Chapter 653: Ang Sagradong Tablet

Simula noong unang bahagi ng kanilang laban ay mukhang palaging nagkaroon ng advantage si Bei Chuang na nagmula sa lahi ng gold horn. Maging sa huling bahagi ay naging confident pa rin siya nang husto sa paggamit ng pinakamatindi niyang lakas, ang paggamit sa world crystal para ilabas ang Space Tremor blade na tatalo kay Luo Feng nang malinis.

Pero naging kabaliktaran ito ng tunay na kinalabasan ng laban!

Lumakas kasi nang husto ang taong henyo at tuluyang winasak si Bei Chuang.

 "Paano itong nangyari?"

 "Paano siya biglang natalo, ang…"

Hindi matanggap ng hindi mabilang na nilalang mula sa lahi ng gold horn ang naging resulta ng laban.

At muling nagsalita ang host sa laban gamit ang dumadagundong niyang boses "At ang taong henyo na si Luo Feng ang nanalo sa labang ito!"

Matapos marinig ang resulta ay hindi na nagawa pang icheck ni Luo Feng ang sugatang si Bei Chuang, mabilis siyang lumipad pabalik sa daanan papunta sa resting quarters.