Noong nagaaral palang sila, isa na talaga si Lu Jinnian sa pinaka magaling sa klase, samantalang si Qiao Anhao naman ay nasa katamtaman lang, pero ang katamtaman na ito ay sobrang pursigido sa pagaaral kaya nang luamaon ay nakarating siya sa isa sa pinaka magandang universities.
Sa unang beses na itinuro ng may-ari ng tindahan ang paggawa ng paso, nasundan kaagad ni Lu Jinnian habang si Qiao Anhao ay hirap na hirap dahil madalas niyang nakakalimutan ang sunod niyang gagawin.
Noong may dumating na mga bagong customer, pansalamntala silang iniwan ng may-ari ng tindahan para asikasuhin ang mga ito.
Tirik na tirik ang araw sa bayan ng Xitang at maririnig din ang pagagos ng sapa na hindi naman kalayuan sa tindahan. Marami mang taong dumadaan, hindi pa rin maitatanggi na tunay na napakapayapa ng lugar kaya sobrang kampante nina Qiao Anhao at Lu Jinnian. Sa usapang paso naman, sobrang ganda ng ginawa ni Lu Jinnian samantalang ang kay Qiao Anhao ay parang nasalanta ng bagyo.
Hindi nagtagal, bumalik ang may-ari para tignan ang mga gawa nila. Kinuha ni Qiao Anhao ang pasong ginawa ni Lu Jinnian at nakangiting sinabim "Ano sa tingin mo, ang galing ko diba?"
Alam naman ng may ari na si Lu Jinnian ang tunay na gumawa ng pasong hawak niya pero ayaw rin naman nitong ipahiya siya. Noong pupurihin na sana siya nito, bigla nalang ngumiti si Lu Jinnian at sinabi, "Ang galing."
Nginitian niya rin ito at tinignan ang pasong ginawa niya na pinilit niyang hawakan ni Lu Jinnian. Nagpanggap siyang gulat na gulat at sinabi, "Lu Jinnian, turuan mo naman ako kung paano gumawa ng ganyan ka'pangit na paso!"
Dagdag niya pa, "Itago mo nay an, wag mo ng ipahiya ang sarili mo!"
Natawa nalang si Lu Jinnian sa pinagagawa ni Qiao Anhao. Habang inilalagay niya sa kahon ang paso, halatang halata sa itsura niya na sobrang saya at panatag niya.
Pagkarating nila sa Nanjing, dumiretso sila sa Orchid theater para manuod ng 'The Peony Pavillion.' Kahit na hindi nila maintindihan ang mga kanta, kuntento na sila sa tono ng mga ito.
Pagkatapos nilang manuod, kumain sila ng Lugaw ng Mei Ling at Duck blood Vermicelli…. Pagkalipas ng dalawang araw, lumipad na sila pabalik sa Jingcheng.
Iniwan ni Lu Jinnian ang sasakyan niya sa parking lot ng Beijing airport kaya alas sinco na ng hapon sila nakarating sa siyudad. Pagkadaan nila sa Beijing Hotel, biglang binagalan ni Lu Jinnian ang pagmamaneho at nagtanong, "Gusto mong magdinner dito?"
"Sige." Tinignan ni Qiao Anhao ang hotel at walang pagtutol na tumungo.
-
Madalas talagang punuuan ang mga private rooms ng Beijing Hotel pero dahil maaga sila dumating, maswerte nilng nakuha ang pinaka huling kwartong available.
Pagkarating ng order ni Lu Jinnian na pu'er tea, agad na nagkalat ang amoy sa buong kwarto na talaga namang nakakarelax sa pakiramdam.
Nang masigurado ni Lu Jinnian na nakakain na ng maayos si Qiao Anhao, inilapag niya ang kanyang chopsticks sa lamesa para bigyan ito ng mainit na tsaa. "Mag'tea ka muna. Mabuti yan para sa sikmura mo. Bababa lang ang para magbayad ng bill."
Habang humihigop ng pu'er tea, tumungo lang si Qiao Anhao bilang pagsagot sa sinabi ni Lu Jinnian.
Noong sandali ring iyon, kinuha ni Lu Jinnian ang kanyang wallet at lumabas ng kwarto.
Pagkatapos niyang magbayad, babalik na sana siya sa kwarto nila pero may bigla siyang nakitang isang pamilyar na tao na nakaupo sa may bintana.
Simula noong ginalit ni Song Xiangsi si Xu Jiamu noong maguumpisa na ang pagfifilm ng 'Heaven's Sword', hindi na sila muling nagusap.
Kagaya ng mga kumakalat na balita, talagang nagiging malapit sa isa't-isa sina Xu Jiamu at Lin Qianqian.
Labing isang taong gulang palang si Lin Qianqian noong unang beses silang nagkakilala ni Xu Jiamu at simula noon, lagi na itong bumubuntot at tinatawag at tinatawag siyang 'Brother Jiamu'. Madalas na naiirita siyang sa tuwing nilalapitan siya nito hanggang sa mag'migrate nalang ito sa ibang bansa.
Noong gabing nagaway sina Xu Jiamu at Song Xiangsi, dumiretso siya sa isang bar para maginom at doon sila nagkita ulit ni Qianqian.
Halatang nakainom na ito noong tumakbo ito papalapit sakanya habang tinatawag siyang 'Brother Jiamu', kagaya ng madalas nitong ginagawa noon. Noong una, hindi niya maalala kung sino ito hanggang sa magpakilala nalang ito sakanya.
Qianqian ang kanyang phone at tinawagan ang sarili nitong number para maisave ang number niya sa phone nito. Hindi naman ito nagtagal at bumalik din kaagad ito sa dance floor para makipagsaya sa mga kaklase nito.
Kinabukasan, bigla nalang siyang tinawagan nito at noong mga oras na iyon, hindi niya maalala kung paano nito nakuha ang number niya.
Matagal ng naiinis si Xu Jiamu kay Lin Qianqian dahil simula pagkabata ay astang prinsesa na talaga ito. Kung hindi lang dahil sa mga magulang niya, hindi niya gugustuhing maging kalaro ito. Kaya naman napakarami niyang palusot dahil ayaw niya itong makausap pero noong ibaba niya na sana ang tawag, may biglang lumabas na notification para ipaalala na kailangan niya ng ayusin ang divorce nila ni Qiao Anhao.
Noong mga oras din na iyon, naisip niya na magandang ideya kung sasakyan niya si Li Qianqian kaya kinausap niya pa ito ng mas matagal at nang lumaon ay sinamahan niya rin itong magmall at kumain sa labas.
Pero ngayon, tadhana lang talaga ang may gawa kung bakit nila kinailangang magdinner sa Beijing Hotel.
Isang araw, nahanap ni Lin Qianqian ang office ni Xu Jiamu kaya bigla nalang siyang pinuntahan nito. Ihahatid niya na sana ito pabalik sa school pero hindi niya inaasahan na magkakasalubong sila ni Song Xiangsi. Nalaman niyang magdidinner ito kamasa ng Vice President ng Huan Yao Enterprise kaya naisipan niyang yayain ding magdinner si Lin Qianqian, na gusto sanang manuod ng pelikula.
Nakapwesto sina Song Xiangsi at ang vice president ng Hua Yoa Enterprise sa main dining area kaya pinilit ni Xu Jiamu na humanap ng pwesto na malapit lang sa dalawa.
Nakilala siya kaagad ng vice president ng Hua Yao Enterprise kaya tumayo ito at masaya siyang binati.
Samantalang si Song Xiangsi naman ay umasta na para bang hindi sila magkakilala. Kasunod ng pagbati ng vice president ng Hua Yang Enterprise, binati lang din siya nito bilang pagrespeto. "Nice to meet you, Mr. Xu."
Hindi maikakailang si Song Xiangsi talaga ang pinakamagling na artista. Sa loob ng pitong taon nilang pagsasama ni Xu Jiamu, nagawa pa rin niyang magpanggap na para bang ito ang unang beses nilang pagkikita….
Nagpanggap din si Xu Jiamu na hindi siya interesado kay Song Xiangsi at walang malisya niyang kinamayan ito. Hindi nagtagal, dahan-dahan niyang hinila ang upuan ni Lin Qianqian para paupuin ito at hindi pa siya nakuntento dahil binigyan niya pa ito ng table napkin.
Kinikilig si Lin Qianqian dahil yun ang unang pagkakataon na trinato siya ni Xu Jiamu ng ganun.
Nang silipin ni Xu Jiamu si Song Xiangsi, nakita niya na masaya itong nakikipagusap sa voce president ng Hua Yao Enterprise na para bang walang pakielam sa presensya nila ni Lin Qianqian.
Noong mga oras na iyon, hindi maipaliwanag na inis ang bigla niyang naramdaman.
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES