Nakatitig lang sila sa isa't-isa at wala ninuman sakanila ang gustong bumasak
ng katahimikan.
Hindi na namalayan ni Qiao Anhao kung gaano katagal na siyang nakatingin
kay Lu Jinnian nang may marinig siyang tunog ng takong na papalapit ng
papalapit sakanila, Hindi nagtagal, sinundan pa ito ng isang pamilyar na
boses na nagsalita ng wikang Ingles. "Nian, who is it?"
Nakita ni Qiao Anhao ang isang blonde na babaeng nakausot ng kulay pulang
long dress na naglalakad palabas ng kwarto. Tandang tanda niya kung sino
ang babaeng ito dahil ito ang nakita niyang kasama ni Lu Jinnian magdinner
sa America!
Ibig sabihin, hindi pa rin ito sumuko kahit na sinabi niya ng buntis siya at si
Lu Jinnian ang ama? At ngayon talagang pumunta pa ito sa China para
sundan ang asawa niya?
Noong sandaling magsalita si Lucy, doon lang din nahimasmasan si Lu
Jinnian.
Hindi ba tulog na si Qiao Anhao? Paano siya nasundan nito sa Four Seasons
Hotel? Pero hindi kasi yun ang punto… Malalim na ang gabi at kasalukuyan
siyang nasa loob ng isang kwarto na may kasamang ibang babae…
Sa takot ni Lu Jinnian, kabado siyang nagsalita, "Qiao Qiao…"
Pero bago siya matapos sa pagsasalita, si Qiao Anhao na nakatayo sa
harapan niya na parang estatwa ay biglang nagpanic. Nanginig ang buong
katawan nito at bigla nalang hinawakan ang kanyang kamay. Sa totoo lang,
sobrang natatakot si Qiao Anhao na baka hindi niya kayanin ang mga sunod
na sasabihin ni Lu Jinnian kaya inunahan niya na ito at sinabi, "Lu Jinnian,
bakit ka naman umalis? Hindi ako makatulog ng mag-isa."
Sa mga ganito katinding sitwasyon, hindi ba normal lang na dapat nagwawala
na ang isang babae?
Pero bakit parang kakaiba naman ata ang naging reaksyon ni Qiao Anhao?
Wala talagang ginawa si Lu Jinnian na ikakasakit ng puso ni Qiao Anhao,
pero dahil sa nakita nito, siguradong iba ang naging interpretasyon nito at
malamang nawalan na ito ng tiwala sakanya ngayon. "Qiao Qiao, makinig ka
sakin. Ako at si Lucy ay…"
Hindi maintindihan ni Lucy kung anong nangyayari kaya naguguluhan siyang
nagtanong kay Lu Jinnian, "Nian?"
Hindi masikmura ni Qiao Anhao na marinig ang boses ni Lucy kaya nang
sandaling magsalita ito, bigla siyang sumigaw na halatang naiirita, "Lu
Jinnian, gusto ko ng umuwi!"
Para siyang isang batang na biglang yumakap sa leeg ni Lu Jinnian at
nagpapaawang sinabi, "Uwi na tayo… Uwi na tayo… Lu Jinnian, umuwi na
tayo. Please?"
Sige, sige," dali-daling sagot ni Lu Jinnian. Sa takot niya na baka tuluyan ng
magalit si Qiao Anhao, hindi niya na kinuha ang kanyang jacket at
nagmamadaling nagsabi ng "Sorry" kay Lucy. Imbes na sabay silang
maglakad, bigla niyang binuhat ang kanyang asawa at saka siya naglakad ng
mabilis papuntang elevator.
Habang pababa sila, ramdam na ramdam ni Lu Jinnian ang takot ni Qiao
Anhao dahil hanggang ngayon ay nanginginig pa rin ang buong katawan nito.
Napansin niya na pahigpit rin ng pahigpit ang yakap nito sakanyang leeg niya
kaya maging siya ay hindi na rin mapakali. Gusto niya sanang magpaliwanag
pero natatakot siya na baka lalo lang itong magalit.
Wala siyang balak na ibaba si Qiao Anhao hanggang sa makalabas sila, pero
pagkarating nila sa lobby, bigla itong nagsalita, "Lu Jinnian, iistart mo na ang
sasakyan. Magc'CR lang ako."
"Sasamahan na kita." Pagkatapos magsalita ni Lu Jinnian, dali-dali siyang
umikot at naglakad sa direksyon papuntang CR.
"Ayoko. Gusto ko ako lang!" Pabulong na sagot ni Qiao Anhao. Pinilit niyang
bumaba mula sa pagkakabuhat ni Lu Jinnian at hindi pa man din ito
nakakasagot ay nagmamadali siyang tumakbo papunta sa CR.
Pero imbes gawin ang inutos ni Qiao Anhao…. Sumunod si Lu Jinnian sa CR.
Halos dalawampung minuto siyang nakatayo sa labas ng CR, pero walang
Qiao Anhao na lumalabas.
Hindi na mapakali si Lu Jinnian kakahintay kaya dahan-dahan siyang naglakad
hanggang sa makarating siya sa tapat ng CR ng mga babae. Medyo
nag'aalangan siya noong una pero sobrang kinakabahan na talaga siya kaya
pikit mata niyang binuksan ang pintuan at pumasok.
Buti nalang, malalim na ang gabi kaya wala ng tao sa loob ng public CR ng mga
babae. Pero dahil ito ang unang beses ni Lu Jinnian na gawin ang ganitong
bagay, medyo naiilang pa rin siya. Halata sakanyang paglalakad na hindi siya
komportable kaya mabilisan niya lang na binuksan ang bawat cubicle para
silipin kung nandoon ang asawa niya.
Pero noong makarating siya sa pinaka huling cubicle, biglang kumunot ang
kanyang noo.
Wala pala si Qiao Anhao sa loob ng CR!
Wala ng dalihan pa para magtagal siya sa loob ng CR kaya dali-dali siyang
naglakad palabas. Ang unang pumasok sa isip niya ay tawagan si Qiao Anhao
kaya nagmamadali niyang inilabas ang kanyang phone, pero bago niya pa ito
ma'idial, napansin niya na may emergency route sa loob ng CR. Sa
pagkakataong ito, lalong lumakas ang kutob niya na may hindi magandang
nangyayari kaya walang pagdadalawang isip siyang tumakbo papunta sa
elevator na nasa lobby para bumalik sa pinaka mataas na palapag.
Pagkabukas ng elevator, nagmamadali niyang binaybay ang kahabaan ng isang
napaka'tahimik na corridor hanggang sa makarating siya sa pinaka dulo, kung
saan siya lumiko. Desidido siyang makarating sa pupuntahan niya sa lalo't
madaling panahon pero bigla siyang natigilan nang sandaling marinig niya ang
kalmadong boses ni Qiao Anhao na nanggagaling sa pinaka dulong kwarto.
"I came here to see you, because I have something to tell you. Whatever you
want to tell me, I don't actually want to hear it.
"Lu Jinnian is my husband. My legal husband, under Chinese law. I have a
marriage certificate here. I believe you wouldn't understand it.
"I don't care about what happened between you and him in America, but what I
want to tell you now, is the you and him must end it here.
"Because the one who will grow old with him, the one who will give birth to his
beautiful children, and the one who will take care of them as they grow up is -
ME, not YOU. So I hope that you will stop pestering him. His future will never
have you in it. Nor will I allow you to be in his future.
"I've said everything I wanted to say. Thank you for your cooperation.
Goodbye."
Hindi naman malakas ang boses ni Qiao Anhao pero dahil sobrang tahimik ng
paligid, nangibabaw pa rin ito. Habang nakikinig si Lu Jinnian, pakiramdam niya
ay parang biglang huminto ang tibok ng kanyang puso.
Hindi siya makagalaw sakanyang kinatatayuan hanggang sa may marinig
siyang tunog ng takong na papalapit ng papalapit sakanya. Bigla siyang
nahimasmasan kaya habang hindi pa nakatingin si Qiao Anhao, ginamit niya
ang pagkakataon na tumakbo pabalik ng elevator.
-
Pagkapasok ni Qiao Anhao ng elevator, maniyak-ngiyak ang kanyang mga mata
sa sobrang sama ng loob.
Mahal na mahal siya ni Lu Jinnian at hindi lingid sa kaalaman niya na marami
na itong sinakripisyo para sakanya…Kaya paano nito nagawang maghanap ng
ibang babae?
Sa totoo lang, alam niya naman na kapag ang isang babae ay nahuli ang asawa
nito na may kabit, normal lang na mamisikal at magbitaw ng masasakit na salita
hindi lang kabit kundi pati na rin sa asawa nito, o ang pinaka malala ay
naghahamon pa ito ng divorce. Pero may ibang mga babae na hindi
nakukunteto sa ganito kaya gumagawa sila ng paraan para tuluyan ng masira
ang reputasyon ng mga manloloko nilang asawa.
Noong kumatok siya kanina sa room 1002, iniisip niya paano kung makita niya
nga si Lu Jinnian, ano bang dapat niyang gawin? Sasampalin niya ba ito at
manghihingi ng divorce?
Pero nang magbukas ang pintuan, nakumpirma niya na hindi niya talaga
kayang makipagdivorce. Alam niyang habambuhay na itong magiging tinik sa
puso niya. Pero handa siya… Handa siyang tiisin ito hanggang sa huling araw
ng buhay niya, dahil mas gugustuhin niya pang magtiis kaysa makipagdivorce
kay Lu Jinnian.
Kaya…pinili niya ang pinaka duwag na paraan. Hindi siya umiyak o nagwala at
nagtanga-tangahan lang siya, na para bang walang nangyari.
Lumabas siya ng elevator sa pangalawang palapag at naghandan nalang siya
sa emergency route pababa.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES