Kapitel 1726: Maswerte Akong Nakilala Kita

Happy, ito ay isang pambihirang Team.

Sa Season 10 ng Glory Professional League, nakakuha sila ng isang pambihirang Kampeonato.

Napatayo ang mga nanonood na propesyonal na manlalaro, at pumalakpak silang lahat.

Sa mga sandaling ito'y wala na silang magagawa pa kundi ang pumalakpak, at ibigay ang kanilang pagkahanga sa bawat manlalaro ng Happy. Ang pagpatuloy sa pag-uusap tungkol sa ipinakitang paglalaro ni Ye Xiu sa huling mga sandali ay masasabi mong bastos sa ganitong sitwasyon.

Pero sa totoo lang, masyadong pambihira nga naman talaga ang naipakitang lakas ni Ye Xiu sa huling anim at kalahating segundo ng labanan. Makikita mong namamalagi pa rin ang gulat sa mukha ng bawat manlalaro.

Pero hindi ipinapakita ngayon ng mga empleado ng Alliance ang mga nangyari sa mga sandaling iyon, hindi ipinakita ng karamihan sa mga screen sa istadyum na ito ang makasaysayang sandali na iyon.