pagkatapos ng klase, nagpaiwan muna sila para
magpractice pero noong pauwi na sana sila, bigla namang bumuhos ang
malakas na ulan kaya nagpatila muna sila sa loob ng classroom dahil pareho
silang walang dalang payong.
Hindi talaga siya mahilig magsalita lalo na kapag nasa harapan niya si Qiao
Anhao dahil para siyang natatameme.
Tandang tanda niya ang imahe nito habang nakaupo sa desk na nasa harapan
niya at nagdudoodle gamit ang isang crayon…
Napaka nipis ng bewang nito kaya bagay na bagay talaga dito ang uniform na
suot nito at dahil nakatali ng mataas ang buhok nito, kitang kita niya rin ang
napakaganda nitong leeg. Noong araw na 'yun, sobrang panatag ng pakiramdam
niya lalo na habang naririnig niya ang magkasabay na tunog ng ulan at ng bawat
pagkaskas nito ng crayon.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES