Chapter 1711: Ang Nakalatag na Pagkakataon

Swerte!

Iyan ang maiisip na dahilan ng karamihan sa mga taong nag-iisip tungkol sa tunay na dahilan kung papaano nagawang pigilan ni Steamed Bun ang opensiba ni Wu Qi. Kasi naman, malamang na hindi alam ni Steamed Bun ang bantang dala-dala ni Wu Qi noong umatake siya gamit si Cruel Silence.

Sa katunayan lang ay mas magandang sabihin na umaksyon lamang si Steamed Bun batay sa kaniyang pakiramdam. Pero ang ganoong klase ng pakiramdam, nabuo ba iyan dahil sa bilis ng kaniyang reaksyon?

Pero kahit na ano pa man ang sabihin ay isang katotohanan naman na nagawang pigilan ni Steamed Bun si Cruel Silence gamit ang isang Paralysis Needle. Pagkatapos niyan ay syempre, hindi inihinto ni Soft Mist ang kaniyang mga atake.