Hindi na mapakali si Lu Jinnian kakahintay kaya dahan-dahan siyang naglakad
hanggang sa makarating siya sa tapat ng CR ng mga babae. Medyo
nag'aalangan siya noong una pero sobrang kinakabahan na talaga siya kaya
pikit mata niyang binuksan ang pintuan at pumasok.
Buti nalang, malalim na ang gabi kaya wala ng tao sa loob ng public CR ng mga
babae. Pero dahil ito ang unang beses ni Lu Jinnian na gawin ang ganitong
bagay, medyo naiilang pa rin siya. Halata sakanyang paglalakad na hindi siya
komportable kaya mabilisan niya lang na binuksan ang bawat cubicle para
silipin kung nandoon ang asawa niya.
Pero noong makarating siya sa pinaka huling cubicle, biglang kumunot ang
kanyang noo.
Wala pala si Qiao Anhao sa loob ng CR!
Wala ng dalihan pa para magtagal siya sa loob ng CR kaya dali-dali siyang
naglakad palabas. Ang unang pumasok sa isip niya ay tawagan si Qiao Anhao
kaya nagmamadali niyang inilabas ang kanyang phone, pero bago niya pa ito
ma'idial, napansin niya na may emergency route sa loob ng CR. Sa
pagkakataong ito, lalong lumakas ang kutob niya na may hindi magandang
nangyayari kaya walang pagdadalawang isip siyang tumakbo papunta sa
elevator na nasa lobby para bumalik sa pinaka mataas na palapag.
Pagkabukas ng elevator, nagmamadali niyang binaybay ang kahabaan ng isang
napaka'tahimik na corridor hanggang sa makarating siya sa pinaka dulo, kung
saan siya lumiko. Desidido siyang makarating sa pupuntahan niya sa lalo't
madaling panahon pero bigla siyang natigilan nang sandaling marinig niya ang
kalmadong boses ni Qiao Anhao na nanggagaling sa pinaka dulong kwarto.
"I came here to see you, because I have something to tell you. Whatever you
want to tell me, I don't actually want to hear it.
"Lu Jinnian is my husband. My legal husband, under Chinese law. I have a
marriage certificate here. I believe you wouldn't understand it.
"I don't care about what happened between you and him in America, but what I
want to tell you now, is the you and him must end it here.
"Because the one who will grow old with him, the one who will give birth to his
beautiful children, and the one who will take care of them as they grow up is -
ME, not YOU. So I hope that you will stop pestering him. His future will never
have you in it. Nor will I allow you to be in his future.
"I've said everything I wanted to say. Thank you for your cooperation.
Goodbye."
Hindi naman malakas ang boses ni Qiao Anhao pero dahil sobrang tahimik ng
paligid, nangibabaw pa rin ito. Habang nakikinig si Lu Jinnian, pakiramdam niya
ay parang biglang huminto ang tibok ng kanyang puso.
Hindi siya makagalaw sakanyang kinatatayuan hanggang sa may marinig
siyang tunog ng takong na papalapit ng papalapit sakanya. Bigla siyang
nahimasmasan kaya habang hindi pa nakatingin si Qiao Anhao, ginamit niya
ang pagkakataon na tumakbo pabalik ng elevator.
-
Pagkapasok ni Qiao Anhao ng elevator, maniyak-ngiyak ang kanyang mga mata
sa sobrang sama ng loob.
Mahal na mahal siya ni Lu Jinnian at hindi lingid sa kaalaman niya na marami
na itong sinakripisyo para sakanya…Kaya paano nito nagawang maghanap ng
ibang babae?
Sa totoo lang, alam niya naman na kapag ang isang babae ay nahuli ang asawa
nito na may kabit, normal lang na mamisikal at magbitaw ng masasakit na salita
hindi lang kabit kundi pati na rin sa asawa nito, o ang pinaka malala ay
naghahamon pa ito ng divorce. Pero may ibang mga babae na hindi
nakukunteto sa ganito kaya gumagawa sila ng paraan para tuluyan ng masira
ang reputasyon ng mga manloloko nilang asawa.
Noong kumatok siya kanina sa room 1002, iniisip niya paano kung makita niya
nga si Lu Jinnian, ano bang dapat niyang gawin? Sasampalin niya ba ito at
manghihingi ng divorce?
Pero nang magbukas ang pintuan, nakumpirma niya na hindi niya talaga
kayang makipagdivorce. Alam niyang habambuhay na itong magiging tinik sa
puso niya. Pero handa siya… Handa siyang tiisin ito hanggang sa huling araw
ng buhay niya, dahil mas gugustuhin niya pang magtiis kaysa makipagdivorce
kay Lu Jinnian.
Kaya…pinili niya ang pinaka duwag na paraan. Hindi siya umiyak o nagwala at
nagtanga-tangahan lang siya, na para bang walang nangyari.
Lumabas siya ng elevator sa pangalawang palapag at naghandan nalang siya
sa emergency route pababa.
Pagkababa niya, dumaan muna siya sa CR para maghilamos at magpakalma.
Noong sandaling pumasok siya sa main hall, nakita niya kaagad si Lu Jinnian
na nakatalikod. Hindi biro ang lamig sa labas dahil sa winter pero kahit na
nakasuot lang ito ng manipis na shirt, kalmado lang itong nakatayo at mukhang
hindi giniginaw.
Napahawak si Qiao Anhao ng mahigpit sakanyang damit at huminga ng
malalim. "Lu Jinnian."
Dali-daling lumingon si Lu Jinnian na para bang walang nangyari. Kung
pagmamasdan ang itsura nito, kapansin-pansin na kalmado at mukha itong
masaya. Mahinahon itong nagtanong, "Bakit ang tagal mo?"
Teka lang… hindi ba kanina lang nahuli ito na may kasamang ibang babae sa
loob ng isang kwarto, bakit parang napaka kalmado naman ata nito? O baka
naman talagang wala na itong pakielam kahit na nabuko na ito?
Habang nakikita ni Qiao Anhao na parang hindi apektado si Lu Jinnian sa kabila
ng mga nangyari, lalo lang siyang kinabahan.
Kung anu-anong pumasok sa isip niya at nahimasmasan lang siya noong bigla
nitong hawakan ang kanyang kamay. Tinitigan niya ang mukha ni Lu Jinnian at
kahit na mukha pa rin itong suplado, ramdam niya na kakaiba ang saya nito.
Hindi niya mabasa kung anong kasalukuyan nitong iniisip kaya habang
tumatagal, lalo lang siyang kinakabahan.
Habang nasa byahe sila pauwing Mian Xiu Garden, hindi sila gaanong nag-
usap pero maraming beses na sinilip ni Qiao Anhao si Lu Jinnian para
pagmasdan ang itsura nito.
Ramdam ni Lu Jinnian na tinitignan siya ni Qiao Anhao pero hindi siya
nagpa'apekto at kalmado lang siyang nakatutok sa kalsada. Hindi niya talaga
makalimutan ang mga narinig niya sa Four Seasons Hotel kaya hindi niya
napigilang mapangiti noong isang beses na sinilip niya ito sa rear view mirror.
Noong nakita ni Qiao Anhao na nakangiti si Lu Jinnian, biglang nandilim ang
kanyang paningin. Para siyang nagtatampong bata na yumakap ng mahigpit
sakanyang bag habang nakasimangot. Samantalang si Lu Jinnian naman ay
lalo pang sumaya at kinilig noong nakita niya ang naging reaksyon nito.
Hindi naman sa ayaw niyang magpaliwanag, pero sa ngayon gusto niya
munang makita kung paano mainis si Qiao Anhao.
Panno niya ba sasabihin… Habang nakikita niya na naiinis si Qiao Anhao,
sobrang kinikilig siya dahil ramdam na ramdam niya kung gaano siya kamahal
nito.
Pagkaparada niya ng sasakyan sa bakuran ng Mian Xiu Garden, dali-dali
niyang tinanggal ang kanyang seatbelt at bumaba para pagbuksan si Qiao
Anhao. Pero bago pa siya makapaglakad, inunahan siya nitong magbukas ng
pintuan at nagmamadaling tumakbo papasok ng bahay.
Natawa nalang si Lu Jinnian sa ginawa ni Qiao Anhao at kalmado niya itong
sinundan. Pagkapasok niya, saktong paakyat na ito ng hagdanan kaya bigla
niya itong tinawag habang nagtatanggal siya ng sapatos, "Qiao Qiao."
Natigilan si Qiao Anhao.
Bakit kaya siya tinatawag ni Lu Jinnian? Kokomprontahin na kaya siya nito?
Malinaw na nahuli niya itong may kasamang ibang babae… Ibig bang sabihin,
wala na talaga itong pakielam sa kasal nila? Sasabihin ba nito sakanya na wala
na itong nararamdaman para sakanya dahil mas gusto na nito ang foreigner na
babae sa Four Seasons Hotel?
Sobrang natatakot si Qiao Anhao na marinig ang sunod na sasabihin ni Lu
Jinnian kaya dali-dali siyang tumingin dito at sinabi, "Lu Jinnian, gusto ko ng
isang basong tubig."
Tumungo si Lu Jinnian at ikinuha siya ng isang basong tubig. "Qiao Qiao"
"Teka, uubusin ko lang to."
Hanggat maari, ayaw niyang bigyan ng pagkakataon na makapagsalita si Lu
Jinnian kaya dali-dali niyang tinungga ang isang baso ng tubig na ibinigay nito.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES