Pagkarating ng assistant sa gate, nakita nito si Lu Jinnian na may kinalkal sa basurahan at parang may hinahanap…
Kahit pa araw-araw na nililinis ang basurahan sa Mian Xiu Garden, hindi pa rin maiiwasang magkaroon ito ng hindi kanais nais na amoy.
Natigilan ang assistant sa nakita nito bago ito dali-daling lumapit kay Lu Jinnian habang nakatakip ang ilong. "Mr. Lu, madudumi rito. Ano bang hinahanap mo? Tatawag nalang ako ng tao para hanapin yun para sayo…"
Hindi sumagot si Lu Jinnian, na para bang hindi niya narinig ang sinabi ng kanyang assistant, at nagpatuloy lang siya sa pagkalkal ng basurahan. Ilang sandali lang ay nanliwanag ang kanyang paningin nang makita niya ang isang kulay itim na plastic bag.
Umatras ang assistant habang pinapanuod nito si Lu Jinnian na binubuksan ang plastic bag at halos hindi na ito makagalaw sa kinatatayuan nito sa sobrang gulat.
Ang plastic bag ay may lamang sirang cake, kung saan ang butter cream nito ay nagkalat sa loob ng bag. Mayroon ding makikitang mga pumutok na lobo sa loob at hindi maitatangging napaka'sangsang talaga ng amoy nito.
Hindi makapagsalita si Lu Jinnian. Pagkatayo niya, parang sasabog sa kanyang buong katawan ang sobra sobrang sakit na nararamdaman ng kanyang puso at nginginig ang kanyang buong katawan habang hawak ang plastic bag.
Hindi alam ng assistant kung ano ang nakita niya, pero alam nito na may problema. Nanatili itong tahimik sa kinatatayuan nito, na parang kahit paghinga ay hindi nito ginagawa.
Hindi makagalaw si Lu Jinninan at matagal siyang nanatili sakanyang posisyon bago niya pilitin ang kanyang sarili na ikurap ang kanyang mga mata. Nakatingin lang siya direksyon ng basurahan habang iniisip kung ano ang itsura ng cake bago ito itinapon. Matapos ang ilang sandaling pananahimik, muli niyang ikinurap ang knayang mga mata at ibinalik ang plastic bag sa basurahan. Mabilis siyang naglakad pabalik ng bakuran at nilampasan niya lang ang kanyang assistant na para bang wala ito roon.
Pagkakita sakanya ni Madam Chen na muli siyang papasok ng bahay, nagmamadali itong bumati sakanya "Mr. Lu", pero nilampasan niya lang din ito na para bang wala siyang narinig at nagdire-diretso lang siya sa itaas. Pumasok siya sa kwarto nila at isinara ang pintuan kung saan siya sumandal ng nakatingala sa mga crystal lights na nasa kisame habang iniisip ang mga bagay-bagay.
Hindi nagsisinungaling si Madam Chen.. Nagplano talaga si Qiao Anhao na sorpresahin siya kahapon.
Nabanggit ni Madam Chen na yun ang unang pagkakataon na gumawa si Qiao Anhao ng birthday cake…
Kung umuwi siya kagabi, malamang makikita niya ang lahat ng ito. Bakit hindi siya umuwi? Bakit hindi siya umuwi?
Unti-unting sumakit ang kanyang mga mata samantalang ang kanyang lalamunan naman ay parang sinasakal at halos hindi na siya makahinga. Gamit ang dalawa niyang kamay, tinakpan niya ang kanyang mukha at bumulong sa kanyang sarili, "Lu Jinnian, bakit hindi ka umuwi?"
Pagkababa niya, naikalma niya na ang kanyang sarili at bumalik na siya sa tipikal niyang awra. Nakapagshower at nakapagpalit na rin siya ng malilinis na mga damit. Walang imik siyang nagdire-diretsong naglakad papunta sa kanyang sasakyan.
Sa buong biyahe, hindi nagpalit ng posisyon si Lu Jinnian simula noong pumasok siya sa sasakyan. Nakatitig lang siya sa bintana habang nagiisip ng malalim.
Masyadong mabigat ang pakiramdam sa loob ng sasakyan.
Nanatiling kalmado ang assistant sa pagmamaneho, habang si Lu Jinnian naman ay diretso lang ang tingin at mukhang walang balak gumalaw.
-
Hindi na nananghalian si Qiao Anhao sa Mian Xiu Garden at sabay nalang silang kumain ni Zhao Meng sa hotel restaurant.
Hindi siya masyadong nakatulog kagabi at hindi rin maganda ang mood niya kaya parang hinang hina siya ngayong araw. Napagdesisyunan niyang mamili muna ng pagkain bago siya maghanap ng mauupuan.
Gutom na si Qiao Anhao pero wala siyang ganang kumain. Mabagal at matamlay din ang kanyang mga kilos.
Samantalang si Zhao Meng naman ay may dalang punong plato na halos matapon na ang mga laman. Pagkaupo nito ay agad nitong inilagay ang puting mangkok sa harap ni Qiao Anhao. "Qiao Qiao, mayroon silang Dong Po meat kaya kinuhaan kita ng isang bowl."
"Thank you," sagot ni Qiao Anhao. Binuksan niya ang takip ng mangkok at nagkalat ang nakakatakam na amoy nito ngunit pa rin nito naibalik ang kanyang ganang kumain at mas lalo pang nagloko ang kanyang tyan.
Ang Dong Po meat sa hotel ay gawa pa ng isang chef na mula sa Hang Zhou, ibang klase talaga ang lasa nito kaya itinuturing nila itong specialty. Paborito ito ni Qiao Anhao pero noong sandaling sumubo siya ng karne ay parang nanibago siya sa lasa kaya bigla niya itong idinura at kumuha nalang ng gulay.
"Bakit?" pagtatanong ni Zhao Meng na halos hindi na maintindihan dahil sa sobrang pagkapuno ng bibig.
"Hindi maganda yung pakiramdam ng tyan ko." Hindi pa masyadong nakakakain si Qiao Anhao pero pakiramdam niya ay busog na siya kaagad kaya ibinaba niya na ang kanyang chopsticks at tumingin kay Zhao Meng. "Siguro dahil sa alak kagabi."
Pagkatapos nilang kumain ay bumalik muna sa kanyang kwarto para makapagpahinga pero dahil sa sobrang pagod ay nakatulog siya kaagad ng mahimbing.
Sumapit na ang gabi pero mabimbing pa rin ang kanyang pagkakatulog kaya ginising na siya ni Zhao Meng.
Gulat na gulat na iminulat ni Qiao Anhao ang kanyang mga mata, at nagtatakang nagtanong, "Anong meron?"
"Anong meron? May panggabi kang eksena, bilisan mo at kumain ka muna bago ka pumunta sa set!" sagot ni Zhao Meng bago nito hawiin ang kanyang kumot.
Sumilip si Qiao Anhao sa bintana at narealize niya na magdidilim na pala. Tinignan niya ang oras sa kanyang relo at nang makita niyang halos alas sais na pala ng gabi ay bigla siyang nagising at kumaripas na nagaayos bago sila kumain ni Zhao Meng.
Wala pa rin siya masyadong ganang kumain kaya hindi niya nanaman naubos ang cold plate at plain porridge na kanyang napili.
Samantalang si Zhao Meng na nasa tabi niya ay sinisimot ang halos kalahating plato ng Chilli fish.
Masyadong matapang ang amoy ng isda kaya muling nagloko ang tyan ni Qiao Anhao. Bandang huli, hindi niya na talaga kinayang ubusin ang kanyang porridge dahil sobrang nagloloko na ang kanyang tyan na para bang nasusuka na siya.
Maraming crew members na kumakain kaya nahihiya si Qiao Anhao na gumawa ng eksena. Inilapag niya ang kanyang chopsticks at nagpaalam muna na pupunta siya sa CR. Nagmamadali siyang lumabas ng restaurant, pero noong nakarating na siya sa CR, biglang nawala ang kanyang pagsusuka.
Naghugas nalang siya ng kanyang mga kamay at bumalik sa restaurant. Pero muli nanamang nagloko ang kanyang tyan noong sandaling maamoy niya ang aroma na nanggaling sa loob. Dahil wala rin naman siyang ganang kumain, tinext niya nalang si Zhao Meng na magpapahinga muna siya sa malapit na lounge area.
Maraming artista ang kakailanganin sa eksenang ishushoot sa gabing iyon kaya nagmadali si Qiao Anhao na makapagpa'makeup habang sina Song Xiangsi at Cheng Yang naman ay patapos na sa pagme'makeup.
Binati muna ni Qiao Anhao ang mga ito bago siya umupo sa kanyang nakahandang upuan para sakanya.
Das könnte Ihnen auch gefallen
Kommentar absatzweise anzeigen
Die Absatzkommentarfunktion ist jetzt im Web! Bewegen Sie den Mauszeiger über einen beliebigen Absatz und klicken Sie auf das Symbol, um Ihren Kommentar hinzuzufügen.
Außerdem können Sie es jederzeit in den Einstellungen aus- und einschalten.
ICH HAB ES