Nitong mga nakaraang araw, may nagugustuhang bagong Audi si Liun Shiyi
kaya kahapon, noong natulog siya kasama ang isang mayamang lalaki na
kakakilala niya lang, sinadya niyang magpakita ng magazine para ituro ang
sasakyang nagugustuhan niya.
Noong mga oras na iyon, sobrang libog na libog na ang lalaki sa katawan niya
at naktingin nalang ito sa dibdib niya. Tumungo nalang ang lalaki nang hindi
na tinitignan ang hawak niyang magazine at tuluyan na siyang itinulak sa
kama.
Kinaumagahan, pinaalala ni Lin Shiyi ang ipinangako sakanya ng lalaki kagabi
at talagang dinala siya nito sa S4 Shop. Matapos niyang tignan ang
sasakyang nagugustuhan niya, walang hiya niyang sinabi sa lalaki na ibili yun
sakanya na may kasamang insurance. Pumayag naman ang lalaki pero sabi
nito sa ibang araw nalang.
Alam ni Lin Shiyi na baka pinapasakay lang siya ng lalaki nang sabihin nitong
sa ibang araw nalang kaya muli niya itong pinilit. Nang ikatlong beses niyang
maglambing, nasigurado niya na wala talagang balak ang lalaki na bilhan siya
ng sasakyan kaya nagpaalam muna siyang pumunta ng CR.
Pagkatapos niyang magCR, nagayos muna siya ng make up. Habang
nakatingin niya sa salamin, napansin niya na hindi nakasing ganda ng dati ang
balat niya. Naiinis siya sa sarili niya kung bakit ngayon niya lang naisipang
bumili ng sasakyan at hindi noong sikat pa siya, at mga lalaki pa mismo ang
nagkukusang magbigay sakanya ng pera….
Habang iniisp niya ang buhay niya noon, lalo lang siyang nagalit kay Qiao
Anhao. Dalawang araw na simula noong ipinadala niya ang mga kinuha niyang
litrato sa mga reporters pero hanggang ngayon ay hindi pa rin ito kumakalat
sa balita.
Padabog niyang sinara ang compact powder niya at naiinis na lumabas ng CR.
Noong pabalik na siya sa waiting room, nakita niya ang manager ng 4S store
kasama ang isang eleganteng babae na hindi naman masyadong katandaan
na tinitignan ang Audi na nagugustuhan niya.
Halata sa itsura ng babae na arogante ito. Hindi niya narinig kung anong
sinabi nito pero tumungo at yumuko ang manager. Noong oras ding iyon,
magalang na inhatid ng manager ang babae sa VIP seats at nagpakuha sa
sales assistant ng isang tasa ng kape bago ito tumakbo papunta sa front desk
para kunin ang bill.
Noong una, napansin lang ni Lin Shiyi ang babae dahil binibili nito ang
sasakyang nagugustuhan niya na para bang namamalengke lang ito, pero
nang pabalik na sana siya sa waiting room, bigla niyang narinig na magalang
na nagsalita ang manager, "Madam Xu, para sainyo po ba ang sasakyan?"
"Hindi, para sa anak ko."
"Edi ilalagay ko po sa pangalan ni Mr. Xu Jiamu?"
Tumungo lang ang babae at walang imik na humigop ng kanyang kape.
-
Mr. Xu Jiamu… Matapos marinig ni Lin Shiyi ang mga salitang iyon, muli
nanaman siyang nabuhayan. Lumapit siya sa isang sales asstant at
nagtanong, "Sino ang babaeng yan?"
"Siya si Mrs. Han Ruchu, ang deputy director ng Xu enterprise."
-
Naghintay si Han Ruchu sa loob ng 4S store hanggang sa maayos na ang
lahat ng papeles. Iniwan niya ang address ni Xu Jiamu para direkta ng
maipadala sa anak niya ang binili niyang sasakyan. Nang masigurado niyang
maayos na ang lahat, agad niyang kinuha ang kanyang bag at naglakad
palabas kasama ang assistant niya.
Nauna ang assistant sa sasakyan para mapagbuksan siya ng pintua pero
noong papasok na sana siya, may biglang tumawag sakanya.
"Madam Xu."
Napahinto si Han Ruchu at sabay silang napatingin ng kanyang assistant.
May nakita siyang isang babaeng nakasuot ng magandang damit na
nakatayo sa may pintuan ng 4S shop habang nakatingin sakanila.
Sa araw-araw na trabaho ni Han Ruchu, marami na siyang nakasalamuhang
mayayamang tao pero sigurado siyang hindi niya kilala ang babaeng tumawag
sakanya kaya napataas nalang siya ng kilay niya.
Hindi nagtagal, naglakad si Lin Shiyi papalapit kay Han Ruchu. Iniangat niya
ang kanyang kamay at nagpakilala. "Madam Xu, ako po si Lin Shiyi."
Tinignan lang ni Han Ruchu ang kamay ni Lin Shiyi at wala siyang balak na
makipagkamay.
Noong sandaling iyon, magalang na nagtanong ang assistant ni Han Ruchu,
"Pasensya ka na Miss, anong kailangan mo?"
Kahit na ang assistant ang nagtanong, inisip pa rin ni Lin Shiyi na galing yun
kay Han Ruchu kaya tumingin siya ng diretso sa mga mata nito at sinabi,
"Madam Xu, hindi ba si Qiao Anhao ang daughter-in-law mo at ang asawa ni
Mr. Xu Jiamu? Siya ang dahilan kung bakit kita tinawag dahil may gusto akong
sabihin sayo ng tungkol sakanya.
Dahil sana si Han Ruchu na makisalamuha sa iba, kabisado niya na hindi
magpakita ng reaksyon sa ibang bagay. Kahit gaano pa siya kainteresado sa
sinasabi ni Lin Shiyi, nanatili pa rin siyang kalmado.
Nang makita niya na walang bakas ng galit sa aroganteng mukha ni Han
Ruchu, dali-dali niyang inilabas mula sakanyang bag ang mga kinunan niyang
litrato at iniabot dito.
Ang assistant ang kumuha ng litrato na siya ring nagabot kay Han Ruchu.
Biglang natigilan si Han Ruchu nang silipin niya ang ibinigay ni Lin Shiyi.
Makalipas ang ilang sandali, nagsalita siya sa kauna-unahang pagkakataon
simula noong tawagin siya ni Lin Shiyi. "Saan mo nakuha ang mga litratong
'to?"
Sa wakas, nakita na na ni Lin Shiyi ang reaksyon na gusto niyang makita.
Kung magagalit kay Qiao Anhao ang mother-in-law nito, siguradong
magdudusa ito. Sa kabila ng kaligayahan na nararamdaman niya, nanatili pa
rin siyang kalmado habang nagsisinungaling.
"Isang kaibigan ang nagbigay sakin nito kanina. Hindi mo pa baa lam, Madam
Xu? Marami ng nakakaalam sa business network ng Beijing ng tungkol dito.
Halos lahat ay nagtsitsismisan na ang daughter-in-law raw ng mga Xu at ang
CEO ng Huan Ying Entertainment ay nagkaroon ng relasyon habang
nagfifilm…"
Bago pa matapos si Lin Shiyi sa sinasabi niya, biglang nagsalita si Han
Ruchu, "Tama na!"
Sobrang nagulat si Lin Shiyi sa tapang ng boses ni Han Ruchu.
Muling tinignan ni Han Ruchu si Lin Shiyi at kinuha ang mga litrato sa kamay
ng kanyang assistant bago siya tuluyang pumasok sa kanyang sasakyan.
Nagmamadali ring pumasok ang assistant at pinaandar ang sasakyan.
Mula noong pumasok si Han Ruchu sa sasakyan, nakatitig lang siya sa hindi
masyadong malinaw na litrato. Nanlilisik ang kanyang mga mata at parang
sasabog na siya sa sobrang galit. Makalipas ang ilang sandali, bigla niya
nalang itinapon ang mga litrato at sumandal sa upuan dahil parang hindi na
siya makahinga. Habang nakatitig sa labas, muli siyang nagsalita, "Wag na
tayong bumalik sa Xu enterprises. Dumiretso tayo sa mansyon ng mga Qiao!"
-
Noong umaga ng araw iyon, lumipad si Cheng Yang papuntang France para
sa isang runway kaya sumabay si Qiao Anxia sa mga magulang niya pauwi.
Kumpara sa nakasanayan, mas maaga silang nakauwi ngayon kaya
pagkarating nila sa bahay, hindi pa nakakapaghanda ng gabihan ang mga
katulong.
Nagshower muna si Qiao Anxia at naghanda ng isang takuri ng Bi Chu green
tea para sa mga magulang niya na nagbabasa ng dyaryo sa sala.
Habang humihigop ng tsaa ang kanyang tatay, may pumasok sa isip nito na
patungkol sa trabaho kaya bigla itong nagtanong ito sakanya.
"Dad, kapag nasa bahay ka, pwede bang wag ka munang magisip ng tungkol
sa trabaho?" Pareklamong sagot ni Qiao Anxia na hindi nagtagal ay
ginatungan rin ng nanay niya. Habang masaya silang naguusap, biglang may
nagdoorbell.
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES