App herunterladen
41.1% Bringing the Nation's Husband Home (Tagalog) / Chapter 400: Palaam aking kabataan, paalam aking mahal (10)

Kapitel 400: Palaam aking kabataan, paalam aking mahal (10)

Redakteur: LiberReverieGroup

Nang muling magtagpo ang mga labi nina Lu Jinnian at Qiao Anhao, pareho nilang hindi maintindihan kung ang ginagawa ba nila ay akting pa rin o totoo na.

Walong buwan na mula noong magpapanggap sila bilang magasawa pero nagkaroon lang sila ng pagkakataon na maging malapit sa isa't-isa mula noong pareho silang pumasok sa 'Alluring Times'.

Halos tatlong buwan ang itinagal ng kanilang pagfifilm at sa maikling panahon na ito, nagkaroon sila ng higit na mas maraming pagkakataon na magsama kumpara sa nakalipas na labintatlong taon. Sa napakaikling tatlong buwan na nagdaan, andoon ang mga iyakan, tawanan, lambingan, at napakaraming nakakakilig na pagkakataon…Pero sa puntong ito, patapos na sila sa kanilang pagfifilm, at maging sa tunay na buhay, nalalapit na rin ang pagwawakas ng kanilang pagpapanggap bilang magasawa.

Palalim ng palalim ang kanilang mga halik at habang tumatagal ay lalo pa itong naging mapusok habang binubuhos nila ang lahat ng pagmamahal na kanilang nararamdaman.

Nasa isnag gilid lang ang diirektor at tutok na tutok siyang nanunuod sa screen na nasa kanyang harapan. Labis siyang natuwa sa pagarte ng dalawa kaya agad niyang inangat ang speaker para sumigaw na ng 'CUT' pero bigla siyang natigilan nang makita niyang tumutulo ang luha mula sa nakapikit na mga mata ni Qiao Anhao.

Marami talagang pagkakataon na sobrang nadadala ang mga artista sa mga ginagampanan nilang karakter kaya dumarating sa punto na maging ang mga emosyon nito ay damang-dama na rin nila. Muling ibinaba ng direktor ang speaker sa pagaakalang sinasadya ni Qiao Anhao na magdadagdag ng eksena. Tinignan niya ang ibang crew para senyasan ang mga ito na ipagpatuloy lang ang pagfifilm sa dalawa habang siya naman ay muling tumingin sa screen para pagmasdan ang mga nangyayari.

Tuloy tuloy lang ang pagtulo ng mga luha sa mukha ni Qiao Anhao habang nakikipaghalikan.

Nang maramdaman ni Lu Jinnian ang patak ng mga luha ni Qiao Anhao, bigla siyang natigilan pero hindi natagal ay muli niya itong hinalikan at sa pagkakataong ito ay mas madiin pa.

Dahil medyo matagal silang naghalikan, pareho silang hinihingal noong maghiwalay sila. 

Pagkabukas ni Qiao Anho ng kanyang mga mata, hindi na siya nakapagpigil at tuluyan ng tumulo ang kanyang mga luha. Maging ang mga mata ni Lu Jinnian ay parang biglang napuwing dahil unti-unti ring naging mangiyak ngiyak ang mga ito. Iniangat nila ang kanilang mga ulo para titigan ang isa't-isa at bigla silang nagsalita ng sabay na para bang nagensayo na sila bago magfilm.

"Mahal kita."

Hindi na ito parte ng script pero imbis na mainis ang direktor ay lalo pa siyang nakaramdam ng pananabik. Matapos ang dalawang minutong malagkit na pagtititigan nina Qiao Anhao at Lu Jinnian, muli niyang itinaas ang speaker para masayang sumigaw ng 'CUT!"

Perpekto ang naging pagtatapos ng eksena. Dali-daling pumunta ang mga crew members sa harap para imisin ang mga gamit samantalang ang direktor ay masayang tumakbo papalapit kina Lu Jinnian at Qiao Anhao. "Mr. lu, Xiao Qiao, sobrang galing ng ginawa niyo! Sa totoo lang ang ganda talaga ng mga idinagdag niyong eksena. Sobrang perkpekto, kahanga-hanga at talagang nakakaantig!"

Marami pang minutawing papuri ang direktor para kina Lu Jinnian at Qiao Anhao hanggang sa pareho silang magising sa katotohanan. Matagal silang nagkatitigan bago nila ibaling sa iba ang kanya-kanya nilang mga tingin.

Nagawang maitago kaagad ni Lu Jinnian ang tunay niyang nararamdaman at muling bumalik ang kanyang pangkaraniwang supladong itsura.

Masayang ngumiti si Qiao Anhao at nagpasalamat sa direktor habang pinupunasan ang kanyang luhaang mukha ng tissue na nanggaling kay Zhao Meng. Hindi nagtagal, nagpaalam siya kina Lu Jinnian at sa direktor dahil kailangan niya ng magtanggal ng kanyang makeup.

Lu Jinnian, alam mo ba? Mula sa araw na ito, araw-araw kong aalalahanin ang ating kwento, ang panunuod natin ng sine kanina ay iisipin kong isang napaka espesyal na date at ang pagamin na ginawa ko sa huli nating eksena ngayong gabi ay ang aking pagamin sayo.

Lu Jinnian, alam mo ba? Bago pa maging isang ala ala ang ating kwento, umiyak ako para sayo.


Kapitel 401: Paalam aking kabataan, paalam aking mahal (11)

Redakteur: LiberReverieGroup

Kinabukasan, maagang nagising si Qiao Anhao. Dumungaw siya sa bintana at nakita niya na hindi maganda ang kundisyon ng panahon. Masyadong maulap ang kalangitan at ang buong siyudad ay nababalot ng fog.

Nakapagempake na si Zhao Meng at kasalukuyan itong tinutulungan ng hotel staff na ikarga ang mga gamit nito sa sasakyan. Bago tuluyang umalis, dumaan muna si Qiao Anhao sa set para magpaalam kina Cheng Yang, Song Xiangsi, at sa iba pang mga crew members na may natitira pang isang eksena.

Kahit ano pang dahilan kung paano sila nakapasok sa set o ang kanilang mga hindi pagkakasuduan habang ginagawa ang pelikula, ngayong kailangan ng magpaalam, balewala na ang lahat ng mga iyon. Ibinuhos ng lahat ang kanilang buong makakaya sa loob ng halos tatlong buwan. Ang set na ito ay puno ng kaligayahan, lungkot, iyakan, at pagsusumikap ng bawat isa.

Si Qiao Anhao ay ang tipo ng tao na hindi mahilig sa drama pero noong sandaling magpaalam siya sa lahat, bigla nalang naging mangiyak ngiyak ang kanyang mga mata. `

Hindi siya umuwi sa Mian Xiu Garden dahil nagpahatid siya kaagad kay Zhao Meng sa ospital kung nasaan si Xu Jiamu. Para naman sakanyang mga maleta, pinauwi niya muna ang mga ito sa bahay ni Zhao Meng at plano niyang dumaan nalang doon pagkatapos niyang gawin ang mga dapat niyang asikasuhin.

Pinaalis lang ni Qiao Anhao ang sasakyan ni Zhao Meng bago siya pumasok sa loob ng ospital. Wala roon si Xu Wanli pero sina Han Ruchu at ang katulong nito ay parehong nasa ward para tulungan ang ang nurse na magempake ng mga gamit habang sumasailalim pa si Xu Jiamu sa ilang pagsusuri.

Naglakad si Qiao Anhao papalapit kay Han Ruchu para tulungan itong magempake ng mga damit ni Xu Jiamu. Tinignan niyang maigi ang buong kwarto para siguraduhing wala ng naiwan bago niya utusan ang katulong na ilagay na ang mga ito sa sasakyan. Matapos ang halos sampung minuto, lumabas ang doktor para paalalahanan sila tungkol sa susunod na check up ni Xu Jiamu, at tuluyan na silang sumakay sa sasakyan.

Dumiretso ang sasakyan sa bahay ng mga Xu. Nakakapaglakad na si Xu Jiamu pero dahil matagal din siyang na'coma, medyo mahina pa rin ang kanyang katawan kaya pagkauwing pagkauwi nila, agad na inutusan ni Han Ruchu ang iba pang mga katukong na alalayan siyang maglakad papunta sakanyang kwarto para makapagpahinga.

Bago pumunta sa ospital si Han Ruchu, inutusan niya muna ang mga katulong na magluto ng lugaw na may herbs kaya nang sandaling makahiga na si Xu Jiamu, agad na inutusan ng mayordoma ang mga katulong na magakyat ng mainit na lugaw.

Masigasig at malumanay na sinabi ng mayordoma, "Young master, masyado kang naging abala sa buong araw. Inutusan ni Mrs. Xu ang mga katulong na paghandaan ka ng lugaw na may herbs, kailangan mong kumain nito."

Nakaupo si Han Ruchu sa isang gilid ng kama at masayang nakangiti. "Anak, susubuan ka ni mama."

Habang nagsasalita si Han Ruchu, iniangat niya ang kanyang kamay para kunin sa mayordoma ang mangkok ng mainit na lugaw pero bago niya pa ito tuluyang makuha, biglang sumulpot si Qiao Anhao para kunin ito. Tumingin ito sakanya at sinabi, "Ako na po ang gagawa."

Biglang natigilan si Han Ruchu pero hindi siya tumutol at sinabi sa mayordoma na nakatayo sa tabi nito, "Hayaan mong si Qiao Qiao na ang gumawa."

Magalang na ipinasa ng mayordoma ang porselanang mangkok kay Qiao Anhao na tumanggap gamit ang kanyang dalawang kamay. Umupo siya sa harap ni Xu Jiamu at sumandok ng isang kutsarang lugaw. Sinigurado niyang nahipan niya muna ito bago niya dahan-dahang itapat sa bibig ni Xu Jiamu.

Ibinuka ni Xu Jiamu ang kanyang bibig. Pinagmasdan niya ang mga taong nakapaligid sakanya at biglang nagbago ang kanyang itsura. Ikinaway niya ang kanyang kamay na para bang nagpapahiwatig na naiirita siya at sinabi, Ma, pwede bang lumabas muna kayong lahat, parang wala ng hangin."

Muling sumandok si Qiao Anhao ng mainit na lugaw at kagaya noong una, nakangiti niya itong hinipan. Tumingin siya kay Han Ruchu at sinabi, Auntie Xu, ako na pong bahala sakanya."


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C400
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES