Sa totoo lang gusto sana talagang tanungin ni Qiao Anhao si Lu Jinnian kung
tama ba na masyado silang malapit….na para bang may namamagitan
sakanila. Pero wala siyang sapat na lakas ng loob na magtanong.
Maayos na ang relasyon nila ni Lu Jinnian nitong mga nakaraang araw kaya
paano kung dahil sa pagtatanong niya ay bigla nanamang masira ang masaya
nilang araw? Pinili niyang wag nalang ituloy ang pagtatanong dahil kuntento
na siyang nakakausap ito bilang kaibigan niya at ayaw niyang masira ito.
Walang pagdududa ang puso ni Lu Jinnian. Alam niyang umaasa sakanya si
Qiao Anhao pero hindi niya alam kung saan eksakto. Isa pa, malinaw sakanya
na asawa ito ng sarili niyang kapatid.
Alam niya naman na hindi na siya dapat lumalapit kay Qiao Anhao pero hindi
niya talaga makontrol ang sarili niya. Sobrang magkasundo nila ni Qiao Anhao
nitong mga nakaraang araw at ayaw niyang sayangin ang pagkakataon kahit
hindi niya alam kung saan sila patungo dahil sa loob ng labintatlong taong
paghihintay niya, ngayon lang naging sobrang saya.
-
Ngayong gabi, may sinamahan si Lin Shiyi sa 'Peppermint Garden.'
Minsan na siyang naging isa sa pinakasikat na artista sa bansa nila kaya
kumpara sa ibang mga baguhang model, hindi maitatanggi na talagang angat
pa rin siya. Noong gabing iyon, sinamahan niya ang kanyang 'investor' sa
isang dinner party. Kung gaanong saya ang naibibigay niya rito, ganoon din
ang ibinabalik nitong pera sakanya kaya handa siyang gawin ang lahat ng
gusto nitong ipagawa sakanya. Kapag sinabi nitong samahan niyang uminom
ang isang partikular na tao, talagang ginagawa niya.
Sunod sunod ang naging paginom niya ng alak kaya kahit mataas ang alcohol
tolerance niya, dumating siya sa punto na hindi niya na rin kinaya kaya
nagpaalam muna siya sa mga kasama niya aalis lang siya sandali.
Pagkarating niya sa CR, dumiretso siya sa lababo para isuka ang lahat ng
alak na nainom niya kaya agad na gumaan ang pakiramdam niya. Hindi
nagtagal, nagmumog siya at inayos ang kanyang makeup bago siya lumabas
para balikan ang mga kasama niya.
Ang 'Peppermint Garden' ay isang Chinese restaurant na halos pare-pareho
ang itsura ng mga daanan kaya noong babalik na siya, hindi niya na maalala
kung saan siya dumaan. Naisip niyang magtanong sa waiter kung paano siya
makakabalik sa table 08 pero wala siyang nasalubong ni isa. Habang patuloy
na naglalakad, hindi niya inaasahan na makikita niya sina Qiao Anhao at Lu
Jinnian na nakaupo sa isang lamesa na malapit sa lawa.
Base sa obserbasyon niya, mukhang may kausap si Lu Jinnian sa phone.
Hindi niya masyadong makita ang itsura nito dahil natatakpan ito ng anino.
Pero ang malinaw niyang nakikita ay ang nakaupo sa harap nito - si Qiao
Anhao na nakayuko habang abalang kumakain ng hipon. Kahit hindi niya
nakikitang naguusap ang dalawa, halata niya pa rin na komportable ang
dalawa sa isa't-isa.
Sa totoo lanh, hindi niya lang ito pinansin noong una. Naging magkatrabaho
ang dalawa at maaring nagkataon lang na nagsabay ang mga itong kumain.
Pero noong paalis na sana siya, nakita niya na biglang sinubuan ni Qiao
Anhao si Lu Jinnian.
Hindi ba asawa ni Xu Jiamu si Qiao Anhao? Bakit sobrang lapit naman ata nila
ni Lu Jinnian?
Maliban nalang kung… Nagkakalabuan na sila ni Xu Jiamu? At kabit niya si Lu
Jinnian?
Biglang kumulo ang dugo ni Lin Shiyi habang iniisip niya ang mga posibilidad.
Kung makikita ito ng lahat, gaano kaya kalaking gulo ang maaring mangayari?
Pero alam niya rin na masyadong malapit ang entertainment circle at ang
media kaya pwede nilang pagtakpan ito. Isa pa, sa tagal ni Lu Jinnian sa
industriya, wala pa itong nagiging scandal kaya maaring hindi rin ito
paniniwalaan ng mga tao…Kahit pa makarating ito sa mga reporters,
siguradong hindi rin ito ilalabas ng mga ito.
Pero! May tsansa na makuha niya ang atensyon ng mga tao sa social media.
Pwede niyang sabihin muna sa kanyang mga 'investor' ang balita at
impluwensyahan ito na ikalat sa lahat ng business network sa Beijing. Sa oras
na iyon, bilang may asawa, siguradong magiging katatawanan si Qiao
Anhao…
Hindi napigilan ni Lin Shiyi na mapangiti habang iniisip ang maduming niyang
plano. Para maisakatuparan ang lahat ng balak niya, kinuha niya ang kanyang
phone at sikretong kinunan ng litrato sina Qiao Anhao at Lu Jinnian.
Nitong mga nakaraang araw, may nagugustuhang bagong Audi si Liun Shiyi
kaya kahapon, noong natulog siya kasama ang isang mayamang lalaki na
kakakilala niya lang, sinadya niyang magpakita ng magazine para ituro ang
sasakyang nagugustuhan niya.
Noong mga oras na iyon, sobrang libog na libog na ang lalaki sa katawan niya
at naktingin nalang ito sa dibdib niya. Tumungo nalang ang lalaki nang hindi
na tinitignan ang hawak niyang magazine at tuluyan na siyang itinulak sa
kama.
Kinaumagahan, pinaalala ni Lin Shiyi ang ipinangako sakanya ng lalaki kagabi
at talagang dinala siya nito sa S4 Shop. Matapos niyang tignan ang
sasakyang nagugustuhan niya, walang hiya niyang sinabi sa lalaki na ibili yun
sakanya na may kasamang insurance. Pumayag naman ang lalaki pero sabi
nito sa ibang araw nalang.
Alam ni Lin Shiyi na baka pinapasakay lang siya ng lalaki nang sabihin nitong
sa ibang araw nalang kaya muli niya itong pinilit. Nang ikatlong beses niyang
maglambing, nasigurado niya na wala talagang balak ang lalaki na bilhan siya
ng sasakyan kaya nagpaalam muna siyang pumunta ng CR.
Pagkatapos niyang magCR, nagayos muna siya ng make up. Habang
nakatingin niya sa salamin, napansin niya na hindi nakasing ganda ng dati ang
balat niya. Naiinis siya sa sarili niya kung bakit ngayon niya lang naisipang
bumili ng sasakyan at hindi noong sikat pa siya, at mga lalaki pa mismo ang
nagkukusang magbigay sakanya ng pera….
Habang iniisp niya ang buhay niya noon, lalo lang siyang nagalit kay Qiao
Anhao. Dalawang araw na simula noong ipinadala niya ang mga kinuha niyang
litrato sa mga reporters pero hanggang ngayon ay hindi pa rin ito kumakalat
sa balita.
Padabog niyang sinara ang compact powder niya at naiinis na lumabas ng CR.
Noong pabalik na siya sa waiting room, nakita niya ang manager ng 4S store
kasama ang isang eleganteng babae na hindi naman masyadong katandaan
na tinitignan ang Audi na nagugustuhan niya.
Halata sa itsura ng babae na arogante ito. Hindi niya narinig kung anong
sinabi nito pero tumungo at yumuko ang manager. Noong oras ding iyon,
magalang na inhatid ng manager ang babae sa VIP seats at nagpakuha sa
sales assistant ng isang tasa ng kape bago ito tumakbo papunta sa front desk
para kunin ang bill.
Noong una, napansin lang ni Lin Shiyi ang babae dahil binibili nito ang
sasakyang nagugustuhan niya na para bang namamalengke lang ito, pero
nang pabalik na sana siya sa waiting room, bigla niyang narinig na magalang
na nagsalita ang manager, "Madam Xu, para sainyo po ba ang sasakyan?"
"Hindi, para sa anak ko."
"Edi ilalagay ko po sa pangalan ni Mr. Xu Jiamu?"
Tumungo lang ang babae at walang imik na humigop ng kanyang kape.
-
Mr. Xu Jiamu… Matapos marinig ni Lin Shiyi ang mga salitang iyon, muli
nanaman siyang nabuhayan. Lumapit siya sa isang sales asstant at
nagtanong, "Sino ang babaeng yan?"
"Siya si Mrs. Han Ruchu, ang deputy director ng Xu enterprise."
-
Naghintay si Han Ruchu sa loob ng 4S store hanggang sa maayos na ang
lahat ng papeles. Iniwan niya ang address ni Xu Jiamu para direkta ng
maipadala sa anak niya ang binili niyang sasakyan. Nang masigurado niyang
maayos na ang lahat, agad niyang kinuha ang kanyang bag at naglakad
palabas kasama ang assistant niya.
Nauna ang assistant sa sasakyan para mapagbuksan siya ng pintua pero
noong papasok na sana siya, may biglang tumawag sakanya.
"Madam Xu."
Napahinto si Han Ruchu at sabay silang napatingin ng kanyang assistant.
May nakita siyang isang babaeng nakasuot ng magandang damit na
nakatayo sa may pintuan ng 4S shop habang nakatingin sakanila.
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES