Nang mamatay ang nanay ni Lu Jinnian noong labing isang taong gulang
palang siya, ipinamigay siya ng sarili niyang lolo sa Xu family. Noong mga
panahong iyon, hindi lang sina Han Ruchu at Xu Wanli ang hindi namamansin
sakaya dahil maging ang mga katulog sa masyon ng mga it ay ayaw din
siyang tignan. Tanging si Xu Jiamu lang ang nagiisang tumanggap at naging
mabait sakanya kahit anng iwas pa ang gawin niya.
Pagtungtong ng hating gabi, napakaraming nagbigay kay Xu Jiamu ng pulang
envelope na may lamang limpak limpak na salapi. Ang kabuuhan ng mga
natanggap nito ay di hamak na mas malaki kumpara sa iniwan ng nanay niya
para sakanya.
Samantalang siya ay walang natanggap na kahit ano.
Noong araw na iyon, itinapon ni Xu Jiamu ang lahat ng pulang envelope na
natanggap nito at nagbitaw ng salita na talagang bumaon sa puso niya: Kung
wala ang kapatid ko, ayoko nalang din.
Mula noon, itinuring niya ng kapoatid si Xu Jiamu.
Sa matagal na pananahimik ni Lu Jinnian, walang ideya ang assistant kung
anong tumatakbo sa isip nito.
Base sa pagkakakilala ng karamihan kay Lu Jinnian, napaka suplado at bihira
lang itong makisalamuha. Mukha rin itong walang pakielam sa mundo at sa
nararamdaman ng iba kaya walang gustong lumapit dito dahil nahihirapan
silang pakisamahan ito. Pero ang hindi alam ng lahat,
napakaramingpagsubok na ang pinagdaanan nito.
Kapag ang isang tao ay nakaranas ng kabutihan mula sa iba, tatak na ito ng
diretso sa puso at ang taong nagawan ng mabuti ay mananatili ng tapat na
handang umako ng lahat ng sakit na pwedeng maramdaman ng taong
gumawa ng mabuti sakanya.
Isinuko ni Mr. Lu ang karapatan nitong maging masaya dahil alam nito na
gusto rin ni Mr. Xu si Miss Qiao.
Dahil ayaw ni Mr. Lu na saktan ang kapatid nito.
Ito nalang ang umako ng lahat.
Parang may biglang bumara sa lalamunan ng assistant at medyo sumikip ang
dibdib niya kaya ilang sandali pa ang lumipas bago siya muling
makapagsalita. "Pero, Mr. Lu, marami pang pwedeng mangyari, hindi
pwedeng maghintay ka nalang. Bakit hindi mo kaya subukang maghanap
nalang ng iba…"
Oo, pwedeng may magustuhan pang iba si Mr. Lu at malaki ang posibilidad
na hindi na ito masaktan kapag nakahanap na ito ng ibang mamahalin.
Sumagot si Lu Jinnian na halatang walang kalaban-laban, "Pero ang ibang
mga babae…hindi sila si Qiao Anhao."
Nang marinig ng assistant ang sagot ni Lu Jinnian, hindi niya na alam kung
ano bang dapat niyang sabihin.
Muling nabalot ng katahimikan ang buong sasakyan at medyo matagal bago
muling nagsalita si Lu Jinnian para sabihan ang kanyang assistant na
magpahinga muna. Sa pagkakataong ito, agad na pumayag ang assistant at
tahimik na umalis.
Ibinaba ni Lu Jinnian ang bintana ng passenger seat para magsigarilyo
habang pinagmamasdan ang isang partikular na bintana sa ikalawang
palapag. Bakas sa mga mata niya ang matinding kalungkutan.
Ilang metro lang ang layo ni Qiao Anhao mula sakaya…Pero hindi niya
kayang umakyat.
Para bang kahit napakalapit niya na at anumang oras ay pwede niya na sana
itong hawakan, pero hindi niya pwedeng gawin.
Pakiramdam niya parang may isang mahabang pader ang nakapagitan
sakanila na kahit kailan ay hindi niya matatawiran.
-
Paubos palang ang pangalawang swero ni Qiao Anhao na ikinabit sakanya
kagabi kaya mga alas diyes ng gabi pa ito pwedeng palitan.
Buong magdamag na siyang binantayan ni Xu Jiamu kagabi kaya
nagdesisyon ito na umuwi muna sa hotel kasama si Han Ruchu para
makapagpahinga habang si Qiao Anxia at ang nanay naman nito ang
magbabantay sakanya ngayong gabi.
May lagnat pa rin si Qiao Anhao hanggang ngayon pero di hamak na mas
naging mabuti na ang pakiramdam niya at sa takot na baka mainip, naisapa
niyang hiramin hiniram muna ang phone ni Xu Jiamu para may
mapaglibangan.
Noong kinatanghalian, nagpadagdag si Xu Jiamu ng isa pang kama sa kwarto
ni Qiao Anhao. Pagsapit ng alas onse imedya, tumakbo si Qiao Anxia sa
isang convenience shop para bumili ng makakain habang natutulog sa
reserbang kama ang nanay niya.
Nang magising si Qiao Anhao noong tanghali, gusto niya sanang kamustahin
si Lu Jinnian pero dahil nandoon si Han Ruchu, hindi niya nalang tinuloy.
Masyadong matagal siyang nakatulog kaya kahit malalim na ang gabi, hindi
pa rin siya dinadalaw ng antok. Naisipan niyang maglaro sa phone ni Xu
Jiamu pero hindi nagtagal, ibinaba niya rin ito kaagad dahil nainip siya.
Noong mga oras na 'yun, wala na siyang ibang marinig kundi ang malalim na
paghinga ng kanyang aunt na kasalukuyang natutulog ng mahimbing. Habang
tumatagal, unti-unti siyang nabalot ng lungkot.
Muli niyang kinuha ang phone at nakatingin lang siya sa screen ng ilang
sandali bago niya hanapin ang number ni Lu Jinnian sa contacts ni Xu Jiamu.
Pero hindi siya sigurado kung may bago na ba itong phone…Siguradong
magkasama si Lu Jinnian at ang assistant nito ngayon…Pero…
Hinanap ni Qiao Anhao ang number ng assistant sa contacts ni Xu Jiamu
pero hindi niya ito nakita kaya kahit medyo nagaalangan, sinubukan niya pa
ring imessage ang number ni Lu Jinnian, [Nandiyan ka pa?]
Nang marinig ni Lu Jinnian na tumunog ang kanyang phone, bahagya niyang
pinagpag ang kanyang sigarilyo bago niya silipin ang screen ng kanyang
phone. Nagtaka siya kung bakit siya tinext ni Xu Jiamu kaya sumagot ng
isang question mark.
May sumagot nga sakanya…Hindi maitago ni Qiao Anhao ang saya na
nararamdaman niya kaya kahit isa lang ang kamay na pwede niyang gamitin
dahil nakaswero nag isa, dahan-dahan pa rin siyang nagtype habang
nakakagat labi, [Anong ginagawa mo ngayon?]
Nang makita ni Lu Jinnian ang sagot, bigla siyang napakunot ng kanyang noo
at naramdaman niya na parang may mali kay Xu Jiamu kaya muli siyang
nagsend ng isang question mark.
Tinignan ni Qiao Anhao ang dalawang question mark na sinend sakanya ni Lu
Jinnian at muli siyang napakagat ng kanyang labi habang iniisp kung
automated reply lang ba ang natatanggap niya.
Medyo nagalangan siya noong una pero sinubukan niyang magsend ng isang
question mark para makumpirma.
Pero sa pagkakataong ito, hindi na sumagot si Lu Jinnian. Naghintay pa siya
ng ilang sandali pero wala talaga siyang natanggap.
Biglang nagbago ang kanyang itsura kaya sinubukan niyang balikan ang
naging usapan nila at doon niya lang naalala na nakikigamit nga lang pala
siya ng phone kay Xu Jiamu kaya dali-dali siyangy nagtext, [Si Qiao Anhao
'to.]
Kakakuha lang ni Lu Jinnian ng bagong stick ng sigarilyo at nang sisindihan
niya na sana ito, muli niyang narinig na tumunog ang kanyang phone.
Pagsilip niya sa screen: Isa nanamang text mula kay Xu Jiamu – isang
question mark naman ang sinend nito sakanya ngayon. Sa pagkakataong ito,
naiinis na siya kay Xu Jiamu dahil parang nababaliw na ito kaya hindi niya na
sinagot ang text nito at tuluyan nalang na sindihan ang hawak niyang
sigarilyo.
Makalipas ang halos limang minuto, tumunog nanaman ang kanyang phone at
pagsilip niya sa screen, text nanaman ni Xu Jiamu ang bumungad sakanya [Si
Qiao Anhao 'to.]
Bigla siyang napatingin sa bintana na nasa ikalawang palapag at sobrang
saya ng pakiramdam niya na nakatanggap siya ng text mula kay Qiao Anhao.
.
Tutok na tutok si Qiao Anhao sa phone ni Xu Jiamu habang hinihintay ang
reply ni Lu Jinnian pero bigla itong nagvibrate at nakita niya ang salitang
"Brother" sa screen.
Tinatawagan siya ni Lu Jinnian. Gamit ang isa niyang kamay, sinubukan
niyang sagutin ang tawag pero aksidente niya itong napatay. Dali-dali niya
itong tinawagan pabalik ngunit hindi niya ito makontak kaya nagpalipas muna
siya ng ilang sandali bago niya ito muling tawagan at sa pagkakataong ito,
sumagot kaagad si Lu Jinnian.
Ayaw niyang maistorbo ang kayang aunt na natutulog kaya hininaan niya lang
ang boses niya, "Lu Jinnian?"
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES