Hindi makapagsalita si Auntie Qiao dahil sa nakakapanindig balahibong
balita na bumulaga sakanya. Hindi niya makumbinsi ang sarili niya totoo ang
mga narinig niya kaya gulat na gulat siyang tumingin kay Qiao Anhao, "Qiao
Qiao? Totoo ba 'yun? Na nabuntis ka dati?"
Buong gabing naghintay si Qiao Anhao para sa sandaling ito.
Bukod sa kagustuhan niyang masira ang reputasyon ni Han Ruchu sa harap
ng pinakamayayamang tao sa Beijing, plano niya rin na kunin ang simpatya
ng Qiao family para tuluyan ng masira ang relasyon ng matandang babaeng
ito sa nagiisang pamilyang kinakapitan nito!
Kahit na hindi tunay na anak nina uncle at auntie Qiao si Qiao Anhao, hindi
maalis na pamilya pa rin sila at iisang dugo lang ang dumadaloy sakanilang
mga katawan. Higit sa lahat, ito na ang tumayong mga magulang niya sa
loob ng labindalawang taon.
Kung malalaman ng mga ito kung ang kasamaan na ginawa sakanya ni Han
Ruchu…
Nagpanggap si Qiao Anhao na parehong nabigla at nahihiya sakanyang
auntie. Kailangan niyang palabasin ma sobrang naskatan siya ni Han Ruchu
kaya tumingin siya rito na may mangiyak ngiyak na mga mata. "Hindi ko po
alam kung anong nangyayari... Opo, nabuntis po talaga ako, pero namatay
ang baby sa sinapupunan ko. Sigurado po ako na buntis ako noong binigyan
ako ni Aunt Xu ng swallow's nest..."
Pagkatapos niyang magsalita, sinadya niya na may tumulong dalawang luha
mula sa magkabila niyang mga mata. "Auntie, nilagyan po ni Aunt Xu ng
sleeping pills ang swallows nest kaya po namatay ang baby ko..."
Habang nakikita ni Han Ruchu ang mga panduduro ng mga tao sakanya,
hindi niya na talaga kaya!
Bago magumpisa ang auction, nakita ng lahat na nagtalo sila ni Qiao Anho.
At ngayon, dahil naman sa anak nito, tuluyan ng nasira ang reputasyon
niya...
Ang imahe na pinakaiingatan niya sa loob ng maraming taon ay tuluyan ng
nasira ng ganun ganun nalang!
Sa pagkakataong ito, hindi na kaya ni Han Ruchu na magpanggap na
kalmado kaya gigil na gigil siyang bumaba ng stage. Sira na ang reputasyon
niya kaya ano pa bang itatago niya. Walang pagdadalwang isip siyang
sumugod kay Qiao Anhao para hampasin ito ng malakas sa ulo gamit ang
kanyang bag. "Hoy bwisit ka! Ikaw ba ang gumawa nito?"
Alam ni Qiao Anhao na sasabog na si Han Ruchu sa oras na magplay ang
recording, pero wala sa isip niya na aabot sa ganito. Hindi niya inakala na
talagang magwawala ito sa harap ng maraming tao!
Pero.... Dahil din sa ginawa nito, lalo siyang nagmukhang kaawa-awa sa
harap ng lahat. Bukod sa simpatya ng mga taong nanunuod sakanila,
mapapaamin niya ng katotohanan sa sobrang galit!
Kaya hindi siya nanlaban at hinayaan niya lang na tumama sa ulo niya ang
handbag nito.
Kaya niyang tiisin kahit gaano pa kasakit ang magiging hampas nito, kung
ito naman paraan para tuluyan niya ng masira si Han Ruchu!
Hindi biro ang pwersang ginamit nito kaya napakagat nalang siya ng
kanyang labi napaluha sa sakit. Para siyang isang batang nakakaawa na
tumingin sakanyang auntie at uncle, at hindi mapakaling nagsumbong,
"Uncle, Auntie.
Pareho ang personalidad ni Qiao Anxia at Auntie Qiao - masyado silang
protective.
Noong araw na ibinigay ni Han Ruchu kay Qiao Anhao ang dalawang kahon
ng swallow's nest, yun din ang araw na bumusita ito sakanya kaya nakita ni
Auntie Qiao kung paano magsuka ang pamangkin niya. Tandang tanda niya
na tinanong niya pa ito kung bakit, pero sinabi lang sakanya ni Qiao Anhao
na baka may nakain itong hindi maganda sa tyan.
Sa tagal niya sa industriya ng negosyo, hindi na bago sakanya ang mga
kwentong gamitan, at ngayon na narinig niya ang recording na inilabas ng
isang hindi nagpakilalang tao, malinaw na sakanya ang lahat…Galit na galit
siya sa sinapit ni Qiao Anhao at ngayong nakita niya mismo na sinaktan ito
ni Han Ruchu, hindi niya na kayang manahimik.
Marahil sa sobrang galit na nararamdaman niya, maging siya ay hindi niya
rin inaasahan na tatayo siya at tatawagin ang babaeng ito sa buong
pangalan. "Han Ruchu, ano bang gusto mo? Anong ebidensya mo para
sabihing si Qiao Qiao ang gumawa nito!"
Pagkatapos magsalita ni Auntie Qiao, muli siyang humarap kay Qiao Anhao
para patahanin ito. "Wag kang mag-alala, Qiao Qiao. Si uncle at auntie ay
nandito. Tignan ko lang kung anong magagawa niya!"
"Kung hindi ang bwisit na 'yan ang gumawa nito, eh sino pa ba!" Sa mga
oras na 'to, tuluyan ng isinantabi ni Han Ruchu ang kanyang reputasyon.
Dahil sa paulit-ulit na pagtawag ni Han Ruchu ng 'bwisit' kay Qiao Anhao,
lalo lang naginit si auntie Qiao. "Han Ruchu, pwede bang tigiltigilan mo yang
bibig mo. Sinong tinatawag mong bwisit?
"Para sabihin ko sayo, kung si Qiao Qiao nga talaga ang naglabas ng
recording, ano sa tingin mong gagawin mo? Pagkatapos mong gumawa ng
karumaldumal na bagay, ngayon natatakot kang malaman ng ibang tao? Sa
tingin mo ganun kadali mo nalang mabubully ang mga Qiao?"
Dahil sa pagtatalo nina Auntie Qiao at Han Ruchu, maraming mga kilay ang
nagsitaasan kaya hindi nagtagal, hindi na halos mabilang mga taong
nakapaligid sakanila para makiusisa.
Hindi na kinaya ni Xu Wanli ang kahihiyan kaya dali-dali siyang tumayo at
lumapit kay Uncle Qiao. "Parami na ng parami ang taong nanunuod sa atin.
Pwede bang pagusapan nalang natin 'to sa bahay?"
Matatawag na huwarang asawa si Auntie Qiao dahil normal sakanya ang
pagiging mahinhin at palaging sumusunod sa anumang sabihin ni Uncle
Qiao. Pero hindi siya pwedeng maliitin dahil sa mga ganitong sitwasyon,
maging si Uncle Qiao ay natatakot ring pumagitna.
Isa pa, si Uncle Qiao ang tunay na kadugo ni Qiao Anhao at hindi si Auntie
Qiao. Ngayon na nakikita niyang pinoprotektahan ng asawa niya ang
kanyang pamangkin, sino siya para pigilan ito. Kaya saang anggulo man
tignan, tama lang na tumahimik siya sa isang gilid at hayaan ang kanyang
asawa na gawin ang nararapat.
Napa'hmft si Auntie Qiao sa sobrang sama ng loob.
"Anong paguusapan pag-uwi? Sa harap ninyong lahat, sasabihin ko na mula
ngayon ay putol na ang ugnayan ng Qiao at Xu family at kahit kailan ay
hinding hindi na kami magkakaayos muli! Sino ka para saktan ang anak
namin? Sa tingin mo ba mga weak sauce ang mga Qiao?! Pagkatapos mong
sampalin ang isang tao, ngayon gusto mo pa ring lumuhod siya sayo?
Umasa ka!"
Habang nasa kalagitnaan si Auntie Qiao ng pagsasalita, si Qiao Anhao, na
mangiyak ngiyak, ay muntik ng matawa.
Hindi niya inakala na ang kanyang auntie na walang ibang ginawa kundi
magtrabaho at mag'mahjong ay marunong din palang gumamit ng mga
internet slang.
"Sa tingin mo ba mabuting tao yang anak mo? Baka iniisip mo na talagang
bagay yang bwisit na yan at ang Jiamu namin?" Biglang itinaas ni Han
Ruchu ang kanyang kamay at dinuro si Qiao Anhao. "Dapat lang mamatay
ang anak niya, dahil yun ay kay…"
"Tama na!"Galit na galit na sigaw ni Xu Jiamu, na kanina pa nanahimik.
Kailangan niyang sumigaw dahil alam niya na ang kasunod na sasabihin ng
nanay niya at hindi niya hahayaan na mangyari yun. Dali-dali niyang hinila
ang braso ni Han Ruchu at nanggigigil na sinabi, "Hindi pa ba sapat sayo
'to? O baka naman hindi pa ito nakakahiya para sayo?"
Habang nagsasalita si Xu Jiamu, bigla niyang hinila papunta sa ang kanyang
nanay, na may galit na galit na itsura.
Noong dumaan si Xu Jiamu sa harap ni Qiao Anhao, medyo binagalan niya
ang kanyang paglalakad. Sa totoo lang, gusto niya sanang tumingin at
humingi ng tawad sa kababata niya, pero hindi niya ito kayang tignan, kaya
pagkatapos ng halos kalahating segundo, tuluyan niya ng kinaladlad palabas
ang kanyang nanay.
Sa kabila ng paulit-ulit na pagmamakaawa ni Han Ruchu kay Xu Jiamu,
patuloy niya pa rin itong hinila palabas ng Beijing Club hanggang sa
makarating sila sakanilang family car. ""Jiamu, bitawan mo naman si mama."
Nang makita ng mayordoma, na kasalukuyang naghihintay sa loob ng
sasakyan, ang nangyari, dali-dali itong bumaba. "Madam, young master,
anong nangyari?"
Parang walang narinig si Xu Jiamu at ndire-diretso niyang binuksan ang
pintuan at itinulak si Han Ruchu papasok. "Umuwi ka na!"
At bigla niyang binalibag ang pintuan ng sasakyan.
Si Xu Jiamu ang kahinaan ni Han Ruchu kaya ngayong galit na galit ito
sakanya, nagmamadali niyang binuksan ang pintuan para habulin ang anak,
"Jiamu, saan ka pupunta? Hindi ka ba uuwi kasama ni mama?"
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES