Kapitel 385: Saan ba ko nagkulang? (15)

Redakteur: LiberReverieGroup

Huminto ang taxi sa harap mismo ng entrance ng City Hospital. Matapos magbayad ni Lu Jinnian, agad niyang binuhat si Qiao Anhao papasok sa loob ng ospital.

Pinagmasadan ni Qiao Anhao ang City Hospital kung saan siya nanggaling halos limang oras lang nakakalipas. Paulit ulit niyang naririnig sakanyang isipan ang sinabi ng nurse na kakailanganin niyang bumalik ngayong araw sa ospital para sa kanyang follow up kaya bigla siyang nakaramdamam ng hindi maipaliwanag na kaba.

Kahit noon pa, kapag naaksidente si Qiao Anhao sa set, lagi na talaga siyang dinadala ni Lu Jinnian sa ospital para matignan ang lagay ng buong katawan niya. Mukhang ganun lang din ang nangyari ngayon at isa pa, wala naman siyang nakikitang kakaiba sa itsura ni Lu Jinnian.

Mas kaunti ang tao ngayon kumpara noong pumunta siya kaninang umaga. Ibinaba siya ni Lu Jinnian sa isang upuan at umalis ito sadali para kumuha ng ticket number. Noong magreregister na sa si Lu Jinnian, nakita niya na may tinawagan ito sa phone. Medyo maingay ang ospital at hindi niya rin mabasa kung anong sinasabi nito, ngunit higit sa lahat, wala siyang ideya kung sino ang kausap nito. Siguro naging mas maselan lang siya, pero medyo nakaramdam siya ng hindi pagkapalagay dahil sa phone call na 'yun.

Hindi naman talaga nasaktan si Qiao Anhao kaya hindi nagtagal, napagdesisyunan niyang tumayo nalang mula sa kanyang kinauupuan para maglakad papunta kay Lu Jinnian. Noong malapit na siya sa tabi nito, bigla itong napatingin sakanya at bukod sa pag'galaw ng mga labi nito, wala na siyang ibang nakitang reaksyon sa itsura nito. Agad namang ibinaba ni Lu Jinnian ang tawag at tumingin kay Qiao Anhao na nakakunot ang mga kilay. "Bakit pumunta ka pa dito? Wala bang masakit sayo?"

Umiling si Qiao Anhao at ngumiti kay Lu Jinnian. "Ayos lang ako. Medyo nagulat lang ako kanina. Ikaw? Nasaktan ka ba?"

Matapos marinig ang sagot ni Qiao Anhao, medyo kumalma si Lu Jinnian at sinabi, "Ayos lang ako."

Kumurap si Qiao Anhao at mahinahong sinabi, "Dahil pareho naman pala tayong okay, huwag nalang ako magpacheck up. Wala nga ako kahit gasgas eh."

Diretso ang tingin ni Qiao Anhao kay Lu Jinnian habang sinasabi ito. Pero walang nagbago sa itsura ni Lu Jinnian kaya hindi niya mabasa kung ano ba talaga ang motibo nito. Hindi nagtagal, kalmado nitong sinabi sakanya, "Kahit na, mabilisang check up lang para makasigurado tayo."

Ngumiti lang si Qiao Anhao at hindi na nakipagtalo pa kay Lu Jinnian. "Sige."

Matapos nilang magregister, sinamahan siya ni Lu Jinnian na umakyat sa taas, ganun din ang ginawa nito noong naaksidente siya dati sa set. Dahil nakapag full body check up na siya noon, alam niyang wala namang kakaibang gagawin sakanya kaya unti-unti na rin siyang kumalma pero hindi talaga maalis sa isip niya ang mga sinabi ng nurse.

Maraming ginawang check up kay Qiao Anhao pero natapos niya naman ang lahat noong gabing iyon.

Walang nakapansin na lumabas pala si Lu Jinnian para bilhan si Qiao Anhao ng isang bote ng yogurt. Nang makita niyang palabas na si Qiao Anhao ng examination room, agad niyang inilagay ang straw sa inumin at iniabot dito. Nang tawagin na ng nurse ang mga pangalan nila, pinaghintay nalang ni Lu Jinnian si Qiao Anhao sa kinauupuan nito at siya na ang kumuha ng mga resulta.

Matagal ding nawala si Lu Jinnian. Naubos na ni Qiao Anhao ang kanyang yogurt pero hindi pa rin ito bumabalik kaya naisipan niyang puntahan na ito pero bago yun, itinapon niya muna ang hawak niyang bote na walang laman sa pinaka malapit na basurahan.

Natanaw ni Qiao Anhao mula sa glass door na tumango si Lu Jinnian sa doktor na tumingin sakanya. May papel itong tiniklop na agad din nitong isiniksik sa wallet at naglabas ng ilang papel mula sa bulsa nito. Hindi nagtagal, binuksan na ni Lu Jinnian ang glass door at lumabas.

Nang makita ni Lu Jinnian si Qiao Anhao, agad niyang iniabot dito ang mga papel na hawak habang sinasabi, "Normal naman ang lahat ng resulta ng check up mo."

Kommentar Kommentar von 3

Abstimmen

GESCHENK VERSENDEN

Load failed, please RETRY