App herunterladen
36.38% Bringing the Nation's Husband Home (Tagalog) / Chapter 354: Mahal kita, Mahal kita (10)

Kapitel 354: Mahal kita, Mahal kita (10)

Redakteur: LiberReverieGroup

Sa sobrang awkard, tumawa nalang ang third female lead para hindi mahalata na napahiya ito at saka nito ibinaba ang wine glass sa lamesa.

Nanatiling tahimik si Qiao Anhao habang paunti-unting humihigop ng mainit na gatas na kanyang hawak. Mainit ang gatas pero mas mainit pa rin ang kanyang puso, binalot ng sobrag kilig ang kanyang buong katawan habang patuloy lang siya sa paginom. 

Mayroon ng may hawak ng mikropono at kumakanta na ito ng napili nitong kanta samantalang ang mga nakaupo naman ay masayang nakikipag-usap sa mga katabi nito habang umiinom.

Masarap na ang pakikipagkwentuhan ng third female artist, na nasa tabi ni Qiao Anhao, kina Cheng Yang at sa direktor, kaya hindi na siya napansin nito. Samantalang si Lu Jinnian naman na nasa kabilang gilid niya ay sobrang tahimik at bihirang magsalita, kaya wala siyang magawa kundi umupo nalang din ng tahimik at manuod sa kumakanta habang umiinom ng gatas.

Pagkaubos niya ng laman ng tasa, agad niya itong inilapag sa lamesa at sumandal sa sofa. Ang mga kamay niya ay nasa gilid ng kanyang mga hita at sa sobrang bagot ay sinabayan niya nalang ang kumakanta sa kanyang isip.

Ang third male lead na kasalukuyang kumakanta ay kilala bilang bakaw pag dating sa mikropono. Nakakanta na ito ng tatlong sunod-sunod na kanta pero mukhang wala pa itong intensyong bitawan ang mikropono dahil muli nanaman itong namili ng isa pa – ang 'Dong Feng Po' ni Jay Chou.

Noong nagaaral pa si Qiao Anhao, sobrang gusto niya ang kantang ito pero dahil matagal na rin ang panahong lumipas kaya medyo nakalimutan niya na rin ang lyrics nito. Matapos niyang kumanta ng limang sunod-sunod na linya, napahinto siya at tumingin sa para tignan ang mga sunod na linya:

"As the water flowed to the east,

"No matter how much I tried to get more time,

"The flowers can only bloom once

"And I had missed it..."

Noong mga sandaling iyon, nagulat si Qiao Anhao dahil naramdaman niyang nagkadikit ang mga daliri nila ni Lu Jinnian.

Biglang bumulusok ang kanyang emosyon at hindi niya na maigalaw ang kanyang mga daliri. Napatitig nalang siya sa lyrics na nasa screen at hindi niya na magawang kumanta pa sa kanyang isip.

Medyo matagal na natigilan si Qiao Anhao bago niya mapagtanto na magkadikit pa rin ang mga kamay nila ni Lu Jinnian habang may hawak itong phone.

Napalunok siya at inurong ang kanyang kamay para iiwas sana sa kamay ni Lu Jinnian. Pero noong oras na yun, nabitawan na ni Lu Jinnian ang phone nito at tuluyan na ngang ipinatong sakanyang kamay.

Nang sandaling iyon, pakiramdam ni Qiao Anhao na para bang hindi na sakanya ang kamay niya. Mayroon din siyang naramdamang hindi maipaliwanag na init na dumaloy mula sa palad niya hanggang sa daluyan ng kanyang dugo. Sinubukan niya pang pumiglas noong una pero niyang naramdaman na mas humigpit pa ang hawak nito.

Hindi na napigilan ni Qiao Anhao na lumingon kay Lu Jinnian pero diretso lang ang tingin nito sa screen, kalmado lang ang itsura nito. Pabilis ng pabilis ang tibok ng puso ni Qiao Anhao kaya pati ang tenga niya ay nagiinit na rin.

Noong binigyan niya si Lu Jinnian ng torch noong bata pa sila, inimagine niya kung anong pakiramdam na mahawakan ang malambot at manipis nitong kamay. Sa loob ng mahabang panahon, ito ang unang pagkakataon na naghawak kamay sila ng ganun kaseryoso, di hamak na mas nakakakilig at mas nakakasabik ito kaysa sa naimagine niya.

Ginaya ni Qiao Anhao si Lu Jinnian, kalmado rin siyang tumingin sa screen na at naglakas loob siya na mas higpitan pa ang hawak sa kamay nito.

Naramdaman ni Lu Jinnian na mas humigpit pa ang hawak ni Qiao Anhao, nagniningning sa saya ang kanyang mga mata pero wala pa ring nagbabago sakanyang reaksyon at nanatili lang siyang kalmado.

Para sa mata ng iba, mukhang hindi sila naguusap, pero ang isang hindi alam ng mga ito, ang mga kamay pala nila'y mahigpit na magkahawak.


Kapitel 355: Mahal kita, Mahal kita (11)

Redakteur: LiberReverieGroup

Parang biglang nagsarado ang mga tenga ni Qiao Anhao at wala na siyang marinig na kahit ano sa buong kwarto. Gulong gulo ang kanyang isip, bakit hinahawakan ni Lu Jinnian ang kanyang kamay?

Ano bang iniisip nito? Hindi naman siguro siya gusto nito, tama ba?... Kasi ang pagkakasabi nito sakanya dati, kahit sino man daw ang nagugustuhan nito, siguradong hindi siya yun….

Sa loob loob niya, parehong saya at pagkalito ang kanyang nararamdaman.

Hindi niya na alam kung gaano katagal na silang magkahawak kamay, pero naramdaman niya na unti-unti ng namamawis ang kanyang kamay. Malagkit at basa ito pero ayos lang ito para sakanya at hindi rin nito nabawasan ang saya na nararamdaman niya.

"Kanino 'tong sunod na kanta?" tanong ni Song Xiangsi na katatapos lang kumanta ng tatlong sunod-sunod na kantang pinili nito.

Nakatingin lang si Qiao Anhao sa screen at hindi sumagot.

"Sinong namili ng 'There was you in my youth'?" may isa pang nagtanong.

Nanatiling tahimik si Qiao Anhao.

Si Qiao Anhao ang pumili ng kanta ni Song Xiangsi kaya noong walang sumagot matapos niyang magtanong sa iba-iba't tao kung kanino ang kanta, pasigaw niyang tinawag si Qiao Anhao, "Xiao Qiao!"

Saka palang nahimasmasan si Qiao Anhao noong narinig niya ang kanyang pangalan at naguguluhan siyang tumingin kay Song Xiangsi. "Huh? Anong meron, Xiangsi Jie?"

Ikinaway ni Song Xiangsi ang mikroponong hawak nito. "Ikaw ba ang namili ng kantang 'There was You in My Youth?"

Agad na tumungo si Qiao Anhao at dahan-dahan niyang tinanggal ang kanyang kamay mula sa pagkakahawak ni Lu Jinnian bago siya tumayo.

Si Lu Jinnian na nasa tabi ni Qiao Anhao ay bigla ring nahimasmasan. Kalmado niyang ikinuyom ang kamao at masaya niyang inaalala ang mga nangyari, gusto niya itong ingatan habang buhay.

Naglakad si Qiao Anhao papunta kay Song Xiangsi para kunin ang mikropono.

Ang third male lead na nakatayo sa tabi ng karaoke ay papatugtugin na sana ang background music nang bigla itong magreklamo. "Eh bakit may dalawang 'There was You in My Youth'? Dalawang beses mo ba yang pinindot Xiao Qiao?"

Hindi pa tuluyang nahihimasmasan si Qiao Anhao sa nangyaring paghahawak kamay nila ni Lu Jinnian kaya hindi niya masyadong naintindihan ang tanong ng third male lead pero bago pa man din siya makasagot, bigla nalang nagsalita si Lu Jinnian, "Ako pumili niyan."

Gulat na gulat na napatingin si Qiao Anhao kay Lu Jinnian. Parehong kanta talaga ang napili nila? Hindi maipaliwanag na saya ang bigla niya nanamang naramdaman, pareho pa pala sila ng paboritong kanta.

"Dahil pareho naman ang napiling kanta nina Mr. Lu at Xiao Qiao, bakit hindi nalang kayo magduet," mukahi ng isa.

Nakakabagot naman talagang makinig ng isa lang ang kumakanta, kaya nagkasundo ang lahat sa ideya.

Ayaw sanang tawagin ni Qiao Anhao si Lu Jinnian na nakaupo sa sofa, kaya tinignan niya nalang ito. Naghintay pa ito ng halos dalawang segundo bago ito tumayo ng walang imik para kumuha ng isa pang mikropono habang naglalakad papalapit sakanya.

Biglang tumahimik ang buong kwarto noong pinatugtog na ng third male lead ang background music. Itinaas ni Lu Jinnian ang kanyang kamay bilang senyas kay Qiao Anhao na magumpisa na sila. Ipinikit ni Qiao Anhao ang kanyang mga mata, huminga ng malalim habang pinapakiramdaman ang tibok ng kanyang puso bago niya muling iangat ang kanyang ulo.

"I would often think about that year, the old study table,

"I would often look at your profile, dreaming,

"You would have never known that the young me kept you deep in my heart."


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C354
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES