Tama naman talaga si Zhao Meng… Wala siyang tinatapakang kahit sino kaya
bakit nga ba niya hahayaang ibash siya sa internet?
Sabayan pa ng mga nakakapikon na pasaring ni Lin Shiyi….Kung mabibigyan
siya ng pagkakataon, gusto niya rin talagang gumanti sa babaeng yun!
Hindi naman dahil asar-talo siya o kung ano mang tawag dun, pero hindi rin
naman kasi siya santo at kagaya ng mga normal na babae, gusto niya ring
pumatol kapag inaapi siya ng iba.
"Qiao Qiao, wag mong sabihin sa akin na gusto mong magpaapi?!" Naiinis na
tanong ni Zhao Meng.
Ano?! May tao bang gustong magpaapi?!
Tinignan ni Qiao Anhao ng masama si Zhao Meng dahil nainsulto siya sa huli
nitong sinabi. Sa totoo lang, sobrang nahiya siya kay Lu Jinnian noong
pinasugod niya ito sa set ng 'Love at First Sight' para ipagtanggol silang
magkaibigan kaya hanggat maari ayaw niya na sanang maulit ito, pero ano pa
bang magagawa niya? Ipit na ipit na siya at kailangan niya ring linisin ang
pangalan niya kaya tumungo siya at sinabi, "Sige."
Panatag na si Zhao Meng kaya masaya siyang ngumiti at payabang na sinabi,
"Mamayang gabi, siguradong magkakagulo ang entertainment news!"
-
Malinaw naman ang usapan nina Qiao Anhao at Zhao Meng kanina at totoo ring
desidido siyang gumanti kay Lin Shiyi pero noong oras na para pumili siya ng
gusto niyang bilhin, bigla siyang nakonsensya kasi pakiramdam niya ay
ginagamit niya nanaman si Lu Jinnian sa pangalawang pagkakataon.
Hindi siya nagpapakipot pero para kasi sakanya, hindi magandang tignan na
porket mayaman si Lu Jinnian ay sasamantalahin niya na ito.
Nahihiya siya na baka isipin nito ay masyado siyang materialistic kaya bandang
huli, sa kabila ng kasunduan nila ng kaibigan, isang bag lang ang pinili niya.
Pero hindi nagkamali si Zhao Meng! Lalo silang sinundan ng reporter ngayong
kasama na nila si Lu Jinnian kaya noong napansin niyang hindi nakikisama si
Qiao Anhao, medyo nainis siya dahil napaka tigas ng ulo nito.
Kilala niya si Qiao Anhao at alam niyang masyado itong emosyunal kaya siya
nalang ang gagawa ng paraan! Hindi nagtagal, bigla niyang itinuro ang pinaka
mahal na bag sa loob ng store, "Qiao Qiao, diba ito yung gusto mo kanina?"
Noong narinig ni Lu Jinnian ang hirit ni Zhao Meng, saktong kalalabas niya lang
ng kanyang card para bayaran ang napiling bag ni Qiao Anhao, pero dahil
nalaman niya na may iba pa pala itong gusto, muli niya itong isinisiksik sa loob
ng kanyang wallet at sinensyasan ang shop assistant na maghintay sandali.
Tumingin siya kay Qiao Anhao, na biglang yumuko, at malambing na nagtanong,
"Saan jan ang gusto mo?"
Hindi umiling o tumungo si Qiao Anhao.
Pero para kay Lu Jinnian, sapat ng alam niyang gusto ni Qiao Anhao ang bag na
itinuro ni Zhao Meng at hindi niya na kailangan ng kahit anong kumpirmasyon
kaya tumingin siya sakanyang assistant, na nagmamadaling sinabi sa shop
assistant, "Pwede bang pakibalot na rin ang bag na 'to?"
"May iba ka pa bang gusto?" Muling tanong ni Lu Jinnian. Sa pagkakataong ito,
ayaw niya itong madaliin.
Alam ni Zhao Meng na kung hindi sasagot si Qiao Anhao ay siguradong tatanggi
ito kaya inunahan niya na itong magsalita, "Oo! Gusto niya yan, yan yan, tsaka
yan din…."
Wala ng pakielam si Zhao Meng sa itsura ng bag, basta ang sakanya ay ituturo
niya lang ang lahat ng makita niya. Sa sobrang bilis niyang umaksyon, nawalan
na ng pagkakataon si Qiao Anhao na makapagsalita. "…mmm… tsaka yun din
pala. Oh tama! Gusto rin ni Qiao Qiao ang isang to…"
Napansin niya na parehong pareho ang deisgn ng huli niyang itinuro sa dalang
bag ni Qiao Anhao kaya para maging mas kapani-paniwala, kalmado siyang
nagpaliwanag, "Oh! Ito ang favorite ni Qiao Qiao. Medyo luma na ang gamit niya
kaya kailangan niya ng bumili ng bago."
Pagkatapos ng litanya ni Zhao Meng, sumagot lang si Lu Jinnian ng isang
kalmadong "Uh huh", bago niya tignan ang shop assistant para sabihin, "Pwede
bang pakibalot ang lahat ng itinuro niya?"
Dumiretso siya sa counter para bayaran ang bill, samantalang ang kanyang
assistant naman ay sinamahan ang shop assistant na icheck ng mabuti ang mga
bag.
Habang abala ang dalawa, sinamantala na ni Qiao Anhao ang pagkakataon
na hatakin si Zhao Meng sa isang gilid para kausapin ng pabulong, "Zhao
Meng! Ano ba? Baliw ka na ba? Uubusin mo na ang laman ng store oh!"
"Hoy Qiao Qiao? Ano ka ba! Nakita niyo na nga ang isa't-isang nakahubo't
hubad, ngayon ka pa mahihiya? Naiiritang tanong ni Zhao Meng. "Isa pa,
hindi mo naman pera yan ha, bakit ba sobrang namomroblema ka?!"
"Anong hindi ko pera?" Kasal na sila ni Lu Jinnian, kaya ibig sabihin, ang
pera ng isa ay pera nila pareho.
"Oh sige, sabihin nating pera mo rin yan, pero Qiao Qiao sa dami niyan,
hindi naman yan kaagad mauubos kahit gaano pa karami ang bilhin mo."
Gustong pagdiinian ni Zhao Meng kay Qiao Anhao ang punto niya pero
habang nasa kalagitnaan ng pagdedebate, biglang sumulpot si Lu Jinnian
galing sa likod.
"Anong pinaguusapan niyo?"
Kahit na "niyo" ang salitang ginamit ni Lu Jinnian, malinaw na para lang ito
kay Qiao Anhao pero bago pa siya makapagsalita ay muli nanamang sumabat
si Zhao Meng, "Hay nako Mr. Lu! Yang asawa mo, nakokonsensya raw dahil
masyado siyang magastos."
Pagkatapos na pagkatapos magsalita ni Zhao Meng, hindi na nakapagtimpi si
Qiao Anhao at bigla niya itong kinurot ng madiin sa may bandang bewang.
'Yang asawa mo'… tatlong simpleng salita pero tunay na napaka sarap sa
tenga… Pakiramdam ni Lu Jinnian ay parang may umihip na malamig na
hangin sa kanyang mukha na biglang nagpagising sa pagod na pagod niyang
diwa. Dahan-dahan niyang hinimas ang buhok ni Qiao Anhao at imbes na
ibulsa ang kanyang wallet ay iniabot niya rito. "Wag ka ng magalala. Pwede
mong gastusin lahat ng laman niyan."
Hindi naman dahil sa masyado siyang galante o waldas sa pera…
Pero kasi nakatatak sa isip niya na kung noon na mahirap lang siya ay
nagawa niyang gastusin ang natitira niyang two hundred RMB para kay Qiao
Anhao ng walang pagaalinlangan, ano pang dahilan niya ngayong may
kakayahan na siya para tipirin ito?
Kahit ilang taon pa ang lumipas…kahit gaano pa siya kayaman ngayon…kahit
ano pa ang mga pinagdaanan nila o kung paano sila binago ng panahon….
Isa lang ang sigurado niya at yun ay ang mahal na mahal niya si Qiao Anhao.
Pero kahit na sabihin nating hindi siya sinuwerte sa buhay at mahirap pa rin
siya hanggang ngayon, hindi pa rin siya magaalinlangan na ubusin ang lahat
ng laman ng wallet niya para kay Qiao Anhao.
Kahit na wala siyang kaalam alam na si Zhao Meng talaga ang nasa likod ng
lahat ng ito, wala siyang pakielam dahil ngayon na kuntento na siya sa buhay
niya, wala ng lugar sa puso niya ang galit at ang gusto niya lang ay
mapasaya si Qiao Anhao….at handa siyang sumuporta kahit pa bilhin nito
ang lahat.
At sa sobrang pagmamahal niya rito, handa siyang isuko ang kanyang wallet.
May naalala si Qiao Anhao na isang kasabihan na nabasa niya noong bata pa
siya. Ang sabi dun, hindi raw mahalaga kung gaano karami ang pera ng isang
lalaki dahil ang tunay na mahalaga ay ang pagkukusa nito na magbigay ng
walang pagaalinlangan.
Kahit noon pa, maraming nagsasabi na maganda raw ang kasabihang ito pero
dahil masyado pa siyang muwang noon, binalewala niya lang ito. Ngayon na
may edad na rin siya, natutunan niya na kung ano ba talaga ang tunay na
importante sa buhay…at alam niya rin kung gaano kahirap magbanat ng buto
para lang kumita ng pera… kaya hindi siya naniniwala na kayang mabuhay ng
isang tao na wala ni isang kusing dahil halos lahat ng bagay sa mundo ay
nabibili ng pera. Ngayong mulat na siya sa realidad, naiintindihamn niya na
oo, hindi talaga mapapantayan ng oras o pera ang pagmamahal, pero pwede
itong gamitin bilang pang'express ng tunay na nararamdaman.
Habang nakahawak ng mahigpit sa wallet ni Lu Jinnian, tinignan niya ito ng
diretso sa mga mata.
Mukhang ilang araw na talaga itong walang pahinga dahil sa mga oras na 'to,
hindi na maitatago ng gwapo nitong mukha ang pagod sa pagitan ng
magaganda nitong mga kilay at ang bagsak na bagsak nitong mga mata, na
para bang nagmamakaawa ng matulog.
Nakasuot ito ng puting shirt na may ilang butones pang nakaligtaang maisara
at base sa pagkakagusot ng damit nito, halatang hinatak nalang nito ng basta
ang necktie nito at itinapon kung saan…Kapansin-pansin din na medyo
madumi na ang gilid ng mga kwelyo nito, na para bang ang tagal na noong
huling beses itong nagpalit.
Ibig sabihin, sa sobrang pagmamadali ni Lu Jinnian na makauwi sakanya ay
hindi na 'to nakaligo?
Halata namang pagod na pagod na si Lu Jinnian, pero dahil nalaman nitong
gusto niyang magshopping, pinilit talaga nitong gumising para samahan siya.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES