"Miss? Diba hinahanap niyo po si Mr. Lu? Dito po." Magalang na paalala ng
staff noong nakita niyang nakatulala lang si Qiao Anhao sa kinatatayuan nito.
Kung hindi nagbigay ng paalala ang staff, malamang hindi pa
mahihimasmasan si Qiao Anhao. Mabagal siyang tumungo at kahit
namumutla't sobrang wala na siya sa sarili, pinilit niya pa ring sundan ang
direksyong ibinibigay ng lalaki papunta sa elevator.
Ang staff na rin mismo ang nag'swipe ng card at pumindot ng button papunta
sa pinaka mataas na palapag para sakanya. Bago ito umalis, magalang itong
ngumiti at pinaalala sakanya ang room number na kailangan niyang
puntahan.
Habang nakatayo sa loob ng elevator, nakatulala lang siya sa paiba-ibang
numero na nagkukulay pula. Hindi niya maipaliwag kung bakit pero habang
papalapit siya ng papalapit sa pinaka taas na palapag, pabilis rin ng pabilis
ang tibok ng kanyang puso.
Tatlong minuto lang ang kailangan para makarating sa pinaka taas kung
manggaling sa unang palapag, pero para kay Qiao Anhao, parang ilang
dekada na ang lumipas. Hanggang ngayon ay wala pa rin siya sa sarili kaya
nang magbukas ang elevator, nanatili lang siya sakanyang kinatatayuan kahit
pa tumunog na ang alarm. Nahimasmasan lang siya noong nakita niyang
nagsasara na ito kaya bigla niyang pinindot ang button para muli itong
magbukas at dahan-dahang naglakad palabas.
Bumungad sakanya ang napaka tahimik na corridor at bago siya magpatuloy,
huminga muna siya ng malalim. Para makarating siya sa hinahanap niya,
kailangan niyang kumaliwa at may ilang kwarto siyang lalampasan bago siya
kumanan. Pagkaliko niya, muli siyang maglalakad hanggang sa makarating
siya sa pinaka dulo, ang room 1002
Nakatitig lang siya sa nakasaradong pintuan at ilang beses niyang itinaas ang
kanyang kamay sa pagbabakasakaling kakayanin niyang kumatok, pero sa
mga oras na 'to, tuluyan na siyang nalamon ng takot.
Nasa loob si Lu Jinnian… At ang sabi sakanya ay may kasama raw itong
foreigner na babae... Nauna itong umalis at matagal bago niya nakumbinsi
ang sarili niya na sumunod…Sa mga oras na 'to, ano na kayang ginagawa ng
kanyang asawa at ng kasama nitong babae?
Hangga't maari ayaw niyang maging tipo ng misis na mang'eeskandalo ng
asawa, pero sa dami ng mga nakumpirma niya, hindi na siya tinatantanan ng
isip niya sa mga posibilidad. Sobrang naguguluhan na siya dahil naglalaban
sa loob niya ang prinsipyong dapat magtiwala siya sa asawa niya at ang
kutob na b ka may nangyari na dito at sa kasama nitong foreigner.
Sa apat na buwan silang magkahiwalay, nagtago ito sa America. Sino naman
kaya ang nakilala nito?
Tandang-tanda niya ang bawat detalye ng sulat ni Lu Jinnian na itinago nito
sa porcelain doll. Malinaw na nakasaad dito kung gaano katindi ang
pagmamahal nito sakanya. At ngayong kasal na sila…
Sobrang tigas ng ulo ni Qiao Anhao. Harap-harapan na siyang hinahabol ng
katotohanan pero nagpupumilit pa rin siyang makita ito gamit ang dalawa
niyang mga mata.
Oo. Dapat lang na makita niya ito gamit ang sarili niyang mga mata dahil
hangga't hindi ito nangyayari, hinding hindi siya maniniwala na pagtataksilan
siya ng lalaking pinakamamahal niya.
Kahit na… kahit na niloloko na siya ni Lu Jinnian… Wala siyang ibang
gustong mangyari kundi ang maiuwi ito… asawa niya ito, legal na asawa!
Ipinikit ni Qiao Anhao ang kanyang mga mata at huminga ng malalim habang
bumibilang hanggang tatlo sakanyang isip. Sa pagkakataong ito, buo na ang
loob niya kaya nanggigigil siyang kumatok sa pintuang nasa harapan niya.
Hindi niya alam kung gaano katagal na siyang kumakatok pero nagpatuloy
lang siya kahit nararamdaman niya ng sumasakit na ang kanyang kamay.
Hindi nagtagal, may narinig siyang isang pamilyar na boses mula sa loob…
Ang boses ni Lu Jinnian.
"Sino yan?"
Imbes na sumagot, nagpatuloy lang si Qiao Anhao sa pagkatok kaya nang
magbukas ang pintuan, naiwan ang kamay niya sa hangin. Halos kalahating
minuto siyang nakayuko bago niya muling iangat ang kanyang ulo. Tumambad
sakanya ang Lu Jinnian na nakabihis ng maayos at nakakunot ang noo na
para bang nagtataka kung paano niya ito nasundan.
Medyo matagal din siyang nakatitig sa mga mata ni Lu Jinnian bago niya
dahan-dahang ibaling ang kanyang tingin sa balikat nito at sa paligid ng
kwarto na nasa harapan niya. May nakita siyang dalawang baso ng red wine
na nakalapag sa lamesa, isang kaha ng sigarilyo at ang jacket ni Lu Jinnian
na nakakalat sa sofa.
Makailang beses siyang kumurap bago niya muling tignan ang mga mata ni
Lu Jinnian.
Nakatitig lang sila sa isa't-isa at wala ninuman sakanila ang gustong bumasak
ng katahimikan.
Hindi na namalayan ni Qiao Anhao kung gaano katagal na siyang nakatingin
kay Lu Jinnian nang may marinig siyang tunog ng takong na papalapit ng
papalapit sakanila, Hindi nagtagal, sinundan pa ito ng isang pamilyar na
boses na nagsalita ng wikang Ingles. "Nian, who is it?"
Nakita ni Qiao Anhao ang isang blonde na babaeng nakausot ng kulay pulang
long dress na naglalakad palabas ng kwarto. Tandang tanda niya kung sino
ang babaeng ito dahil ito ang nakita niyang kasama ni Lu Jinnian magdinner
sa America!
Ibig sabihin, hindi pa rin ito sumuko kahit na sinabi niya ng buntis siya at si
Lu Jinnian ang ama? At ngayon talagang pumunta pa ito sa China para
sundan ang asawa niya?
Noong sandaling magsalita si Lucy, doon lang din nahimasmasan si Lu
Jinnian.
Hindi ba tulog na si Qiao Anhao? Paano siya nasundan nito sa Four Seasons
Hotel? Pero hindi kasi yun ang punto… Malalim na ang gabi at kasalukuyan
siyang nasa loob ng isang kwarto na may kasamang ibang babae…
Sa takot ni Lu Jinnian, kabado siyang nagsalita, "Qiao Qiao…"
Pero bago siya matapos sa pagsasalita, si Qiao Anhao na nakatayo sa
harapan niya na parang estatwa ay biglang nagpanic. Nanginig ang buong
katawan nito at bigla nalang hinawakan ang kanyang kamay. Sa totoo lang,
sobrang natatakot si Qiao Anhao na baka hindi niya kayanin ang mga sunod
na sasabihin ni Lu Jinnian kaya inunahan niya na ito at sinabi, "Lu Jinnian,
bakit ka naman umalis? Hindi ako makatulog ng mag-isa."
Sa mga ganito katinding sitwasyon, hindi ba normal lang na dapat nagwawala
na ang isang babae?
Pero bakit parang kakaiba naman ata ang naging reaksyon ni Qiao Anhao?
Wala talagang ginawa si Lu Jinnian na ikakasakit ng puso ni Qiao Anhao,
pero dahil sa nakita nito, siguradong iba ang naging interpretasyon nito at
malamang nawalan na ito ng tiwala sakanya ngayon. "Qiao Qiao, makinig ka
sakin. Ako at si Lucy ay…"
Hindi maintindihan ni Lucy kung anong nangyayari kaya naguguluhan siyang
nagtanong kay Lu Jinnian, "Nian?"
Hindi masikmura ni Qiao Anhao na marinig ang boses ni Lucy kaya nang
sandaling magsalita ito, bigla siyang sumigaw na halatang naiirita, "Lu
Jinnian, gusto ko ng umuwi!"
Para siyang isang batang na biglang yumakap sa leeg ni Lu Jinnian at
nagpapaawang sinabi, "Uwi na tayo… Uwi na tayo… Lu Jinnian, umuwi na
tayo. Please?"
Sige, sige," dali-daling sagot ni Lu Jinnian. Sa takot niya na baka tuluyan ng
magalit si Qiao Anhao, hindi niya na kinuha ang kanyang jacket at
nagmamadaling nagsabi ng "Sorry" kay Lucy. Imbes na sabay silang
maglakad, bigla niyang binuhat ang kanyang asawa at saka siya naglakad ng
mabilis papuntang elevator.
Habang pababa sila, ramdam na ramdam ni Lu Jinnian ang takot ni Qiao
Anhao dahil hanggang ngayon ay nanginginig pa rin ang buong katawan nito.
Napansin niya na pahigpit rin ng pahigpit ang yakap nito sakanyang leeg niya
kaya maging siya ay hindi na rin mapakali. Gusto niya sanang magpaliwanag
pero natatakot siya na baka lalo lang itong magalit.
Wala siyang balak na ibaba si Qiao Anhao hanggang sa makalabas sila, pero
pagkarating nila sa lobby, bigla itong nagsalita, "Lu Jinnian, iistart mo na ang
sasakyan. Magc'CR lang ako."
"Sasamahan na kita." Pagkatapos magsalita ni Lu Jinnian, dali-dali siyang
umikot at naglakad sa direksyon papuntang CR.
"Ayoko. Gusto ko ako lang!" Pabulong na sagot ni Qiao Anhao. Pinilit niyang
bumaba mula sa pagkakabuhat ni Lu Jinnian at hindi pa man din ito
nakakasagot ay nagmamadali siyang tumakbo papunta sa CR.
Pero imbes gawin ang inutos ni Qiao Anhao…. Sumunod si Lu Jinnian sa CR.
Halos dalawampung minuto siyang nakatayo sa labas ng CR, pero walang
Qiao Anhao na lumalabas.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES