Hindi ito ang unang pagkakataon na nakita ni Qiao Anhao na nagwala si Lu Jinnian, pero kung ikukumpara sa mga nakaraan, ito ang pinaka malala. Halatang punong-puno ito ng pagkamuhi kaya hindi niya maiwasang makaramdam ng takot.
Gusto niya sana itong lapitan pero medyo kinakabahan siya kaya pinagmasdan niya muna ang sunod nitong gagawin. Nang makumpirma niya na mas naging kalmado na si Lu Jinnian at mukhang wala na rin itong balak na magwala muli, dahan-dahan siyang lumapit para tulungan itong tumayo ngunit noong sandaling mahawakan niya na ang braso nito, mabilis siyang umatras sa takot na baka bigla lang siyang itulak. Wala naman itong naging imik kaya nagkaroon siya ng lakas ng loob na tuluyan ng lumapit at tawagin ng mahina ang pangalan nito.
Hindi pa rin lubusang nawawala ang takot na nararamdaman niya pero sinubukan niya pa ring tawagin ng mahina ang pangalan nito, na sa sobrang hina ay aakalaing hangin lang. Ngunit ang hindi niya alam, masyado palang makapangyahiran ang kanyang boses kaya nang sandaling marinig ito ni Lu Jinnian, bigla nalang kumalma ang galit na galit nitong puso at unti-unti na itong nahimasmasan. Hindi nagtagal, nang may namumulang mga mata, dahan-dahan tumingin si Lu Jinnian sa natatakot ngunit halatang nagaalala niyang mga mata, at mukhang doon palang ito tuluyang nahimasmasan.
Kasalukuyang nanunuod si Madam Chen ng TV sa baba nang marinig niya ang pagtili ni Qiao Anhao kaya sa sobrang gulat at pagaalala, ilang beses siyang sumigaw ng "Mrs. Lu" pero hindi siya nakuha ng kahit sagot kaya nagmadali siyang umakyat. Pagkarating niya sa study room, hindi niya napigilan ang kanyang sarili na muli na namang mapasigaw sa mga bumungad sakanya, "Mr. Lu, anong nangyari?"
Nagmamadali siyang naglakad papalapit habang nag'aalalang sumigaw, "Mr. Lu, bakit ang dami mong sugat? Tatawag ako ng doktor!"
"Hindi na kailangan…" Simula nang mamatay ang ina ni Lu Jinnian sa ospital, kahit kailan ay hindi nya na ginustong makakita ng doktor at ni isang beses ay hindi siya nagtangkang manghingi tulong mula sa mga ito kahit pa para sa ibang tao. Sa kabila ng napakarami niyang sugat, hindi niya nakikitang sapat na rason ang ito para humingi ng tulong sa doktor kaya hindi siya pumayag sa gustong mangyari ni Madam Chen.
"Pero…" Napakarami nitong sugat… At dahil tag'init ngayon, mas malaki ang posibilidad na maempeksyon ang mga ito. Paano kung may natirang mga butil ng bubog sa katawa nito? Gusto pa sanang makipagtalo ni Madam Chen pero bigla itong napatingin sa braso ni Qiao Anhao at nakita niya na may sugat rin ito kaya muli nanaman siyang napatanong sa labis na pagaalala, , "Mrs. Lu, bakit may sugat ka rin? Baka magpeklat yan kapag hindi nagamot ng maayos."
Dali-daling tinignan ni Lu Jinnian ang braso ni Qiao Anhao at nang makumpirma niya na may sugat rin ito, bigla siyang nataranta at walang alinlangang inutusan si Madam Chen, "Bakit nakatingin ka lang? Bilisan mo at tumawag ka na ng doktor."
Sumagot lang si Madam Chen ng mahinang "Yea" at nagmamadali itong tumawag.
Tumawag si Madam Chen sa pinakamalapit na pribadong ospital sa Mian Xiu Garden kaya nakarating din kaagad ang doktor matapos ang halos sampung minuto.
Noong mga sandaling iyon, naakay na ni Qiao Anhao si Lu Jinnian pabalik sa kwarto nila kaya doon na rin hinatid na Madam Chen ang doktor.
Kumpara sa pinsalang natamo ni Lu Jinnian, di hamak na minor lang ang kay Qiao Anhao at ang mga ganung klase ay hindi naman na talaga kailangang itawag ito ng doktor. Sa totoo lang, kahit nga hindi na ito gamutin, kusa rin naman itong gagaling pagkalipas ng ilang araw kaya naisip ni Madam Chen na ituro si Lu Jinnian na nasa sofa. "Unahin mo munang gamutin ang mga sugat ni Mr. Lu."
Ibinaba ng doktor ang hawak niyang bag pero noong gagamutin na sana niya si Lu Jinnian ay bigla itong nagsalita, "Siya unahin mong gamutin."
"Ayos lang ako." Wala namang nararamdamag kahit ano si Qiao Anhao kaya umiling siya bilang pagtanggi.
Pareho nilang pinagtutulakan ang doktor na unahing gamutin ang kabilang kampo kaya nakatayo lang ito habang nagaabang kung ano ba talaga ang dapat gawin. Tumingin ang doktor kay Qiao Anhao na sinundan naman ng pagtingin nito kay Lu Jinian bago tanungin ang dalawa kung sino ba talagang mauuna.
Muling nagsalita si Qiao Anhao. "Sumuka siya ng dugo kanina, kaya dapat malaman kaagad kung bakit."
"Gamutin mo muna siya." Kalmadong sinabi ni Lu Jinnian pagkatapos na pagkatapos magsalita ni Qiao Anhao. Halatang pautos at namimilit ang paraan ng kanyang pagkakasabi na para bang ayaw na niyang makipagtalo pa kay Qiao Anhao. Tinignan niya ito at mahinahong sinabi, "Mauna ka na."
Wala ng pagdadalawang isip na naglakad ang doktor papunta kay Qiao Anhao. "Bakit nakatingin ka lang? Bilisan mo at tumawag ka ng doktor."
Sa totoo lang, gusto pa talaga sanang makipagtalo ni Qiao Anhao pero noong sandaling narinig niya ang sinabi ni Lu Jinnian na 'siya na ang mauna', wala na siyang nagawa at ipinakita nalang ang kanyang braso sa doktor.
Hindi naman malala ang sugat ni Qiao Anhao at kaya itong gamutin ng kahit sino. Nilinisan lang ito ng doktor bago balutan. Matapos ang limang minuto, tapos na ang lahat kaya muling tinignan ng doktor si Lu Jinnian. "Mr. Lu, ikaw naman."
Hindi pinansin ni Lu Jinnian ang sinabi ng doktor at nagtanong, "Magkano?"
Nagulat ang doktor pagkatanong niya kung magkano. Ibig sabihin nagpapunta siya ng doktor para lang magpagamot ng napakaliit na sugat?
Biglang nagbago ang itsura ni Qiao Anhao pero bago niya pa masabi ang gusto niya sanang sabihin naunahan na siyang magsalita ng hindi mapakaling si Madam Chen, "Mr. Lu, hindi ka pa nagagamot."
"Hindi na kailangan," naiinis na sagot ni Lu Jinnian habang nakatingin ng masama kay Madam Chen at inutusan niya itong ihatid ang doktor palabas. "Madam Chen, bayaran mo na ang bill at ihatid mo na siya palabas."
"Mr. Lu…"
"Sinabi ko namang ayos lang ako diba," pagputol ni Lu Jinnian kay Madam Chen.
"Mrs. Lu.." Pagmamakaawa ni Madam Chen kay Qiao Anhao habang nakatingin sa duguang damit pang'taas ni Lu Jinnian.
Tinignan ni Qiao Anhao si Lu Jinnian. Alam niyang ayaw nito sa mga doktor at siguradong hindi ito papayag na magpagamot gaano man kaseryoso ang mga sugat nito kaya tumayo nalang siya para humingi ng tawad sa doktor. "Pasensya na kung naabala pa naming kayong pumunta rito, ako na ang maghahatid sayo."
Nagaalala si Madam Chen kay Lu Jinnian pero wala siyang karapatang magpumilit kaya sinamahan niya nalang si Qiao Anhao na ihatid ang doktor sa labas.
Bago tuluyang makalabas ang doktor, muling nagtanong si Qiao Anhao sa huling pagkakataon, " Doktor, pwede mo ba akong bigyan ng mga gamot para sa sugat? Si Madam Chen nalang ang magbabayad sayo."
Masayang tumungo ang doktor at agad nitong binuksan ang bag na hawak para kumuha ng isang bote ng panglinis, mga gamot, mga bandage, at mga plaster. Ilang sandali rin itong napahinto para magisip kung may iba pang kakailanganin bago magabot ng isang kahon ng anti-inflammatory medicine. Hindi nito nakalimutang ibilin ang dosage at kung kung gaano kadalas kailangang inumin ang mga gamot. Isinulat muna ni Qiao Anhao ang lahat ng dapat niyang tandaan bago muling inutusan si Madam Chen na tuluyan ng ihatid ag doktor palabas.
Umakyat siya kaagad sa taas dala ang mga gamot na ibinigay sakanya ng doktor. Pagkapasok niya sa kwarto, nakita niya na nakadungaw si Lu Jinnian sa bintana habang nagsisigarilyo kaya inilapag niya ang kanyang mga hawak at dahan-dahang naglakad palapit kay Lu Jinnian para walang pasabing agawin ang sigarilyong hawak nito.
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES