"THUD!"
Isang malakas na tunog ang biglang umalingawngaw sa buong opisina ni Lu Jinnian at ang assistant na nakatayo sa isang gilid ay ayaw magbakasakaling gumawa ng kahit anong ingay.
Tila kinakapos ng hininga si Lu Jinnian sa sobrang galit. Tumayo siya mula sakanyang lamesa at bunksan ang aparador para maghanap ng sigarilyo. Kumuha lang siya ng isang stick at marahas na inihagis ang isang buong kaha sa basurahan bago siya maglakad papunta sa bintana kung saan tahimik siyang tumayo habang nakadungaw sa labas.
Matagal siyang walang imik bago niya bahagyang napakalma ang kanyang sarili. Tumingin siya sakanyang assistant para magtanong, "Alam mo na ba ang sitwasyon g Xu Enterprise board ngayon? Kamusta?"
"Malapit na akong matapos sa bagay na yan."
Tumungo si Lu Jinnian.
Muling nagsalita ang kanyang assistant, "Mr. Lu, sigurado ka na ba sa gagawin mong desisyon?"
Hindi agad sumagot si Lu Jinnian at nanatili lang siyang nakadungaw sa bintana.
Matapos ang isang minuto, pabulong siyang nagsalita, "Yea", parehong mahina at walang emosyon ang kanyang boses. "Kagaya ng plano ko."
Hindi na pinilit ng assistant na magbago ng isip si Lu Jinnian. "Sige, ihahanda ko na."
Hindi sumagot si Lu Jinnian kaya agad na kinuha ng assistant ang dokumento dahil alam niya na mas makakabuti kung aalis muna siya pero matapos ang dalawang hakbang, bigla siyang nagalangan at hindi siya mapalagay na nagtaong, "Mr. Lu, handa ka na ba na iwanan si Miss Qiao ng ganito?"
Nanatiling tahimik si Lu Jinnian habang unti-unting binabalot ng lungkot ang kanyang puso.
Iniangat ng assistant ang isa niyang kamay para kuskusin ang kanyang ilong. "Mas naging mabuti na ang relasyon ninyo ni Miss Qiao. Kahit na nagustuhan niya noon si Mr. Xu, hindi naman ibig sabihin na hindi siya pwedeng mahulog sayo. Paano kapag biglang nagbago ang kanyang isip at napagdesisyunan niyang ayaw niya na pala kay Mr. Xu, hindi ba parang pinakawalan mo nalang siya ng ganun kadali?"
Sa kabila ng mga nakakakumbinsing salita ng assistant, nanatili pa ring walang imik si Lu Jinnian. Itinaas ng assistant ang isa niyang kamay para kuskusin ang kanyang ilong sa pangalawang beses bago siya magsalita na halatang naiilang, "Er… Mr. Lu, kalimutan mo nalang ang mga sinabi ko. Wala na kong ibang kailangan, aalis na muna ako."
Hindi makagalaw si Lu Jinnian sakanyang kinatatayuan. Noong narinig ng malayo na ang mga yabag ng kanyang assistant, muli siyang humarap sa bintana para tignan ang maulap na kalangitan habang paulit ulit niyang naririnig sa kanyang isipan ang mga sinabi ng assistant.
-
Inilapag ni Qiao Anhao ang walang laman na mangkok sa lamesang nasa gilid ng kama at pinunasan ang bibig ni Xu Jiamu gamit ang isang basang tuwalya. Iniangat niya ang kanyang ulo para tinignan ito ng diretso sa mga mata at nagtanong, "Ano ba talagang nangyari sayo noong araw ng aksidente mo? Hindi ka naman nakainom pero bakit sobrang lala ng pagkakabangga mo?"
Biglang bumakas ang galit sa mga mata ni Xu Jiamu pero pinilit niyang tumawa ng bahagya bago sagutin ang katanungan ni Qiao Anhao. "Hindi ako nakapagpreno kaagad kaya ako naaksidente. Pero ayos naman na ako ngayon, mukha bang hindi pa?"
"Buti nalang talaga at maayos ka na," naiinis na sagot ni Qiao Anhao. Pero noong sandali ring iyon, biglang naging seryoso ang kanyang mukha at mahinahong nagtanong, "Brother Xu, matagal mo na bang alam ang tungkol sa kasunduan nating magpakasal?"
Hindi sumagot si Xu Jiamu.
Matapos ang ilang sandaling pananahimik, muling nagsalita si Qiao Anhao, "Patawarin mo ako, pero hindi kita kayang pakasalan."
Alam ni Xu Jiamu na hindi pa tapos magsalita si Qiao Anhao kaya sumandal siya para mas maging komportable ang kanyang posisyon. Tinignan niya si Qiao Anhao ng walang anumang bakas ng galit o pagkalito sa kanyang itsura habang hinihintay itong magpatuloy sa pagsasalita.
Dahan-dahang ibinuka ni Qiao Anhao ang kanyang mga labi. "Nalaman ko lang na magpapakasal ako sayo matapos ang naging car accident mo. Dahil sa nangyaring aksidente, maraming naging usap-usapan na nawalan na ng tagapagmana ang Xu family kaya ang mga board of directors ay nagumpisang magduda. Bandang huli, ang tanging solusyon lang na naiwan para malampasan ng Xu family ang krisis ay ang magpanggap si Lu Jinnian bilang ikaw at ang magpanggap kami bilang magasawa.
"Bukod sa akin, wala ni isa sa Qiao family ang nakakaalam ng tunay mong kundisyon, at dahil kinausap ako ni Auntie Xu…"
Noong mga panahon na iyon, walang alinlangan siyang pumayag sa ideya na magpapanggap sila ni Lu Jinnian bilang magasawa. Matagal niya na itong mahal, pero wala siyang pinagsabihang kahit sino. Maging si Xu Jiamu ay wala ring kaalam alam sa tunay niyang nararamdaman kahit pa nakita na nito ang kanyang love letter…
Natigilan ng sadlit si Qiao Anhao bago magpatuloy, "Matagal na tayong magkaibigan at hindi ko kayang iwanan ka nalang ng basta sa ere kaya pumayag ako sa ideya, pero ngayon…"
"Ngayon na nagising na ako, tapos na rin ang anumang ipinangako mo noong una kaya gusto mo na sanang tapusin ang pagiging asawa ko, tama ba? Itinuloy ni Xu Jiamu ang gusto niyang sabihin.
Yumuko si Qiao Anhao at medyo nagalangan siya noong una bago tumungo.
"Sige, naiintindihan ko. Ako ng bahala," agad na pumayag si Xu Jiamu ng walang pagaalinlangan o pagdadalawang isip.
Gulat na gulat na iniangat ni Qiao Anhao ang kanyang ulo. "Brother Jiamu, paano mo ito aayusin ng magisa?"
"Wala kang dapat alalahanin tungkol sa bagay na yan. Hindi tayo pwedeng basta-bastang magdivorce. Wag mong kalimutan na mula noong mamatay ang mga magulang mo, ang mga magulang na ni Qiao Anxia ang nagaruga sayo, kaya hindi lang ikaw ang sangkot sa kasal na ito kundi ang buong Qiao family.
"Kung hihingi ka kaagad ng divorce, paano ka haharap sa aunt at uncle mo sa mga darating na araw?" Pinaliwanag ni Xu Jiamu kay Qiao Anhao ang bawat detalye ng sitwasyon bago niya ito bigyan ng katiyakan, "Qiao Qiao, wala kang dapat problemahin. Ako na ang bahala sa lahat, maghintay ka nalang."
Sa totoo lang, hindi sumagi sa isip ni Qiao Anhao ang Qiao family noong inisip niya ang divorce pero dahil ipinaliwanag ito sakanya ni Xu Jiamu, bigla siyang nagalala kung paano niya haharapin ang kanyang aunt at uncle. Sobra siyang naantig at naalala niya na simula palang pagkabata nila, lagi na talagang iniisip ni Xu Jiamu ang kanyang kapakanan.
Tumungo siya at sumagot ng mahina, "Brother Jiamu, salamat."
"Qiao Qiao, bakit sobrang pormal mo naman sa akin?" Ngumiti si Xu Jiamu at iniangat ang kanyang kamay para himasin ang buhok ni Qiao Anhao. "Pero Qiao Qiao, kailangan mo pang maghintay ng sandali, wala pa kasi akong sapat na lakas para lumabas ng bahay ngayon…"
Alas nuebe na ng gabi noong nakabalik si Qiao Anhao sa Mian Xiu Garden. Nakapag'gabihan na siya sa mansyon ng mga Xu kaya bago siya umakyat, sinabihan niya muna si Madam Chen na huwag na siyang paghandaan nito.
Wala pa si Lu Jinnian noong oras na makauwi siya. Hindi naman siya masyadong kumilos sa buong araw pero parang pagod na pagod siya. Naligo lang siya ng sadlit at agad siyang humiga sa kama para makapagpahinga pero bigla namang hindi siya makatulog. Pagsapit ng bandang alas dose ng madaling araw, may narinig siyang isang sasakyan na paparating.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES