App herunterladen
35.35% Bringing the Nation's Husband Home (Tagalog) / Chapter 344: Patawarin mo ako (24)

Kapitel 344: Patawarin mo ako (24)

Redakteur: LiberReverieGroup

Matapos sumagot ni Lu Jinnian, nakita ni Qiao Anhao na nanlilisik sa galit ang mga mata nito.

Alam niyang hindi ito nagsasabi ng totoo at alam niya rin na nagsisinungaling lang ito para mapanatag siya pero kung ayaw talaga nitong sabihin ang katotohanan, ayaw rin naman niyang mamilit, kahit gaano pa siya naiintriga.

Pero siguradong napakasakit at napakalala ng nangyari.

Kahit sino naman sigurong babae na tratuhin ng paiba-iba ng lalaking pinakamamahal niya ay malulungkot at hindi mapapalagay. Malinaw kay Qiao Anhao na hindi talaga siya mahal ni Lu Jinnian pero simula noong mas naging maayos ang relasyon nila, hindi niya na mapigilan ang kanyang sarili na lalo pang mahulog. Hanggang sa dumating ang araw ng kaarawan nito kung kailan siya nagising sa katotohanan kaya paulit ulit niyang sinasabi sa kanyang sarili na hindi na siya muling magpapaloko.

Pero ano nga ba talaga ang tunay na ibig sabihin kapag mahal mo ang isang tao?

Ito ba yung kahit alam mong hindi ka niya mahal, na pwede ka niyang masasaktan, pero hindi mo pa rin mapigilan ang sarili mong mag-alala sa tuwing nakikita mo siyang malungkot?

Siguro dahil yun sa kagustuhan mong makita siya na laging masaya kaya sa tuwing nalulungkot siya ay naapektuhan ka rin.

Alam ni Qiao Anhao na wala naman talaga siyang patutungahan kaya dapat noong araw palang ng kaarawan ni Lu Jinnian kung kailan siya trinato nito ng sobrang lala, tumigil na siyang mahalin ito pero hindi niya talaga magawa. Labintatlong taon niya itong minahal , minahal niya ang lahat ng kalakasan at kahinaan nito. Maaring iniisip ng iba ay napakatanga o manhid niya dahil nagawa niya ng umiwas ng ilang araw pero sa puntong ito, hindi niya nanaman mapigilan ang kanyang sarili na magalala.

Mahina niyang sinabi kay Lu Jinnian, "Wag ka ng malungkot, kahit ano pa man yan, siguradong lilipas din yan. Lagi mong tatandaan na dapat hindi mo sinasaktan ang sarili mo kahit gaano ka pa kagalit."

Minsan talaga ang taong pinakamamahal mo ay parang may kakaibang kapangyarihan na kahit ang pinaka simple nitong mga salita ay sapat na para tunawin ka.

Ang mga salita ni Qiao Anhao ay parang isang palayok ng pulot pukyutan na binabalot ang puso ni Lu Jinnian ng pinagsama-samang init, lambing, pasasamalat at higit sa lahat, pagmamahal.

Tinignan niya si Qiao Anhao at nakita niya ang braso nito na nakabalot ng bandage. Noong unti-unti niyang itinaas ang direksyon ng kanyang mga mata para tignan ang mukha nito, may bigla siyang naalala at may gusto sana siyang sabihin pero wala ni isang salita ang lumabas mula sakanyang bibig. Bandang huli, bigla niya nalang hinawakan ang kamay nito at hinila papalapit sakanya.

Niyakap niya ito ng mahigpit at hindi nagtagal, tuluyan na ngang namuo ang mga luha sa kanyang mga mata, wala siyang ibang nararamdaman sa mga oras na ito kundi ang kanyang puso na sobrang kuntento at saya.

Mahina niyang sinabi, "I'm sorry nasaktan kita."

Sobrang natunaw ang puso ni Qiao Anhao. Kung kanina ay naiisip niya pa rin ang mga masasamang bagay na nagawa nito sakanya, pwes ngayon wala na siyang pakielam sa mga ito. Hindi niya na napigilan ang kanyang sarili at itinaas niya na rin ang kanyang mga kamay para yakapin ang bewang ni Lu Jinnian at sinabi, "It's alright."

Dahan-dahang ikiniskis ni Lu Jinnian ang kanyang baba sa ulo ni Qiao Anhao at hindi nagtagal ay muli nanaman siyang nagsalita, "I'm sorry."

Ang buong akala ni Qiao Anhao ay humihingi pa rin ng tawad si Lu Jinnian dahil sa naging sugat niya sa braso kaya muli siyang sumagot, "It's all right". Natigilan ito ng sadlit bago muling magpatuloy, "It's alright, at isa pa maliit na sugat lang naman ito."

Hindi nagsalita si Lu Jinnian at mas lalo pang hinigpitan ang kanyang yakap.

Ang pangalawa niyang paghingi ng tawad kay Qiao Anhao ay hindi na para sa sugat na natamo nito kundi para sa nangyari sakanilang anak.

Humihingi siya ng tawad dahil naidamay niya ito na naging dahilan ng pagkamatay ng kanilang anak.

Humihingi siya ng tawad dahil hindi siya naging mabuting ama at hindi niya rin nagawang protektahan ang bata.


Kapitel 345: Mahal kita, Mahal kita (1)

Redakteur: LiberReverieGroup

Kinabukasan, kinakailangan ng bumalik ng set nina Qiao Anhao at Lu Jinnian para magfilm. Ito ang kanilang last stretch kaya maraming dinalang gamit si Qiao Anhao. Nang makita siya ni Madam Chen na marami siyang inempakeng bag, hindi ito nagalinlangang tulungan siya na ilagay ang lahat sa isang malaking maleta.

Noong dumating si Zhao Meng sa Mian Xiu Garden para sunduin si Qiao Anhao, saktong ibinababa na ni Lu Jinnian ang mga maleta na ipapasok niya sa loob ng sasakyan.

Binuksan na ni Qiao Anhao ang pintuan ng sasakyan pero hindi siya kaagad pumasok. Nagpaalam muna siya kay Madam Chen at ipinaalala kay Lu Jinnian ang mga gamot na dapat nitong inumin. Katatapos niya lang sabihin ang kanyang mga paalala nang biglang dumating ang assistant ni Lu Jinnian kaya muli niyang inulit dito ang kanyang mga sinabi.

Nakinig ng mabuti ang assistant at pasigurado nitong sinabi sakanya, "Wag kayong mag-alala Miss Qiao, naiintindihan ko."

Marami pang sinabing paalala si Qiao Anhao bago siya tuluyang sumakay ng sasakyan at bago sila umalis, inilabas niya ang kanyang kamay sa bintana para muling magpaalam.

Ipapalabas na ang "Alluring Times' sa winter holiday kaya para hindi sila mabibitin sa oras, kailangan nilang kumpletuhin ang mga natitirang series sa loob ng dalawampung araw. Punong-puno ang schedule ng filming at halos lahat ng mga artista ay kinakailangang mag'standby tuwing gabi. Bihira lang din ang oras nila para magpahinga.

Kahit si Lu Jinnian, na bumabalik sa Huan Ying Entertainment tuwing break time, ay araw-araw ding nanatili sa set. Kadalasan, tinatrabaho niya ang mga dokumento sa lounge kahit naka'makeup kanyang buong mukha. Minsan nakikita rin siya ni Qiao Anhao na nakikipagconference meeting sa mga board sa pamamagitan ng kanyang laptop.

Kung hindi natutulog, madalas nasa cafeteria o nasa set lang si Lu Jinnian. Para maiwasan ang mga suspetya at mga hindi kanais nais na tsimis, iniiwasan nila ni Qiao Anhao na magsama pero dahil nasa parehong filming set lang sila at sila rin ang magkapareha sa drama, may mga pagkakataon na nakakapagusap pa rin naman sila minsan pero hindi kasing intimate na gaya pag nasa bahay sila. 

Pero kahit na ganoon, nararamdaman pa rin ni Qiao Anhao ang pagaalala at pagaalaga ni Lu Jinnian. Kapag nagfifilm sila ng eksena sa labas, nagdadala ang assistant nito ng balabal o di naman kaya ay binibigyan siya ng mainit na tsaa o gatas nito para hindi siya ginawin. Simpleng bagay lang ang mga ito pero sapat na ang mga ito para mapukaw ang kanyang damdamin at magkaroon siya ng mga paruparo sakanyang tiyan. May mga pagkakataon din na mapapatingin siya dito ng hindi niya namamalayan at minsa ay nagkakabanggaan pa sila ng tingin at habang abala at masaya ang lahat, sila naman ay nakatitig lang sa bawat isa. 

Sa tuwing nangyayari ito, bumibilis ang tibok ng puso ni Qiao Anhao at dahil hindi niya kayang maging kasing kalmado ni Lu Jinnian, madalas niyang ibinabaling ang kanyang tingin kay Zhao Meng at kunwaring kakausapin niya ito para magpanggap na walang nangyari. Minsan naman kapag hindi niya na talaga maitago ang kanyang nerbyos, bigla niya lang tinatawanan si Lu Jinnian na parang isang maliit na bata. Kahit na hindi masyadong nagpapakita ng emosyon si Lu Jinnian, nakikita niya pa rin na ngumingiti ito sakanya at sa tuwing nangyayari 'yun, bigla nalang umiinit ang kanyang mukha.


Load failed, please RETRY

Geschenke

Geschenk -- Geschenk erhalten

    Wöchentlicher Energiestatus

    Stapelfreischaltung von Kapiteln

    Inhaltsverzeichnis

    Anzeigeoptionen

    Hintergrund

    Schriftart

    Größe

    Kapitel-Kommentare

    Schreiben Sie eine Rezension Lese-Status: C344
    Fehler beim Posten. Bitte versuchen Sie es erneut
    • Qualität der Übersetzung
    • Veröffentlichungsstabilität
    • Geschichtenentwicklung
    • Charakter-Design
    • Welthintergrund

    Die Gesamtpunktzahl 0.0

    Rezension erfolgreich gepostet! Lesen Sie mehr Rezensionen
    Stimmen Sie mit Powerstein ab
    Rank 200+ Macht-Rangliste
    Stone 0 Power-Stein
    Unangemessene Inhalte melden
    error Tipp

    Missbrauch melden

    Kommentare zu Absätzen

    Einloggen

    tip Kommentar absatzweise anzeigen

    Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.

    Außerdem können Sie es jederzeit in den Einstellungen aus- und einschalten.

    ICH HAB ES