App herunterladen
42.13% Bringing the Nation's Husband Home (Tagalog) / Chapter 410: Paalam aking kabataan, paalam aking mahal (20)

Kapitel 410: Paalam aking kabataan, paalam aking mahal (20)

Redakteur: LiberReverieGroup

Hindi sumagot si Lu Jinnian na para bang wala siyang narinig.

Tumayo si Qiao Anhao pero halos sampung segudo pa siyang naghintay bago siya tuluyang lumabas ng dining area.

Nang tuluyan ng makalabas si Qiao Anhao sa dining area, dahan-dahang lumingon si Lu Jinnian sa tinayuan nito, sobrang namumutla ang kanyang mukha.

Pagkarating ni Qiao Anhao sa kwarto nila, agad niyang isinara ang pintuan at hindi niya na napigilan ang kanyang mga luha na bumuhos. Pinupunasan niya ang mga ito gamit ang kanyang mga daliri at habang nakasandal sa pintuan, dahan-dahan siyang napaupo sa sahig at tuluyan niya ng inilabas ang lahat ng gusto niyang iiyak. 

Kahit na nakaiyak na siya noong araw na nakumpirma niyang nakunan talaga siya, kahit na akala niya naiiyak niya na ang lahat ng sakit na nararamdaman niya sakanyang puso, at kahit na nakapagdesisyon na siyang iwanan si Lu Jinnian, noong dumating siya puntong nagawa niya na, hindi niya inaasahan na madudurog pa rin pala ng sobra-sobra ang kanyang puso.

Minahal niya si Lu Jinnian sa loob ng labintatlong taon at inilaan niya rito ang pinakamagagandang araw ng kanyang kabataan, pero ngayon, kailangan niya na itong tanggaling sa buhay niya, at ito ay…masakit… Pero wala na siyang pagpipilian dahil hindi niya magawang patawarin ang naging pagpatay nito sakanyang anak at ayaw niya ng hayaan ang kanyang sarili na mahalin pa ang ganung klaseng lalaki.

Hindi niya alam na ito na pala ang magiging katapusan niya, at hindi niya rin alam kung kakayanin niya pa bang magmahal ng iba, pero mula sa araw na ito, hindi na siya kailanman magmamahal na ibibigay niya ang sarili niya ng buong buo kagaya ng pagmamahal niya kay Lu Jinnian. Ayaw niya ng maramdaman muli ang sakit at pagpapahirap na siya mismo ang pumayag na gawin sakanya ni Lu Jinnian.

Wala masyadong mga gamit si Qiao Anhao. Noong dumating siya, isang maleta lang ang dinala niya kaya ngayon na paalis na siya, isang maleta lang din ang dala niya na nadagdagan lang ng konting damit, sapatos at ang porcelain doll na ibinigay ni Lu Jinnian.

-

Hapon na noong natapos magempake si Qiao Anhao at nasa labas na rin ng mansyon si Lu Jinnian. Medyo mabigat ang kanyang maleta kaya dumiretso siya sa elevator.

Pagkarating niya sa first floor, hinila niya palabas ang kanyang maleta at tumayo muna siya ng ilang sadlit sa living room. Tinignan niya ang pamilyar na kapaligiran at naalala niya na walong buwan na rin pala ang lumipas. Habang pinagmamasdan niya ang iba't-ibang bahagi ng mansyon, napakaraming imahe ng mga alala ang pumasok sa isip niya.

Muli niyang tinignan ang mga nakapaligid sakanya sa huling pagkakataon bago niya hilain ang kanyang maleta papalabas ng pinto.

Pagkatulak niya ng pintuan, nakita niya si Lu Jinnian na nakatayo sa labas. Nasa ilalim ito ng arawan pero hindi ito nagpapakita ng kahit anong bakas na naiinitan ito.

Nang marinig ni Lu Jinnian na nagbukas ang pintuan, agad niyang tinignan si Qiao Anhao pero hindi nagtagal, bigla niyang ibinaling ang kanyang tingin sa maletang nasa tabi nito. Parang may bumara sa lalamunan niya habang nagtatanong, "Tapos ka ng magempake?"

Tumungo si Qiao Anhao. "Tapos na akong magempake."

Huminto siya ng ilang sadlit at nagpatuloy, "May ilang mga damit at sapatos na hindi ko na gagamitin kaya hindi ko na rin sila dinala. Nilagay ko nalang sila sa isang kahon na nasa changing room at pwede mong iutos kay Madam Chen na itapon nalang 'yun."

Bahagyang tumungo si Lu Jinnian, at walang imik na tumingin sakanyang sasakyan. Kinuha niya ang kanyang susi at binuhat ang maleta ni Qiao Anhao. Pagkababa niya ng hagdanan, dumiretso siya sa likod ng kanyang sasakyan para mailagay ang maleta bago siya maglakad pabalik sa passenger seat para naman pagbuksan ng pintuan si Qiao Anhao.


Kapitel 411: Paalam aking kabataan, paalam aking mahal (21)

Redakteur: LiberReverieGroup

Bumaba si Qiao Anhao ng hagdanan para puntahan si Lu Jinnian. Tinignan niya muna ito bago siya pumasok sa loob sasakyan at nang ikakabit niya na ang seatbelt, bigla siyang inunahan ni Lu Jinnian na gawin ito para sakanya.

Pagkapasok ni Lu Jinnian ng kanyang sasakyan, agad rin siyang nagkabit ng seatbelt at tinanong si Qiao Anhao ng address ni Zhao Meng. Habang tinatype niya ito sa GPS, sobrang nanginginig ang kanyang mga daliri pero ginawa niya pa rin ang lahat para magpatuloy. Nang matapos na siya, agad niyang binuksan ang makina ng kanyang sasakyan at sa hindi malaman na kadahilanan, bigla niya nalang naapakan ang preno kaya napahinto siya ng ilang sandali bago siya unti-unting mahimasmasan at tuluyan ng nagmaniobra palabas ng Mian Xiu Garden.

Sobrang tahimik sa loob ng sasakyan, at isang beses lang nagsalita si Qiao Anhao noong nagpadala siya ng voice message kay Zhao Meng para paalalahanan ito na parating na siya sa loob ng kalahating oras.

Malapit na sila sa bahay ni Zhao Meng pero hindi nagmenor si Lu Jinnian at nahimasmasan lang siya noong pinaalalahan siya ni Qiao Anhao kaya bigla niyang inapakan ang preno. Tumingin siya sa bintana at napansin niya na lumampas na sila ng halos dalawang daang metro mula sa bahay ni Zhao Meng. "Magmamaniobra ako."

"Ayos lang, hindi naman masyadong malayo. Maglalakad nalang ako." Nakangiting sabi ni Qiao Anhao.

Hindi makagalaw ang panga ni Lu Jinnian at diretso lang sa harap ang kanyang tingin. Matapos ang ilang sandaling pananahimik, sumagot siya, "Okay."

May dinukot na susi si Qiao Anhao sa loob ng kanyang bag na agad din niyang inabot kay Lu Jinnian. "Ito ang susi sa Mian Xiu Garden."

Hindi kinuha ni Lu Jinnian ang susi na inaabot niya kaya ipinatong niya nalang ito sa compartment at dali-dali niyang kinuha ang kanyang bag. "Mauuna na ako."

"Okay," sagot ni Lu Jinnian na para siyang isang robot. Matapos ang ilang sandali, bigla siyang nahimasmasan at naintindihan ang gustong mangyari ni Qiao Anhao kaya dali-dali siyang lumabas ng sasakyan para tulungan itong ibaba ang maleta nito.

"Salamat." Inabot ni Qiao Anhao ang kanyang maleta pero nang mahawakan niya na ito, naramdaman niya na biglang humigpit ang kapit ni Lu Jinnian.

"Qiao Qiao.." 

Iniangat ni Qiao Anhao ang kanyang ulo para tignan si Lu Jinnian.

Ibinuka ni Lu Jinnian ang kanyang bibig at bigla siyang napatitig kay Qiao Anhao. Matapos ang ilang sandali, muli siyang nagsalita, "Paalam."

Pinilit ni Qiao Anhao na ngumiti at sumagot, "Paalam."

Lalo pang humigpit ang hawak ni Lu Jinnian sa maleta bago unti-unting lumuwag ang kanyang pagkakakapit, ngunit hindi nagtagal, muli niya nanaman itong hinawakan ng mahigpit pero bandang huli, pinakawalan niya rin ito. 

Hinila ni Qiao Anhao ang maleta papunta sa tabi niya at sa pinaka huling pagkakataon, muli niyang nginitian si Lu Jinnian. Pagkatalikod niya, hindi niya na mapigilan ang kanyang mga luha at tuluyan na itong tumulo.

Paalam, Lu Jinnian.

Wala akong ideya kung hanggang kailan kita mamahalin, pero mula ngayon, hindi na ako magpapakamanhid na maghintay na mahalin mo ako pabalik.

Kahit na sinisisi kita sa pagkamatay ng anak natin, gusto ko pa ring magpasalamat sa walong buwan na ibinigay mo sa akin. Salamat dahil pinaintindi mo sa akin na hindi mo talaga ako kayang mahalin. 

Paalam, aking kabataan, paalam, aking mahal.

Paalam, sa labintatlong taon ng masasaya ngunit masasakit na alaala.

Hindi makagalaw si Lu Jinnian. Pinagmasdan niya lang si Qiao Anhao na naglalakad papalayo habang hila-hila ang maleta nito. Wala siyang kahit anong balak na umalis sa kinatatayuan niya kahit na tuluyan na itong nawala sa kanyang pangin hanggang sap unto na may biglang lumapit sakanya na isang traffic police para sitahin siya. Humingi siya ng tawad at agad na umalis.

Habang nagmamaneho, gulong-gulo ang isipan niya at hindi niya alam kung saan siya pupunta.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C410
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES