App herunterladen
44.19% Bringing the Nation's Husband Home (Tagalog) / Chapter 430: Lihim na karamay (18)

Kapitel 430: Lihim na karamay (18)

Redakteur: LiberReverieGroup

Huminto ang sasakyan sa underground parking ng gusali. Unang bumaba si Xu Jiamu at nagdire-diretso siya papunta sa elevator kung saan hinintay niya muna si Song Xiangsi na makarating bago siya tuluyang pumasok at pindutin ang palapag kung saan niya balak pupunta. 

Ilang sandali lang ang lumipas, muling nagbukas ang elevator sa palapag na pinindot niya. Agad na lumabas si Xu Jiamu at naglakad papunta sa pintuang nasa bandang kaliwa. Inenter niya ang passcode at nang magbukas na ang pintuan, pinauna niya munang pumasok si Song Xiangsi kagaya ng nakasanayan bago siya sumunod.

Isinara ni Xu Jiamu ang pintuan at basta nalang hinagis ang susi ng kanyang sasakyan. Tinitigan niya si Song Xiangsi at hanggang sa mga oras na ito ay hindi pa rin siya nagsasalita. Hindi nagtagal, bigla nalang itinaas ni Xu Jiamu ang kanyang kamay at sinampal ng malakas ang mukha ni Song Xiangsi.

Masyadong biglaan at malakas ang naging pagsampal ni Xu Jiamu kaya hindi ito napaghandaan ni Song Xiangsi at tumalsik siya sa sahig.

-

Pagsapit ng alas onse ng gabi, nakaalis na ang lahat.

Mga bandang alas diyes ng gabi noong lumabas si Xu Jiamu ng kwarto at hanggang ngayon ay hindi pa rin ito bumabalik.

May mga kaibigan sila na medyo nakaiom na kaya tumawag nalang ang mga ito ng taxi para makauwi. Sa mga oras na ito, lahat ng mga may sasakyan ay nakaalis na rin. Tinawagan ni Qiao Anhao si Chen Yang na kalalabas lang sa trabaho at ngayon ay susunduin na si Qiao Anxia. Pagkatapos nila magusap, ang sunod niya namang tinawagan ay si Xu Jiamu na makailang beses niya ng sinubukang tawagan pero ni isang beses ay hindi sumagot.

Pagkalabas ng assistant ni Lu Jin"nian ng CR, nakita niya si Qiao Anhao na nasa lobby ng Royal Palace kaya nilapitan niya ito at magalang na binati, "Miss Qiao."

Agad na ibinaba ni Qiao Anhao ang kanyang phone at tumungo sa assistant.

Nang makita ng assistant na mag'isa lang si Qiao Anhao, medyo nagtaka siya kaya hindi niya na napigilan ang kanyang sarili na magtanong, "Miss Qiao, diba kasama mo si Mr. Xu? Bakit magisa ka lang?"

Nagulat si Qiao Anhao kung paano nalaman ng assistant ni Lu Jinnian.

Agad ding nagpatuloy ang assistant, "Nakasalubong ko si Mr. Xu kanina noong hinihintay ka niya sa labas ng office."

Matapos magpaliwanag ng assistant, naintindihan na ni Qiao Anhao at ngumiti. "Hindi ko nga alam kung nasaan siya eh kaya hinihintay ko siya." 

Sumagot lang ang assistant ng "oh" at magalang na sinabi, "Miss Qiao, may kailangan pa akong gawin kaya mauna na muna ako."

Ngumiti lang si Qiao Anhao at tumungo.

-

Binuksan ng assistant ang pintuan at sinilip si Lu Jinnian na kasalukuyang nakaupo sa harapan ng mahjong table.

Mayroon itong tatlong kalaro, at ang isa pa nga ay may kalong na dalaga, samantalang si Mr. Lu ay nasa isang sulok at magisa nanaman.

Maingat na naglakad ang assistant papalapit kay Lu Jinnian at sinilip ang mga tiles nito. Hindi maikakaila na maswerte ang mga pamato nito. Hinintay niya muna na magbato si Lu Jinnian ng isang two dot tile bago siya yumukopara bulungan ang tenga nito, "Mr. Lu, pagkalabas ko kanina galing sa Cr, nakita ko si Miss Qiao sa corridor."

Walang nagbago sa itsura ni Lu Jinnian pero mapapansin na biglang humigpit ang pagkakahawak niya sa mga pamatong nasa kanyang kamay.

Muling nagsalita ang assistant, "Wala raw nakakaalam kung saan nagpunta si Mr. Xu. Hinihintay siya ngayon ni Miss Qiao."

"Oh." Tumungo lang si Mr. Lu, na para bang wala lang itong pakielam.

Kumurap ang assistant at muli itong nagpatuloy, "Mukhang walang dalang sasakyan si Miss Qiao. Kung hindi niya na mahihintay si Mr.Xu, baka kumuha nalang siya ng taxi at siguradong hindi madaling kumuha ng sasakyan mula rito…"

Bago pa man din matapos magsalita ang assistant, biglang tumayo si Lu Jinnian sa kanyang kinauupuan. Nanatili pa rin siyang kalmado at walang reaksyon nang ituro niya sakanyang assistant ang kanyang mga pamato at sinabi, "Ikaw na muna pumalit sa akin."

Humingi siya ng pasensya sa tatlo niya pang ibang kalaro, na naguguluhan sakanyang ikinilos. Noong sandali ring iyon, dinampot niya ang kanyang jacket na nakapatong sa upuuan at nagmamadaling lumabas ng kwarto nang hindi manlang hinihintay na makasagot ang kanyang assistant.


Kapitel 431: Lihim na karamay (19)

Redakteur: LiberReverieGroup

Ilang beses ng tinawagan ni Qiao Anhao si Xu Jiamu pero hindi talaga ito sumasagot kaya bandang huli, sumuko nalang siya at tinext nalang ito na mauuna na siyang umalis bago siya maglakad papunta sa gilid ng kalsada para maghintay ng taxi.

Kasalukuyan siyang nakatayo sa puso ng siyudad kung saan puro mayayaman lang ang pumupunta at siguradong may dalang mga sasakyan ang mga taong dumadayo rito kaya madalang dumaan ang mga taxi rito.

Nagmamadaling naglakad si Lu Jinnian papunta sa main hall habang sinusuot ang kanyang jacket pero nang silipin niya ang buong paligid, hindi niya makita si Qiao Anhao kaya tumakbo siya palabas para magpatuloy sa paghahanap.

Kilala siya ng security guard kaya nilapitan siya nito para batiin, "Mr. Lu."

Hindi pinansin ni Lu Jinnian ang bumati sakanya at nagpatuloy lang sa paghahanap. Medyo hinihingal na siya dahil takbo lang siya ng takbo hanggang sa makarating na siya sa kalsada. Makailang beses siyang huminga ng malalim bago mapatingin sa entrance at sa wakas, nakita niya na rin si Qiao Anhao na nakatayo sa ilalim ng poste ng ilaw na halos dalawang daang metro ang layo mula sa entrance.

Nakasuot ito ng isang light blue na dress na may floral pattern. Habang tinititigan ni Lu Jinnian si Qiao Anhao, unti-unting kumakalma ang kanyang mga mata. Walang pagaalinlangan siyang naglakad papunta rito hanggang sa hindi niya mapigilan ang kanyang sarili na lalo pang bilisan ang kanyang paglalakad para malapitan niya na ito kaagad.

Pero parang binibiro siya ng tadhana dahil noong halos isang daang metro nalang ang layo niya mula rito, sakto namang may biglang humintong taxi sa harapan ito. Halata sa itsura ni Qiao Anhao ang labis na kaligayahan kaya sabik na sabik itong pumasok, at sa isnag iglap, muli nanaman itong nawala.

Biglang natigilan si Lu Jinnian at natulala nalang siya sa direksyon kung saan ito kanina nakatayo.

Kanina, nagkaroon siya ng kaunting pagasa noong sinabi sakanya ng kanyang assistant na kailangan ni Qiao Anhao ng masasabayan pero sa mga oras na ito, muli nanaman itong nawala.

Hindi nagtagal, umihip ang malamig na simoy ng hangin pero nanatili pa rin si Lu Jinnian sa kanyang kinatatayuan habang pinakikinggan ang mga humaharurot na sasakyan. Ilang sandali ang nakalipas at napagdesisyunan niyang maglakad nalang pabalik ng may mabigat na puso, pero bago siya tuluyang makapasok sa Royal Palace, muli siyang natigilan at napasilip sa paradahan ng mga sasakyan na nasa tabi lang ng gusali.

Dali-dali niyang pinuntahan ang kanyang sasakyan at nagmaniobra pabalik ng Mian Xiu Garden.

Dumaan siya sa pinakamabilis na ruta pabalik ng Mian Xiu Garden kaya pagkalagpas niya sa bahay ni Xu Jiamu, saktong kararating lang din ni Qiao Anhao. Nakita niyang nakayuko ito habang kumukuha sa bag nito ng pambayad para sa taxi.

Dali-daling inapakan ni Lu Jinnian ang kanyag preno.

Pagkatapos magbayad ni Qiao Anhao sa taxi, agad itong naglakad papasok ng bakuran at hindi nagtagal, nagbukas na ang mga ilaw sa loob ng katabing mansyon.

Hinintay lang ni Lu Jinnian a makaalis ang taxi bago niya iabante ang kanyang sasakyan para itapat sakanyang mansyon at sa manyson ni Xu Jiamu.

-

Medyo matagal ding nasa labas si Qiao Anhao kaya medyo nagugutom na siya noong sandaling makauwi siya. Agad niyang kinuha ang dumplings sa ref para madefrost na ito bago niya lutuin. Hindi niya rin nakalimutang ibabad ang kanyang chopsticks sa planggana.

Pagkatapos niyang kumain, nagshower lang siya ng mabilisan at dumiretso na rin siya kaagad sakanyang kama. Dahil hindi pa siya masyadong inaantok, sinilip niya muna ang kanyang Weibo, at mga bandang ala una niya na pinatay ang mga ilaw.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C430
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES