Natatakot si Qiao Anhao na baka may masabi Zhao Meng o ang assistant na
lalo pang magpalala ng lahat kaya nagmamadali siyang lumapit sa tenga ni Lu
Jinnian para bulungan ito, "Wala. Nalulungkot lang ako kasi dalawang beses
mo kong binabaan kagabi."
Well, totoo naman. Medyo pareklamo ang pagsasalita ni Qiao Anhao, pero
siguro dahil galing sa babaeng pinaka mamahal niya, pakiramdam ni Lu
Jinnian ay para itong naglalambing na bata.
Ang tagal inisip ni Lu Jinnian kung anong ibig sabihin ni Qiao Anhao bago niya
maalala ang mga nangyari kagabi.
Ah… Kaya naman pala siya paulit-ulit siyang binababaan nito kanina….
Paglingon niya, saktong nakatagilid si Qiao Anhao at habang nakatitig sa
perpekto nitong mukha, biglang bumilis ang tibok ng kanyang puso dahil muli
niyang naalala ang bawat linya ng mga sinabi nito kagabi. "Qiao Qiao, alam
mo ba sobrang saya ko."
"Sobrang saya ko dahil sa mga sinabi mo sa akin kagabi."
Walang private room ang napiling restaurant ni Qiao Anhao kaya natural lang
na maraming boses silang naririnig, pero nang marinig niya ang boses ni Lu
Jinnian, pakiramdam niya ay biglang tumahimik ang lahat.
Hindi niya alam kung ano bang dapat niyang maramdaman pero noong mga
oras na 'yun, halos hindi na siya makahinga dahil parang sasabog na ang
puso niya sa sobrang bilis ng pagtibok nito. "So ibig sabihin, nagmadali kang
umuwi galing America dahil masaya ka?"
"Uh huh," Walang pagdadalawang isip na sagot ni Lu Jinnian. "Gusto sana
kitang isurprise pero paguwi ko, wala ka pala dun at sobrang gulo na ng
bahay. Halos wala na nga kong matayuan sa sobrang kalat eh."
Napa "Ah" nalang si Qiao Anhao nang maalala niya kung gaano kagulo ang
iniwan niyang bahay. Alam niya kung gaano kasinop si Lu Jinnian sa gamit
kaya bigla siyang namula sa sobrang kahihiyan.
Plano niya naman talagang maglinis bago mag Biyernes kasi yun ang alam
niyang uwi ni Lu Jinnian. Eh hindi niya naman alam na mapapaaga ito ng
dating…
So ibig sabihin, alam niya ng nagkalkal ako sa study room niya?
Napabuntong hininga si Qiao Anhao at naiilang niyang tinignan si Lu Jinnian.
"Kung…Kung ganun, alam mo ng may kinuha ako sa gamit mo?"
"Kagabi ko pa alam." Masayang sagot ni Lu Jinnian habang nakatitig sa mga
mata ni Qiao Anhao.
"Eh?" Paano nalaman ni Lu Jinnian kagabi? Wala naman siyang binanggit na
kahit ano at noong mga oras na 'yun, sigurado siyang nasa America pa ito….
Gamit ang kanyang baba, itinuro ni Lu Jinnian ang assistant na nakaupo sa
tapat niya. "Tinawagan niya ako kagabi."
Ah… Ibig sabihin, kalat na pala ang nangyari sa charity gala kagabi.
"Oh." Nahihiyang sagot ni Qiao Anhao.
Hindi nagtagal, biglang itinaas ni Lu Jinnian ang kamay niya para himasin ang
buhok ni Qiao Anhao, na lalo pang nagpapula sa tenga nito, at masaya niyang
sinabi, "Qiao Qiao, salamat."
Biglang napahawak si Qiao Anhao ng mahigpit sakanyang Chopsticks at ilang
sandali rin muna niyang kinalma ang kanyang sarili bago siya magsalita ng
sobrang lambing, "Hindi mo ako kailangang pasalamatan. Sinong nagsabi
sakanya na pwede ka niyang ibully…"
Ha? Nagbibiro ka ba? Paano naman ako binully ni Han Ruchu?
Sa totoo lang, medyo nakababa ng pagkalalaki ang sinabi ni Qiao Anhao, pero
imbes na mainis ay lalo pa siyang sumaya. "Qiao Qiao, anong ibig mong
sabihin?"
Sa sobrang kilig, hindi na namalayan ni Qiao Anhao na mali ang nasabi niya
kaya noong sandaling marinig niya ang tanong ni Lu Jinnian, bigla siyang
namula at kung saan saan tumingin para iwasan ang titig nito bago siya
muling magsalita, na halatang hiyang-hiya, "Ah… wala… ang ibig kong
sabihin, sino siya para ibully ang anak natin…"
Alam naman ni Lu Jinnian na nagpapalusot lang si Qiao Anhao pero imbes na
mainis ay natawa nalang siya at dahan-dahan niyang hinimas ang ang buhok
nito. "Kung pinoprotektahan mo ang ang anak natin, ibig sabihin
pinoprotektahan mo rin ako…"
Sa pagkakataong ito, hindi na nangatwiran si Qiao Anhao at tinignan niya
nalang si Lu Jinnian ng diretso sa mga mata habang nakangiti.
"Kekeke," sadyang ubo ng assistant para paalalahanan ang dalawa na nasa
pampublikong lugar sila.
Pati si Zhao Meng ay nakigatong rin at nagrereklamong sinabi, "Bakit niyo ba
ginagawa yan dito…. Hindi niyo ba naisip nab aka naiilang kaming makita kung
paano kayo maglandian jan?"
Dagdag ng assistant, "Tama! Kampi ako kay Zhao Meng. Siguro hindi niyo alam
ang kasabihan na 'Ang mga mahilig mag'PDA ay madaling mamatay?'…."
Masyadong nadala ang assistant sa pangaasar sa dalawa kaya hindi niya na
nabantayan ang mga lumabas sa bibig niya. Nang makita niyang nakatingin ng
masama sakanya si Lu Jinnian, dali-dali siyang huminto sa pagsasalita at
yumuko na para bang walang nangyari. Wala na siyang balak ituloy ang
karugtong ng sasabihin niya dahil alam niyang kung gagawin niya ito ay tiyak na
may kalalagyan siya kaya uminom nalang siya ng Sake at para makabawi,
nilagyan niya rin ang baso ni Lu Jinnian at patay malisyang sinabi, "Grabe Mr.
Lu! Kakaiba talaga ang Sake nila dito!"
Ilang sandali ring nakatitig si Lu Jinnian sa baso ng Sake na nasa harapan niya
bago niya ito kunin.
At doon lang nakahinga ng maluwag ang assistant.
Pero sandali…nagkakamali pala siya dahil hindi pa pala humuhupa ang inis ni
Lu Jinnian at muli siyang tinignan nito ng masama. "Anong ibig mong sabihin
dun sa sinabi mong 'Ang mga mahilig magPDA ay madaling mamatay?"
Nadala lang siya pero nasa katinuan pa rin naman siya! Alam niyang hindi siya
sasantuhin ni Lu Jinnian kaya dali-dali siyang umiling.
"Mahilig talaga kaming magPDA ni Qiao Qiao, sa tingin mo dapat iwasan na
namin?"
Sa isang maling sagot, alam niyang hulog siya kaya muli siyang umiling at sa
pagkakataong ito ay di hamak na mas malakas.
-
Kagaya ng nakasanayan, si Lu Jinnian ang nagbayad ng bill.
Ilang araw na siyang pagod gawa ng trabaho at byahe kaya ngayon, gusto niya
sanang dumiretso na sila ng uwi ni Qiao Anhao para makapagpahinga pero
noong magyayaya na siya, bigla namang nagsalita si Zhao Meng, "Mr. Lu! Bago
kami kumain, nagwindow shopping muna kami ni Qiao Qiao sa ACR. Alam mo
ba ang dami niyang nagustuhan pero sabi niya balikan nalang daw namin
pagkatapos naming maglunch."
Gulat na gulat na napatingin si Qiao Anhao kay Zhao Meng.
Nagwindow shopping tayo kanina? Diba ang usapan, magiikot tayo pagkatapos
nating kumain? At…. Kailan ko sinabi na marami akong nagustuhan?
Pagkatapos magsalita ni Zhao Meng, hindi na humingi ng kumpirmasyon si Lu
Jinnian. Dali-dali siyang tumayo at kinuha ang kanyang jacket bago siya
tumingin kay Qiao Anhao. "Halika na."
"Ano kasi…" Hindi alam ni Qiao Anhao kung bakit gumawa ng kwento ang
kaibigan niya kaya gusto niya sanang magpaliwanag.
Pero nabasa siya ni Zhao Meng kaya dali-dali itong tumayo at sapilitan siyang
hinala, "Qiao Qiao, anong gusto mong unahin? Handabags o damit? O alahas?
"Ano kasi…"
Kahit na patanong ang pagkakasabi ni Zhao Meng, halatang halata naman na
ayaw niyang pasagutin si Qiao Anhao. "Sabi mo kanina gusto mo yung latest
model ng Chanel Handbag… Ano tara na! Unahin na natin yun sa first floor."
Pagkatapos niyang magsalita, atat na atat naman siyang tumingin kay Lu
Jinnian, "Ano Mr. Lu, tara na?"
Tumungo lang si Lu Jinnian dahil basta para kay Qiao Anhao, laging oo ang
sagot.
Sa totoo lang, ayaw naman na talaga ni Qiao Anhao na magshopping lalo na
ngayon na alam niyang pagod si Lu Jinnian, kaya gusto niya sanang tumutol at
sabihing umuwi nalang sila pero noong saktong magsasalita na siya, biglang
lumapit si Zhao Meng sakanya at bumulong, "Qiao Qiao, ano ba… Kanina pa
may sumusunod na reporter sayo. Ilang beses ka niyang kinunan ng litrato
habang kumakain tayo. Ngayong nandito na si Mr. Lu, siguradong lalo yang
bubuntot sa atin. Diba binabash ka sa internet? Diba minamaliit ka ni Lin Shiyi?
Ngayong sasamahan ka ni Mr. Lu sa pagshoshopping, bilhin mo na lahat ng
magustuhan mo! Sa oras na ilabas ng reporter na yan ang mga pictures niyo,
siguradong pahiya yan si Lin Shiyi!"
"Qiao Qiao, tinutulungan na nga kitang palamigin ang pangalan mo kaya wag
ka ng maginarte jan! Isa pa, totoo namang asawa mo si Mr. Lu kaya bakit
natin hahayaan na ibash ka nalang ng mga tao sa internet."
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES