Base sa ikinilos ni Xu Jiamu, parang hindi sila magkakilala ni Song Xiangsi.
Biglang ikinuyom ni Song Xiangsi ang kanyang mga kamay at sa sumunod na isa pang segundo, tinignan niya lang si Xu Jiamu na nakaupo sa loob ng sasakyang nasa harapan niya. Hindi nagtagal, nagpatuloy siya sa paglalakad papunta sa direksyon ng kanyang sasakyan na nakaparada sa kabilang gilid na para bang walang nangyari.
Habang naglalakad, ipinagpatuloy niya ang pagsesermon sakanyang manager, "Ngayong gabi, kakailanganin kong pumunta sa Royal Palace para magentertain. Parang hindi mo naman alam na ang mga kapitalistang nandoon ay parang mga aso at lahat sila ay sagad sa buto ang kasamaan!.
Habang nagsasalita, binuksan niya ang pintuan ng driver's seat g kanyang sasakyan at umupo sa loob.
Nagmamadaling nagsalita ang manager, "Ss Xiangsi, ako na ang magmamaneho…"
Hindi na hinintay ni Song Xiangsi na matapos ng kanyang manager ang sinasabi nito nang pasinghal siyang magsalita, "Ano pang tinatanga niyong dalawa jan. Bakit nakatayo pa rin kayo? Sasama ba kayo o hindi?"
Pagkatapos magsalita ni Song Xiangsi, bigla niyang inapakan ang accelerator. Sa takot ng kanyang manager at assistant na maiwanan, dali-daling binuksan ng mga ito ang pintuan at nagmamadaling pumasok pero bago pa man tuluyang maisara ng assistant ang pinto, biglang inapakan ng madiin ni Song Xiangsi ang accelerator at kahit nakabukas pa ang isang pintuan ng kanyang sasakyan, mabilis siyang kumaripas ng takbo at nilagpasan ang sasakyan ni Xu Jiamu.
Habang nakaupo sa driver's seat, mukhang diretso lang ang tingin ni Xu Jiamu sa kalsada pero walang ibang nakakaalam na sa gilid pala ng kanyang mga mata ay piagmamasdan sa kanyang rear view mirror si Song Xiangsi mula ulo hanggang paa. Pagkalampas ng sasakyan nito, bigla nalang nanlisik ang kanyang mga mata at napahawak ng mahigpit sa manibela na nasa harapan niya.
-
Kasalukuyang nasa CR si Qiao Anhao nang matanggap niya ang tawag ni Xu Jiamu. Nagligpit muna siya ng kanyang gamit ng halos sampung minuto bago siya lumabas at tuluyang bumaba.
Pagkalabas ni Qiao Anhao sa opisina ng Huan Yung Entertainment, nakita niya ang sasakyan ni Xu Jiamu na nakaparada sa gilid ng kalsada, kaya hindi siya nagalinlangang lapitan ito. Binuksan niya ang passenger door, umupo sa loob, at bumati, "Brother Jiamu?"
Walang anumang reaksyon ang mukha ni Xu Jiamu at nakatitig lang siya sa direksyon ng dinaan ni Song Xiangsi na kanina pa kumaripas ng takbo.
Itinaas ni Qiao Anhao ang kanyang kamay para ikinaway ito malapit sa mukha ni Xu Jiamu at pabirong sinabi, "Brother Jiamu, hindi ka naman galit sakin kasi pinaghintay kita ng sampung minuto diba?"
Bahagyang kumalma ag mga mata ni Xu Jiamu at bago pa man din siya mahimasmasan, bigla siyang tumawa na para bang may narinig siyang isang nakakatawang biro. "Ano bang sinasabi mo? Bakit naman ako magagalit?"
"Hindi ka talaga galit?" Hindi naniniwala si Qiao Anhao sa sagot ni Xu Jiamu kaya tinignan niya ito at nakangiting sinabi, "Pero bakit hindi ka mukhang masaya? May nangyari ba?"
Hindi sumagot si Xu Jiamu, bagkus, binuksan niya nalang ang makina ng kanyang sasakyan at dahan-dahang nagmaneho paalis.
-
Mabigat sa pakiramdam ang awra sa loob ng sasakyan. Habang nagmamanneho, dalawang beses na sinilip ng assistant si Lu Jinnian sa rear view mirror.
Wala itong kibo at nakadungaw lang sa bintana na tila pinagmamasdan ang mga sasakyan sa labas. Walang anumang bakas ng galit o lungkot sa mukha nito, pero dahil matagal ng nagtatrabaho ang assistant kay Lu Jinnian, alam niya na may lumbay itong kinikimkim.
Noong malapit na ang sasakyan sa Beijing Hotel, sa wakas gumalaw na rin si Lu Jinnian sa kauna-unahang pagkakataon mula noong pumasok siya sa sasakyan. Inalis niya ang kanyang pagkakatingin sa labas at ibinaling ito sakanyang assistant na kasalukuyang nagmamaneho. "Pagkatapos ng dinner, diba gusto nilang maglaro ng baraha?"
Isang tanong palang ni Lu Jinnian pero alam na ng assistant ang gusto niyang mangyari kaya agad itong sumagot, "Yes, Mr. Lu. Saan niyo ba gustong maglaro ng baraha mamayang gabi? Sa Capital Club o sa Royal Palace?"
Kabisado na ng assistant ang mga bagay na tumatakbo sa isipan ni Lu Jinnian kaya hindi niya na hinintay na makapili ito. Huminto lang siya ng sandali at muling nagpatuloy, "Mr. Lu, diba nagkaroon kayo dati ng pagtatalo ng makakadinner mo ngayon na si Chief Lin sa Capital Club, kaya gusto mo sa Royal Palace nalang?"
Kahit sinabi na ng assistant ang iniisip ni Lu Jinnian, nanatili lang siyang kalmado at hindi nagpahalata na nasiyahan siya sa ideya nito. Hindi siya sumagot at makalipas ang ilang sandali, tumungo lang siya na para bang wala siyang pakielam.
Hindi nagpahalata ang assistant na alam niyang nagpapanggap lang si Lu Jinnian at nagpatuloy siya sakanyang trabaho. Kinuha niya kanyang phone at nagpareserve ng isang kwarto sa Royal Palace.
Muli naamang nabalot ng katahimikan ang buong sasakyan, pero kung ikukumpara sa kanina, di hamak na mas magaan na sa pakiramdam ang awra ngayon.
Muling sinilip ng assistant si Lu Jinnan sa rear view mirror at nakita niya na nakadungaw nanaman ito sa bintana pero mapapansin sa mga mata nito na ang matinding lumbay na kinikimkim nito sa mga nakalipas na araw ay bahagya ng humupa.
Masyadong magaling si Lu Jinnian sa pagtatago ng tunay nitong nararamdaman, kaya hindi napigilan ng assistant na makaramdam ng matinding kalungkutan para rito.
Hindi mahilig pumunta si Lu Jinnian sa mga lugar na gaya ng Royal Palace, hindi rin ito mahilig maglaro ng mga baraha, at higit sa lahat, ang pinaka ayaw nito ay ang mga babaeng lumalapit para maglatag ng mga sarili nito. Pero ngayong gabi, pinili nitong pumunta sa Royal Palace dahil pupunta rin doon ang babaeng mahal nito.
Nasa iisang lugar man sila, malaki pa rin ang posibilidad na hindi sila magkasalubong. Pero para lang mapalapit kay Qiao Anhao, handa niyang gawin ang lahat at kuntento na siya kahit pa sa ganitong paraan lang.
Nagaral ang assistant ng science and technology, isang mahirap na degree na nangangailangan ng matinding technical language,pero sa oras na ito, bigla nalang siyang nabagabag ng napakaganda ngunit nakakalungkot na kasabihan mula kay Eileen Chang. "Loving somebody is being humbled to the dust, and then from there blooming into a flower."
Pero ilang taon ng nagpapakababa si Mr. Lu, at hanggang ngayon ay parang hindi pa rin namumukadkad ang bulaklak?
Ano ba talagang tumatakbo sa isip ni Mr. Lu? Matapos ang ilang taon na nagdaan…Malinaw naman na wala itong kahit kaunting pagasa, pero paano nito nagagawang kumapit pa rin ng ganito?
Ilang beses itong paulit-ulit na inisip ng assistant hanggang sa nakaramdam a rin siya ng matinging kalungkutan at hindi nagtagal ay sinisigaw niya na sakanyang sarili – diyos ko naman! Para sa lalaking may asawa at mga anak, may magandang sahod at namumuhay ng magara, bakit ba ako nalulungkot ng ganito.
-
Nagpareserve si Qiao Anxia ng isang combo room na may card room at isang dagdag na maliit na KTV booth.
Makikita sa loob ng kwarto ang ilang mga tao na nagaagawan sa mikropono para makakanta, mayroon ding mga nagsisigawan at naglalaro ng baraha. Hindi interasado si Qiao Anhao sa anumang ginagawa ng kaya umupo nalang siya sa isang gilid at nanuod ng TV.
Mukhang sinuswerte talaga si Qiao Anxia dahil maya't-maya itong sumisigaw.
Nakaupo si Xu Jiamu sa tapat ni Qiao Anxia. Siguro dahil matagal na rin siyang hindi nakakpaglaro, lagi lang siyang natatalo kaya nainip na rin siya bandang huli at nagtawag nalang ng ibang papalit sakanya para maglaro.
Kumuha si Xu Jiamu ng isang lata ng beer at ininom ang halos kalahati ng laman nito. Noong sandali ring iyon, nakita niya si Qiao Anhao na magisang nakaupo sa sofa at may yakap na unan habang tutok na tutok sa TV kaya naglakad siya papalapit dito para samahan ito.
Kasalukuyang nanunuod si Qiao Anhao ng isang lumang pelikula na pinagbibidahan ni Song Xiangsi. Halatang bata pa si Song Xiangsi noong mga panahong iyon at kung ikukupara ngayon, hindi pa ito masyadong magaling umarte pero hindi maitatanggi na may taglay na itong pambihirang talento na siyang hinagaan ng marami.
Nakataas ang mga kilay ni Xu Jiamu habang nakatitig sa screen at bigla nalang nagbaga ang kanyang damdamin.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES