App herunterladen
70.19% Bringing the Nation's Husband Home (Tagalog) / Chapter 683: Ang mga text message sa phone (34)

Kapitel 683: Ang mga text message sa phone (34)

Redakteur: LiberReverieGroup

Pagkapasok ni Qiao Anhao sa clubhouse, ibinigay niya muna ang dala niyang

invitation sa service assistant na sumalubong sakanya bago siya ihatid nito sa

loob ng hall na may theme na 'The Crystal Palace'. Napapalibutan ang venue

ng makukulay na ilaw na bagay na bagay sa eleganteng tunog na nagmumula

sa piano. Tumambad sakanya ang mga prominenteng pamilya ng Beijing, na

nakasuot ng mga engrandeng damit habang nakikipagusap sa mga kakilala

nito.

Nakasuot siya ng isang kulay peach na strapped long dress at dahil malamig pa

rin sa labas gawa ng winter, pinatungan niya ito ng jacket noong una, na agad

niya ring ibinigay sa staff attendant pagkapasok niya sa hall. Habang hawak

ang kanyang handbag, pinagmasdan niya ang kanyang kaliwa't-kanan at hindi

nagtagal, niya nakita niya ang isang grupo ng mga babae kung saan walang

pagdadalawang isip siyang lumapit para puntahan ang kanyang Auntie Qiao, na

masayang nakikipagkwentuhan sa mga kaibigan nito.

"Auntie."

Nang sandaling marinig ni Auntie Qiao ang boses ng tumawag sakanya, dali-

dali siyang lumingon at noong nakita niyang si Qiao Anhao ito, masaya niyang

hinawakan ang kamay ng pamangkin at malambing na sinabi, "Qiao Qiao,

nandito ka rin pala."

"En."

Kumuha si Qiao Anhao ng wine glass mula sa tray ng lumapit na attendant.

Tumayo lang siya sa tabi ng kanyang Auntie at pinakinggan ang pagpapakilala

ng mga kasama nito, at nang matapos na ang lahat, magalang siyang bumati at

nakipag'cheers sa mga ito.

Kasalukuyang nasa Japan sina Qiao Anxia at Chen Yang kaya hindi

makakarating ang mga ito sa taunang gala. Parehong maganda sina Qiao Anxia

at Qiao Anhao, pero di hamak na mas malambing at pasensyosa si Qiao Anhao.

Isa pa, gumawa rin siya ng dalawang drama na parehong mataas ang rating,

kaya naman halata sa itsura ni Auntie Qiao na sobrang saya nito habang

pinapakilala siya sa mga sakama nitong mayayayamang babae.

Kahit na hindi talaga si Auntie Qiao ang biological mother ni Qiao Anhao,

sobrang ipinagmamalaki talaga siya nito kaya sa tuwing may pupuri sakanya,

sobra-sobra rin ang ngiti nito.

Bilang respeto, nakangiti lang si Qiao Anhao sa buong paguusap at ilang

sandali niya rin munang sinamahan ang kanyang Auntie Qiao… Habang abala

sa pagkwekwentuhan ang lahat, nagmasid-masid siya sakanyang paligid

hanggang sa wakas nakita niya na rin si Han Ruchu kaya habang nasa

kalagitnaan ng paguusap, dahan-dahan siyang lumapit sakanyang auntie para

bumulong "Auntie…pupunta po muna ako kay Aunt Xu.

Tumawa at tumungo naman si Auntie Qiao.

"Excuse Me." Hindi niya nakalimutang ngumiti at yumuko sa mga kasama ng

kanyang Auntie para magpaalam bago siya nagmamadaling naglakad papunta

kay Han Ruchu.

Kahit na si Lu Jinnian ang may-ari ng pinaka malaking porsyento ng Xu

Enterprise, si Xu Jiamu pa rin ang beneficiary. Sa nakalipas na limang buwan,

marami na rin itong nalikom na shares kaya unti-unti na ring bumabalik ang

kapangyarihan nito sa kumpanya. Ngayon, balak ni Qiao Anhao na ipamukha

kay Han Ruchu na ito ang may kasalanan kung bakit bumagsak ang kumpanya.

Mahigit isang buwan na rin noong huling beses silang nagkita. Kumpara noong

huling kaarawan ni Han Ruchu, di hamak na mas maayos ang itsura nito

ngayon.

Nakutuban na ni Qiao Anhao na malamang gumawa nanaman si Han Ruchu ng

kwento para maayos ang relasyon nito sa anak nitong si Xu Jiamu.

…Na para sakanya ay normal lang naman.

Wala naman sa mga plano ni Qiao Anhao na sirain ang relasyon ng mag'ina.

Isa pa, kagaya ni Lu Jinnian, naniniwala rin siya sa kasabihang 'blood is thicker

than water' kaya siguradong kahit gaano pa kasama ang mga ginawa ni Han

Ruchu, papatawarin at papatawarin pa rin ito ni Xu Jiamu.

Pero kahit pansamantalang maayos ang mga iringan, hinding hindi na

matatanggal ang lamat sa relasyon ng mga ito.

Kaya ngayong gabi, gagawa siya ng isang bagay na lalong magpapalaki sa

lamat ng mag-ina!

Nanlilisik ang mga mata ni Qiao Anhao habang iniisip niya ang kanyang mga

plano, pero hindi siya pwedeng manatiling ganito dahil baka mapurnada pa ang

mga plano niya kaya dali-dali siyang nagpanggap na kalmado. Naglakad siya

palapit kay Han Ruchu at malambing itong tinawag. "Aunt Xu."

Noong narinig ni Han Ruchu ang pamilyar na boses ni Qiao Anhao, bigla itong

natigilan sa pakikipagkwentuhan. Base sa naging reaskyon ng matanda,

halatang halata na sobra 'tong nagulat, pero sa galing nitong magpanggap,

wala pang sampung segundo ay nagawa na nitong lumingon na parang walang

nangyari at malambing na bumati, "Qiao Qiao."

Sa mga ginawa niya noong nakaraan nitong birthday, siguradong galit na galit

ito sakanya ngayon!


Kapitel 684: Ang mga text message sa phone (35)

Redakteur: LiberReverieGroup

Sa mga ginawa niya noong nakaraan nitong birthday, siguradong galit na galit

ito sakanya ngayon!

Malinaw na nakaranas ito ng matinding hirap at kahihiyan ng dahil sakanya,

pero ngayong nagkita na sila ulit, nagawa pa talaga nitong magpanggap na

parang walang nangyari!

Pero ayos lang yan. Dahil kahit anong gawin nitong pagpapanggap, marami pa

rin siyang paraan para galitin ito hanggang sa dumura na ito ng dugo.

Masayang nakangiti si Qiao Anhao habang naglalakad papunta kay Han Ruchu,

na sa unang tingin ay mukhang sabik na sabik siyang makita ang isang auntie

na sobra niyang pinagkakatiwalaan. Pumulupot siya sa braso nito at malambing

na sinabi, "Aunt Xu, nandito ka rin pala. Kanina pa kita hinahanap eh. May

sasabihin kasi sana ako sayo…"

Lumapit si Qiao Anhao sa tenga ni Han Ruchu at pabulong na nagpatuloy,

"Pagkatapos ko po kayong batiin ng happy birthday, hindi ko pa po pala kayo

nababati ng happy new year!"

Magiging kalmado na sana ang lahat kung hindi binanggit ni Qiao Anhao ang

salitang birthday, pero noong pagkasabi niya nito, naramdaman niya na biglang

nanigas ang buong katawan ni Han Ruchu. Hanggang ngayon ay pinaninindigan

pa rin nito ang pag-arte pero kahit na nakangiti ito, halatang halata pa rin ang

kaba sa itsura nito. Samantalang si Qiao Anhao naman ay mas lalo pang

nilakihan ang kanyang ngiti at mabilisan na lumayo sa tenga nito, na para bang

may binulong siya na sobrang nakakatuwa. Kumaway siya mukha nito at

masayang sinabi, "Aunt Xu, masaya ka ba?"

"Madam Xu, siya ay si?" nakangiting tanong ng isa sa mga kausap ni Han

Ruchu.

Naramdaman ni Qiao Anhao na pasimpleng inaalis ni Han Ruchu ang kanyang

kamay, pero imbes na bumitaw, lalo niya pa itong hinawakan ng mas matindi.

Sasabog na ang puso ni Han Ruchu sa galit, pero hindi ito pwedeng

magpahalata kaya pinilit nitong ngumiti sa babaeng nagtatanong at kalmadong

sumagot, "Ito ang anak na babae ng Qiao Family."

"Hello, ako po si Qiao Anhao." Kumpara kay Han Ruchu, di hamak na mas

kalmado ang itsura ni Qiao Anhao. Pagkatapos niyang magpakilala,

nakipagcheers siya sa babae at uminom ng konti sakanyang wine.

"Qiao Anhao, kilala kita. Ikaw ang supporting actress ng Alluring Times."

"So nanunuod po pala kayo ng drama ko…"

Habang naririnig ni Han Ruchu ang paguusap ni Qiao Anhao at ng kanyang

kaibigan, lalo lang siyang nainis at sa pagkakataong ito, halata na sakanyang

itsura. Kailangan niyang humanap ng paraan para hindi siya tuluyang sumabog

kaya dali-dali niyang inubos ang wine na nasa kanyang baso, pumikit, at

huminga ng malalim bago siya muling tumingin kay Qiao Anhao at nakangiting

sinabi, "Qiao Qiao, nandoon ang Auntie mo. Nabati mo na ba siya?"

Alam naman ni Qiao Anhao na gusto lang siyang paalisin ni Han Ruchu, pero

nagkakamali ito… dahil hindi niya hahayaan na makuha nanaman ng babaeng

'to ang gusto nito!

Hindi siya aalis at determinado talaga siyang inisin ito!

"Kakatapos ko lang pong batiin si Auntie." Kumurap si Qiao Anhao na para

bang may bigla siyang naalala bago siya magpatuloy, "Oh, tama. Aunt Xu, may

sasabihin pa po pala ako sainyo…"

Muli nanamang lumapit si Qiao Anhao sa tenga ni Han Ruchu at pabulong na

sinabi, "Aunt Xu, alam mo ba kung bakit ako nalaglag sa hagdanan noong

nagpunta ako sainyo nitong huling Valentine's day?"

"Sinabi na ba sayo ni Jiamu?" Sa sobrang kaba ni Han Ruchu, hindi ito

mapakaling sumagot kaagad pagkatapos na pagkatapos magtanong ni Qiao

Anhao.

Sa totoo lang, wala talagang ideya si Qiao Anhao kung bakit siya nalaglag:

kung aksidente lang ba ang lahat o may nanabotahe sakanya.

Ang tanging rason lang naman kung bakit niya yun sinabi ay dahil hindi maalis

sa isip niya ang mga natuklasan niya sa drawer ni Lu Jinnian.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C683
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES