App herunterladen
75.43% Bringing the Nation's Husband Home (Tagalog) / Chapter 734: Ang Lu Qiao Couple (23)

Kapitel 734: Ang Lu Qiao Couple (23)

Redakteur: LiberReverieGroup

"Gusto ko nalang magtago sa sobrang lungkot,

"Hindi naman sa pinagdadamutan ko ang sarili ko sa iba,

"Pero masyado na kasi akong nasasaktan,

"Hindi ako natatakot magmahal pero natatakot ako na baka pag nahulog ako ay

sumalo sa akin.

Habang kumakanta siya, parang nagslow motion sa isip niya ang mga alaala

nila ni Lu Jinnian. Para sakanya, kumakanta siya sa harap ng marami ngayon

hindi lang para sa Hollywood casting kundi para ikwento sa buong mundo ang

lahat ng magaganda nilang pinagdaanan.

Tandang tanda niya pa kung gaano niya ka'crush si Lu Jinnian noon, pero hindi

niya alam kung paano aamin. Marami rin siyang ginawa para lang magkalapit

sila at sa tuwing mabibigyan sila ng pagkakataon, palagi rin naman silang

sinusubukan ng tadhana at nagkakalayo pero buti nalang, masyadong malakas

ang pagmamahalan nila sa isa't-isa na para bang nagkukusa ang mga puso nila

na magtagpo.

"Wala na akong ibang ginawa kundi maglasing sa tuwing supasapit ang gabi,

"Sa isang kusina na walang ikaw at ako,

"Kahit ang paborito kong kanta ay hindi na ako kayang patulugin,

"Pero tuloy pa rin naman ang buhay…"

Ngayon na magasawa na sila at hindi na siya nasasaktan kagaya ng dati,

pakiramdam niya ay napakaswerte niya habang kinakanta ang napakalungkot na

awiting ito.

Maswerte siya dahil pinagbigyan siya ng langit… na mahanap ulit si Lu Jinnian

at sa pagkakataong ito, mahawakan na ang kamay nito hanggang sa huli niyang

hininga.

Sa sobrang saya niya, kahit sinong makarinig ng kanta niya ay mararamdaman

kung gaano karami ang emosyon na ibinubuhos niya sa bawat salitang

lumalabas sakanyang bibig.

Para itong malungkot, pero hindi talaga malungkot.

Pagkatapos niyang kumanta, biglang nabalot ng katahimikan ang buong

kapaligiran at halos kalahating minuto rin siyang nakatayo sa gitna bago siya

may narinig na isang pumalakpak galing sa mga nanunuod na siya ring

sinundan na ng lahat. Doon lang nahimasmasan ang mga hurado at para itong

mga robot na biglang nagsipalakpakan. Nang muli ng tumahimik ang

kapaligiran, pinuri siya ng limang hurado at ang lahat ng mga ito ay walang

pagdadalawang isip na bumoto sakanya sa next round.

-

Nitong mga nakaraan araw, sobrang daming bumabagabag sa isip ni Han

Ruchu. Simula noong nilantad ni Qiao Anhao sa charity ang recording ng

paguusap nila ni Lu Jinnian, tuluyan ng itinakwil ng lipunan ang Xu Family. Hindi

na siya pinapansin ni Xu Wanli at mas madalas na itong hindi umuuwi ng bahay.

Kung uuwi man ito, malalim na ang gabi kaya natutulog na rin siya at imbes na

sa master's bedroom ay sa guest room ito nagpapalipas ng gabi.

Simula noong magtatlong taong gulang si Xu Jiamu, nagbago na ang buhay niya

dahil nalaman niya na may anak sa labas ang pinaka mamahal niyang asawa.

Walang nakakaalam kung gaano kasakit ang naramdaman niya pero masyado

pang bata si Xu Jiamu para sumuko siya kaya simula noon, ipinangako niya sa

sarili niya wala na siyang ibang pagbubuhusan ng pagmamahal kundi ang

nagiisa niyang anak. Matagal na rin silang nagpapanggap na maayos ni Xu

Wanli sa tuwing nasa harap sila ng maraming tao, pero kapag silang dalawa

nalang ang naiwan sa kwarto, parang hindi sila magkakilala na hindi

nagpapansinan kaya mahigit sampung taon na din noong huli niyang

naramdaman ang pakiramdam na may asawa.

Kaya ngayon na wala na talaga itong pakielam sakanya….wala na rin siyang

pakielam at ang iniisip niya nalang ngayon ay kung paano babalik ang kanyang

Xu Jiamu…

Isang linggo na ang nakakalipas simula noong inabandona siya nito sa labas ng

Beijing Club. Araw-araw niya itong sinusubukang ikontak pero ni minsan ay hindi

ito sumagot sakanya, at sa tuwing susubukan niya namang puntahan ito sa

kumpanya, panay dahilan lang ang mga sinasabi ng assistant nito.

Kaninang alas sais ng hapon, sinubukan niya ulit tawagan si Xu Jiamu pero

kahit anong pagtiyatiyaga ang gawin niya ay ayaw talaga nitong sumagot.

Naihanda na ng mayordoma ang gabihan pero dahil bigo nanaman siya, bigla

siyang nawalan ng gana at naiinis nalang na umakyat sa taas.

Apat na oras siyang nagkulong sa loob ng kwarto niya sa sobrang sama ng loob

bago siya lumabas para kumuha ng tubig. Pagkababa niya, nakita niya na

nanunuod ng TV ang dalawa sa mga katulong ng mga Xu.

Hindi siya interesado sa mga variety shows kaya wala siyang balak na

makinuod. Hinintay niya lang ang tubig at babalik na sana siya ulit sa kwarto

niya pero noong saktong paakyat na siya, bigla niyang narinig ang pangalan ni

Qiao Ahao sa TV.


Kapitel 735: Ang Lu Qiao Couple (24)

Redakteur: LiberReverieGroup

Hindi niya inaasahan na sa lahat ng pwede niyang marinig ay pangalan pa

talaga ng taong pinaka kinasusuklaman niya kaya para siyang isang makina na

nagkusang bumagal sa paglalakad at dahan-dahang lumingon sa TV na halos

kasing laki na ng pader.

Hindi nga siya nagkamali ng dinig dahil nakita ng dalawa niyang mga mata sa

screen si Qiao Anhao na may hawak na microphone habang nagpapakilala at

hindi nagtagal, naglakad ito papunta sa gitna ng stage at kumanta.

Malamig ang boses at klaro kung kumanta si Qiao Anhao kaya napakarasap

nitong pakinggan.

Bukod sa limang hurado na napanganga, pati ang dalawang katulong na

nanunuod ay napatulala rin sa sobrang pagkamangha.

Pagkatapos nitong kumanta, halos isang minuto pang nakatulala ang mga

hurado bago ito magsipalakpakan. Kilala ang Hollywood pagdating sa mga

ginagawa nitong drama kaya natural lang na maging pihikan ang mga ito

pagdating sa mga ganitong patimpalak. Pero sa pagkakataong ito, ganadong-

ganado ang mga ito kakapuri kay Qiao Anhao na kalmado lang na nakatayo sa

gitna ng stage habang masayang nakangiti.

Pero para kay Han Ruchu, kabaliktaran ang lahat…Mula noong tumuntong si

Qiao Anhao entablado hanggang ngayon na hinuhusgahan na ito, para siyang

nasusuka sa sobrang pagkamuhi.

Paano niya nga ba makakalimutan? Ang babaeng ito ang dahilan kung bakit siya

tinitiis ngayon ng sarili niyang anak na si Xu Jiamu.

Ito rin ang yumurak sa reputasyon niya sa buong Beijing Business Industry kaya

lahat ng mga kasosyo at mga kaibigan niya ay tinalikuran na siya ngayon…

Tama… Ang babaeng ito ang may kagagawan kung bakit ang isang Han Ruchu

na dating nasa langit ay nakahalik ngayon sa lupa…

Ah… Sumali si Qiao Anhao sa isang selection show? Bakit? Gusto niyang

sumikat online dahil nakakamangha ang talento niya? Ah…. Gusto niyang

maging perpekto sa mata ng lahat…

Pwes sige… Tutal ikaw na rin naman ang gumawa ng sarili mong pangalan kaya

nakaantabay sayo ang ngayon buong mundo, bakit hindi natin gamitin ang

pinanghahawakan mong pangalan, para kagaya ko, masira na rin ang

reputasyon mo… Sisiguraduhin kong tatawagin ka ng lahat na malanding babae!

Hindi napigilang mapangisi ni Han Ruchu habang iniisip niya ang madumi

niyang plano, pero alam niya na hindi niya ito kakayanin ng magisa kaya

tinawag niya ang nagiisang tao na palagi niyang kakuntsaba, "Aunt Yun."

Nasanay siya na sa tuwing tinatawag niya ito ay magmamadali ito palaging

lumalapit sa kanya, pero sa pagkakataong ito, sumigaw lang ito ng "Ai" at hindi

lumabas kaya sa inis niya ay sumigaw siya ng mas makalas, "AUNT YUN!!"

"Madam…" Nagmamadaling tumakbo palabas ang mayordoma galing sa kwarto

nito. "Madam, pasensya na nagCR lang ako."

Hindi sumagot si Han Ruchu at sumenyas lang siya na sa kwarto niya magusap

bago siya umakyat sa hagdanan.

Naiintindihan naman ng mayordoma ang ibig sabihin ng amo niya kaya

nagmamadali siyang sumunod dito.

Pagkapasok nila sa kwarto, sinigurado niyang nakasarado ng mabuti ang

pintuan. "Madam, anong kailangan mo sakin?"

Pinalapit ni Han Ruchu ang mayordoma at bumulong sa tenga nito para

siguraduhing walang ibang makakarinig ng plano nila. "Nakuha mo?"

Dali-daling tumungo ang mayordoma, "Oo, nakuha ko Madam! Wag kang

magaalala, gagawin ko na kaagad ang ipinaguutos mo.

-

Pagkatapos ng unang round, gumawa ang organizers ng Hollywood Casting

Selection ng isang poll sa Weibo na dadagdag sa points ng mga mapapalad na

nakaabot sa top eight.

Base sa mga natanggap niyang papuri, alam ni Qiao Anhao na siya ang

nangibabaw kagabi, pero hindi niya naman inasahan na gigisingin siya ng balita

na siya na ang nangunguna sa poll at mahigit sampung milyon na ang lamang

niya sa sumunod.

Hindi na sila masyadong nakapagusap ni Lu Jinnian dahil pagkatapos nitong

magumagahan ay dumiretso na ito kaagad sa trabaho.

Ngayong pasok na siya sa top eight, wala na siyang balak na umatras pa at ang

gusto niya nalang na mangyari ay mas lalo pa siyang manibabaw sa susunod

niyang performance na gaganapin na kaagad sa Lunes kaya pagkatapos na

pagkatapos niyang kumain ay dumiretso na siya kaagad sa computer para

magresearch.

Buong maghapon siyang nakababad sa tapat ng computer at mag'aalas kwatro

na ng hapon noong nakaisip siya ng magandang ideya. Gusto niya sanang

ikwento kay Lu Jinnian ang mga plano niya kaya masaya niyang kinuha ang

kanyang phone para tawagan ito, pero sakto naman na may naunang tumawag

sakanya.

Hindi nakasave ang number na tumatawag…

Hindi siya komportable na kumausap ng hindi niya kakilala kaya medyo matagal

din siyang nagdalawang isip bago niya ito sagutin. "Hello."

"Hello, si Miss Qiao Anhao ba 'to?" nagmamadaling tanong ng babae mula sa

kanilang linya.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C734
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES