"Tama, tama ka…" Ngumiti si Lu Jinnian kay Qiao Anhao at tinitigan ito ng diretso sa mga mata na para bang sinisisi niya ang kanyang sarili. "Pero, nakakalungkot lang… dahil hindi ako si Xu Jiamu."
Inalala niya noong gabing nagkaraoon ng problema ang Xu Family, tandang tanda niya na habang nakahiga si Qiao Anhao sa kanyang braso ay sinabi nito na alagaan niya si Xu Jiamu.
Isa pa, naalala niya rin noong nakita niya ito sa labas ng opisina niya kanina. Pareho sila ni Xu Jiamu na nakita nito pero ang kapatid niya pa rin ang una nitong tinawag…
Kahit na nagdivorce na sina Qiao Anhao at Xu Jiamu…. Kahit na ginawa niya na ang lahat para dito…. Para pala sa puso nito ay si Xu Jiamu pa rin ang pinaka importante!
"Siguro lagi mong iniisip kung anong magiging pakiramdam kung magiging si Xu Jiamu ako, tama ba?" Hindi maitatanggi ni Lu Jinnian na sobra talaga ang selos na nararamdaman niya sa kanyang kapatid pagdating kay Qiao Anhao. Hanggat maari, gusto niya sanang kontrolin ang kanyang emosyon pero nang marinig niyang ikinumpara siya nito sa iba, hindi niya na napigilan at tuluyan na siyang sumabog. Hindi pa man din ito nakakapagsalita ay muli siyang nagpatuloy na halatang galit na galit, " Pero, Qiao Anhao. Ipapaalala ko lang sayo… Hindi ako magiging si Xu Jiamu kahit kailan!
"Dahil kay Xu Jiamu ka lang naman nagaalala, bakit hindi mo nalang siya puntahan!" Habang sinasabi ito ni Lu Jinnian, bigla siyang tumayo sa sofa at kinaladlad si Qiao Anhao palabas ng kanyang opisina.
Medyo napalakas ang pagkakatulak ni Lu Jinnian kaya natumba si Qiao Anhao. Huli na nang maibalanse niya ang kanyang sarili dahil nakasara na ang pintuan ng opisina. Napatingingin nalang siya sa nakasaradong pintuan at doon lang siya natauhan na dahil sa mga sinabi niya ay biglang nagalit si Lu Jinnian.
Wala naman talaga siyang intensyon na pagkumparahin sina Xu Jiamu at Lu Jinnian, pero hindi niyamatanggap ang katotohanan na inagaw ni Lu Jinnian ang Xu Enterprise. Magkapatid ang dalawa at alam niyang napakaganda ng ugnayan ng mga ito, kaya hindi niya maintindihan kung bakit nagawa 'yun ni Lu Jinnian. Paano nito nakayang balewalain ang lahat ng pinagsamahan nilang magkapatid ng ganun ganun nalang?
Nakita ni Qiao Anhao ang mga nangusisa mula sa kabilang department. Sa sobrang kahihiyan, yumuko nalang siya at naglakad pabalik sa opisina pero noong bubuksan niya na ang pintuan, napansin niya na nakalock ito kaya kumatok siya.
Halos kalahating minutong naghintay sa labas si Qiao Anhao pero walang sumasagot sakanya kaya naisipan niyang muling kumatok, pero noong nakataas na ang kamay niya, biglang binuksan ni Lu Jinnian ang pintuan.
"Lu Jinnian.." Masyado itong mabilis na naglakad papunta sa elevator at nilagpasan lang siya nito para bang wala siya doon.
Sinubukang habulin ni Qiao Anhao si Lu Jinnian habang nagpapaliwanag, "Mali ang iniisip mo, hindi kita kinukumpara kay Brother Jiamu. Ang gusto ko lang naman ay…"
Dahil may dinner date sila mamayang gabi, napagdesisyunan niyang magsuot ng sapatos na may ten centimeters na taas kaya hindi niya kayang maglakad ng mabilis para habulin si Lu Jinnian. Bago pa siya matapos sakanyang sinasabi ay nagdire-diretso na ito papasok sa elevator at noong sandaling papasok na rin sana siya, bigla namang nagsara ang pintuan at tuluyan na ngang nakababa si Lu Jinnian.
Paulit ulit niyang pinindot ang button ng elevator para mahabol niya si Lu Jinnian.
Pagkalabas niya ng elevator, nakita niya si Lu Jinnian na sumasakay na sa sasakyan nito kaya agad niya itong tinawag. Dahil hindi kinaya ng kanyang takong ang masyadong mabilis niyang pagktakbo, bigla siyang natapilok. Buti nalang may nakapitan siyang sasakyan kaya agad niya ring nabalanse ang kanyang katawan. Nang marinig niyang umandar na ang sasakyan ni Lu Jinnian, dali dali niyang binalewala ang masakit niyang binti para subukan itong habulin pero bigla itong kumaripas ng takbo.
Wala ng nagawa si Qiao Anhao at pinagmasdan niya nalang ang sasakyan ni Lu Jinnian hanggang sa tuluyan na itong makalabas ng parking lot. Bumalik siya sa elevator pero noong pipindutin niya na sana ang button nito, sakto namang nagring ang kanyang phone na nasa kanyang bulsa.
Pagkabalik ng assistant ni Lu Jinnian na dala ang phone at recorder ng kanyang amo, napansin niya na wala ng tao sa loob ng opisina nito at may dalawang tasa sa ibabaw ng lamesa. Halatang malamig na ang milk tea at kape kaya dali-dali siyang nagpunta sa secretary para tanungin kung anong nangyari. Alam niya na kaagad ang sunod na naganap kaya nagmamadali siyang bumalik sakanyang opisina para kunin ang damit ni Lu Jinnian bago siya umalis.
Matagal ng kasama ng assistant si Lu Jinnian kaya marami siyang alam patungkol dito na kahit katiting na ideya ay wala si Qiao Anhao.
Sa tuwing nagagalit ito, madalas itong dumidiretso sa isang partikular na gym.
Kilala na siya nhg gym instructor kaya agad siyang hinatid nito sa private room kung nasaan si Lu Jinnian.
Alam ng instructor na mainit ang ulo ni Lu Jinnian kaya hindi na ito nagtagal at umalis din kaagad nang maihatid na siya nito.
Kumatok siya pero walang sumasagot mula sa loob. Pagkapasok niya nakita niyang tumatakbo si Lu Jinnian habang naka headphones.
Wala siyang balak na istorbohin ito kaya inilagpag niya lang ang mga gamit na dala niya at tahimik na umupo sa isang gilid.
Binilang ni Lu Jinnian ang kanyang bawat hakbang at huminto lang siya noong umabot na siya ng sampung libo.
Nang makita ng assistant na basang basa ng pawis si Lu Jinnian, dali-dali siyang tumayo para bigyan ito ng isang basong tubig.
Habang tumutulo ng pawis ang buhok ni Lu Jinnian, agad niyang tinungga ang tubig hanggang sa halos maubos niya na ito.
Pagkatapos niyang uminom, hindi na nagdalawang isip ang assistant na ilabas ang kanyang phone at ang isang recorder,"Mr. Lu, ito na ang kailangan mo."
Itinapon ni Lu Jinnian ang bote sa basurahan at gamit ang isang twalya, pinunasan niya muna ang kanyang pawis bago niya kunin ang mga inaabot sakanya ng assistant.
"Mr. Lu, nagaway ba kayo ni Miss Qiao?"
Hindi pinansin ni Lu Jinnian ang ang naging pagtatanong ng kanyang assistant, bagkus, inilapit niya ang voice recorder sakanyang tenga para pakinggan ang laman nito. Matapos niyang siguraduhing maayos na ang lahat, muli niya itong inilapag sa tabi ng kanyang phone at tuluyan na siyang pumasok sa shower.
Habang pumapatak ang maligamgam na tubig sakanyang katawan, dahan-dahang ipinikit ni Lu Jinnian ang kanyang mga mata at inaalala ang mga nangyari noong hapon na iyon.
Sobrang hindi niya inaasahan ang mga nangyari kanina.
Ang pinakamalalang inasahan niya na mangyayari ay ang pagagalitan siya ni Qiao Anhao kaya naisipan niyang maghanda ng recording ng paguusap nila ni Han Ruchu.
Pero hindi niya inaasahan na siya pa pala ang magagalit dito…
Isa lang ang dahilan kung bakit niya inagaw ang Xu Enterprise at dahil 'yun sa pagpatay ni Han Ruchu ng kanilang anak at ang pananakit nito sa babaeng pinakamamahal niya. Pero noong oras na ikumpara siya nito kay Xu Jiamu, hindi niya napigilan ang kanyang sarili na sobrang magalit.
Pero kasabay ng pagubos niya ng kanyang lakas sa pagtakbo ay inilabas niya na rin ang lahat ng galit na nararamdaman niya. Alam niyang galit na siya noong si Xu Jiamu palang ang kanyang kausap dahil kahit kapatid niya pa ito, hindi pa rin niya naiwasang masaktan gaano man kalinaw sakanya na nagbitaw lang ito ng masasakit na salita dahil sa sobrang galit nito….Pero dahil sa mga sinabi ni Qiao Anhao, tuluyan na siyang sumabog.
Pagkatapos niyang maligo, pinulupot niya ang twalya sakanyang bewang. Hindi nagtagal, lumapit ang kanyang assistant na dala ang mga damit niya. "Mr. Lu, ito na ang mga damit na inutos mong bilhin ko para sa dinner niyo mamayang gabi."
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES