Kapitel 352: Ang Mga Biglaang Pangyayari

Malalim na ang gabi, malakas na umiihip ang hangin.

Sa gitna ng napakalaking alliance army sa loob ng mundong nasa loob ng isa pang mundo.

Nagpalitan ng mga tingin sina Luo Feng, Hong at Thunder God, makikita ang mga ngiti sa kanilang mukha.

"Tara na," mahinang sinabi ni Luo Feng.

Mabilis na tumayo ang maliit na team ni Luo Feng at walang kahirap-hirap na naglakad palabas sa napakalaking alliance army. Ang pagpasok sa alliance army ay naging mahirap para sa kahit sino matapos silang hingian ng identification! Ang sinumang hindi kabilang sa mga powers or naglalakihang organisasyon sa Black Dragon Mountain Empire ay pinagbabawalang makapasok sa base, pero naging madali naman ang paglabas ng mga taong nasa loob na nito. Sabagay, walang tigil na nagpadala ang naglalakihang powers ng mga tao palabas at papasok ng base para magdeliver ng thunderstones.

Hindi nga ganoon kakaunti ang dami ng mga taong lumalabas at pumapasok sa alliance army base na ito.