Kapitel 177: Ang Personal na Army

"Isang spirit reader sa tuktok ng advanced wargod level? Kakaiba ka nga talaga." Nang makita ni commander Li ang pagpasok ni Luo Feng ay agad niyang sinimulan ang pag-oobserba sa malaalamat na henyong ito. Ang Luo Feng sa kanyang harapan ay nakasuot ng isang pangkaraniwang training uniform at makikitang basang-basa rin ng pawis ang kanyang noo. Isang tila walang hugis na enerhiya ang nagmumula kay Luo Feng na para bang isang napakalakas na halimaw.

Ito ang bagay na nakapagpabilis ng tibok ng mga puso nina commander Li at executive officer Wang.

Hindi nila alam na dahil ito sa pagsasanay ni Luo Feng ng Celestial Deity Catalog ng ilang libong beses kaninang umaga. At dahil sa sobrang pagkapagod nito ay hindi na niya nagawa pang kontrolin ang kanyang spiritual force kaya nakalabas ang kaunti nito sa kanyang katawan.

"Mag-usap-usap na muna kayo riyan, mauuna na ako," ngiti ni Wu Tong.

"Salamat chief instructor Wu."